Nghaamwa a gandja omboola dhomeya koshigwana

Ø Aakwashigwana ya kala mompumbwe yomeya okuza mo-2013ILENI NANDJATO Oombola dhoka odha longwa noshimaliwa sha thika pooN$714 000 shoka sha pewa omagano oshiketha sha ngoloneya kehangano lyoSea Flower Fishing Company, niimaliwa mbyoka oya nuninwa okuyambulapo oopoloyeka.Nghaamwa ngoka a gandja oombola ndhoka momake gaakwashigwana oshowo koshikondo shomeya mOmbaba moshikandjohogololo shaShikunde okwa lombwele oshifokundaneki shoNamibian Sun kutya, okwa tokola okulongitha oombola ndhoka dha kala uule nethimbo itadhi longo omolwa aakwashigwana yomoshitopolwa she mboka taya mono iihuna kenota.Nghaamwa okwa popi kutya ope na oombola dha thika po 16 ndhoka dha tulwa moshitopolwa shaHangwena ihe odha kala itadhi longo okutameka 2013, naNghaamwa okwa longitha oomboola dhi li ne moshikandjohogololo kehe mOshikunde nOkongo.“Omeya ogo omwenyo na itandi vulu okukala nda tegelela ehangano lyaSouth Afrika ndyoka tali kutha oomvula opo li ye okupangela oomboola ndhoka omanga aantu yandje ya pumbwa omeya, po ope na iimaliwa. Ondi na okulongitha iimaliwa mbyoka opo ndi hupithe aantu yandje okuza kenota.”Oombola ndhoka dha pangelwa odhili oshitopolwa shoomboola 104, ndhoka o25 dha tulwa moshitopolwa shaZambezi, 14 Kavango East, 17 Kavango West, 16 Ohangwena, 21 Kunene oshowo 11 Omaheke.Omukalelipo gwaSouth Afrika moNamibia, okwa lombwele oNamibian Sun kutya iilonga yoombola ndhoka oya pewa ehangano lyoRand Water, ehangano enene lyeyandjakaneko lyomeya moshilongo shawo oshowo omwaandjakaneki gwomeya moshitopolwa shaGauteng.Omupeha omukomeho omukalelipo gwaSA, Eli Bitzer, okwa tseyithile oNamibian Sun kutya ehangano ndyoka olyiipyakidhila nomalongekidho, oshowo egandjo lyomadheulo kaakwashigwana nkene ku na okulongithwa oomboola ndhoka, omanga inadhi tameka okulonga, konima sho etsokumwe lya shainwa momasiku 15 gaJuni 2015. Ngoloneya okwa popi kutya aakwashigwana moshitopolwa she otaya longo nuudhigu okwiimonena omeya sho haya ende iinano iile okukonga omeya na ohaya longitha oondoongi okukakonga omeya iinano yookilometa dha thika po 20. Okwa tsikile kutya aakwashigwana mboka momidhongoloko dhawo mwa tungwa oomboola ndhoka oya tameke taya nyenyeta kombelewa ye okutameka momvula yo 2014. “Omvula ya piti ombelewa yandje oya mono oshimaliwa shooN$357 000 okuza kehangano lyoSea Flower Fishing Company, iimaliwa mbyoka ya nuninwa okuyambulapo oopoloyeka moshitopolwa. Onda tokola opo ndi longithe iimaliwa mbyoka miikondo ngaashi elongo nenge omeya ihe lwanima onda mono kutya omeya ogo oshipumbiwa shotango moshitopolwa.”Okwa tsikile kutya ehangano lyoAqua Drilling Company olya pewa iilonga yokulonga oomboola ndhoka hetatu momikunda ngaashi Okongo, Ombaba, Okwatiwalunga, Elundalondjamba oshowo Okanhi.Ompumbwe yomeya moshikandjohogololo Oshikunde oya thiminike omunamivo 23, Lazarus Thomas, opo a kale taka kongela aanamukunda yawo omeya okuza mOmundaungilo.Thomas oha longitha oondoongi ndhoka haka konga nandho omeya iikando iyali mesiku, okuza momukunda Omhito, na oha ende oshinano shookilometa 20 kehe esiku.Mwene gwomukunda Ombaba, Shituleipo Nghituwasha okwa pula aakwashigwana ya kwate nawa oomboola ndhoka nokupandula mboka ye ya pe omayambidhidho pethimbo ya kala ya taalela omukundu ngoka gwenota.Ngoloneya Nghaamwa okwa pula omahangano gopaumwene ga tameke okugandja omayambidhidha, ta popi kutya oshili oshitopolwa shondungethaneko yoHarambee Prosperity Plan.

Nghaamwa a gandja omboola dhomeya koshigwana

Comments

Namibian Sun 2025-06-20

Please login to leave a comment

Nghaamwa a gandja omboola dhomeya koshigwana

Comments

Namibian Sun 2025-06-20

Please login to leave a comment

Login