Nghimtina a kunkilile kombinga yokwaahena iilonga
Ominista yaaniilonga, Erkki Nghimtina oya holola okutya okwaahena iilonga mokati kaanyasha oshi li omboma ndjoka kwa tegelelwa yi tope kehe ethimbo, ngele kape na shoka tashi ningwa po.
Minista okwa popi ngaaka pethimbo kwa tulwa miilonga oGlobal Apprenticeship Network mOvenduka, mEtitatu lyoshiwike sha piti.
Ondjele yokwaahena iilonga mokati kaanyasha yoomvula o15 sigo 34 oya thikama poopreenda 43.4, palopota yo 2016 Namibia Labour Force Survey.
Minista okwa popi kutya kakele konkalo yeliko ndjoka yanayipala noonkondo, na itayi vulu okutota po oompito dhiilonga dha gwana aanyasha, onkalo natango otayi nayipalekwa kompumbwe yelongekumwe ewanawa pokati kiiputudhilo yelongo mokutota po ooprograma dhelongo.
Okwa tsikile kutya, okwa dhidhilie kutya muule woomvula dha piti, oshikumungu shokwaahena iilonga, oluhepo netopolo lyeliko kali thike pamwe osha dhigwa owala momake gepangelo na ota pula oshikondo shopaumwene shi dhane onkandangala onene moshikumungu shoka, nokuyambidhidha epangelo.
Omunambelewa gwoInternational Labour Organisation (ILO) , Maria Machailo-Ellis, okwa popi kutya onkalo yeliko lyaNamibia oya taalela oshiponga naashoka oshi li konyala miilongo oyindji mbyoka opo tayi putuka.
Omunambelewa ngoka okwa pula egandjo lyuunongo mokati kaanyasha opo ku vule okugandjwa omauwanawa koongeshefa, aaniilonga ye na uunongo poondondo dha yooloka.
JEMIMA BEUKES
Minista okwa popi ngaaka pethimbo kwa tulwa miilonga oGlobal Apprenticeship Network mOvenduka, mEtitatu lyoshiwike sha piti.
Ondjele yokwaahena iilonga mokati kaanyasha yoomvula o15 sigo 34 oya thikama poopreenda 43.4, palopota yo 2016 Namibia Labour Force Survey.
Minista okwa popi kutya kakele konkalo yeliko ndjoka yanayipala noonkondo, na itayi vulu okutota po oompito dhiilonga dha gwana aanyasha, onkalo natango otayi nayipalekwa kompumbwe yelongekumwe ewanawa pokati kiiputudhilo yelongo mokutota po ooprograma dhelongo.
Okwa tsikile kutya, okwa dhidhilie kutya muule woomvula dha piti, oshikumungu shokwaahena iilonga, oluhepo netopolo lyeliko kali thike pamwe osha dhigwa owala momake gepangelo na ota pula oshikondo shopaumwene shi dhane onkandangala onene moshikumungu shoka, nokuyambidhidha epangelo.
Omunambelewa gwoInternational Labour Organisation (ILO) , Maria Machailo-Ellis, okwa popi kutya onkalo yeliko lyaNamibia oya taalela oshiponga naashoka oshi li konyala miilongo oyindji mbyoka opo tayi putuka.
Omunambelewa ngoka okwa pula egandjo lyuunongo mokati kaanyasha opo ku vule okugandjwa omauwanawa koongeshefa, aaniilonga ye na uunongo poondondo dha yooloka.
JEMIMA BEUKES
Comments
Namibian Sun
No comments have been left on this article