NEFF a gandja uusama komalelo goondoolopa
Ongundu yoNamibian Economic Freedom Fighters (NEFF) oya gandja uusama komalelo goondoolopa kutya ogo ga etitha oompangela dhawo dhokutunga omagumbo dhongushu yoobiliyona 3 dhi ndope.
Ongundu yoNEFF oya popi kutya omalelo goondoolopa inage ya pa ompito opo ya vule okumona oobiliyona 3 ndhoka dha pumbiwa mokutunga omagumbo ngaashi ya ningi omauvaneko ngoka pethimbo lyomahwahwameko gomahogololo gomo-2014.
Sho a popi noNamibian Sun mOmaandaha, omukwatakanithi gwoNEFF gwopashigwana, Kalimbo Ipumbu, okwa popi kutya kakele kondoolopa yaNdangwa, oondoolopa adhihe dhilwe odha tindi okutaamba ko oompangela dhawo dhokumona evi okupitila mopoloyeka yawo ndjoka ya li ya shangitha aantu yeli po-65 000, mboka kaye na evi.
Oya popi kutya elelo lyaNdangwa olya li lye ya ithana opo ya ka ulike oompangela dhawo, ihe lwanima olya kaleke oompangela ndhoka.
Mo-2014, NEFF okwa lombwele iikundaneki kutya oobiliyona 3 otadhi ka futwa momayalulo gombaanga yomoshilongo omanga omasiku 10 gaDesemba2014 inaga thikana, okuza kiilonga yaAsia na Arab.
Ongundu ndjoka oya ulukile oshifokundaneki shoNamibian Sun, omusholondondo gwomayalulo gawo gombaanga gwa ningwa kehangano lyomayalulo gopashimaliwa lyomOshakati, ihe momushondondo ngoka itamu ulike oobiliyona 3 dha futwa mombaanga yawo.
Kalimbo okwa popi kutya mboka yali taye ya pe ooshali inaya vula okutsikila nokugandja iimaliwa mbyoka, molwaashoka omalelo goondoolopa inage ya pa evi mpoka tapu vulu okutungwa omagumbo ngoka. Okwa tsikile kutya iimaliwa mbyoka oya li owala ye na oku yi pewa ngele oya gandja uumbangi kutya oya pewa evi mpoka tapu tungwa omagumbo, nalwanima oye ya lombwele kutya inaya vula okumona ehala lyevi, sho ya li ya shangele omikanda komalelo goondoolopa ihe omaindilo gawo oga tindwa.
Kalimbo okwa gandja uusama komalelo goondoolopa ta popi kutya oga tindile AaNamibia aathigona ompito yokukala nomagumbo, sho aantu ya thika po-65 000 yiishangitha nopoloyeka yawo ndjoka yomagumbo, ndjoka yali tayi ka pitika oonakumona omagumbo ya kale owala taya futu oshimaliwa shooN$300 komwedhi.
Okwa ulike oombaapila dhomatindo dha thika pomugoyi okuza komalelo goondoolopa ngaashi Henties Bay, Karibib, Otjiwarongo, Swakopmund, Oranjemund, Walvis Bay, Okahao, Otavi oshowoo Grootfontein. Oondoolopa odhindji odha yamukula kutya kadhi na evi lya wapalekwa lyopoloyeka ndjoka onene.
Oondoolopa ngaashi Henties Bay, Otavi, Swakopmund, Grootfontein, Karibib oshowo ondoolopa yaMbaye, odha yamukula kutya otadhi kutha nale ombinga naatungi yamwe ngaashi National Housing Enterprises (NHE) oshowo public-private partnerships.
Omuleli gumwe gwoNEFF, Abraham Ndumbu, okwa popi kutya ngele omalelo goondoolopa ogali ge ya pa evi nena andola oya longitha iimaliwa mbyoka ya pewa mokuwapaleka evi.
“Ka twa li tatu mono iimaliwa okutota oondoolopa oompe ihe okuyambidhidha oondoolopa dhetu mokuwapaleka evi nokutunga omagumbo. Andola otwa wapaleka owala evi okupitila momahangano ngoka taga ka tunga . Ngele omalelo goondoolopa natango oge na ohokwe, natango otatu vulu okuya mekwatathano nookume ketu,” Ndumbu a popi.
Pauyelele womusholondondo gwomayalulo gomaliko gongundu ndjoka, ongundu kayi na eliko lyasha kedhina lyawo, nomusholondo gwomayalulo gwombaanga ogu li moondjo dhoN$-55 462.
ILENI NANDJATO
Sho a popi noNamibian Sun mOmaandaha, omukwatakanithi gwoNEFF gwopashigwana, Kalimbo Ipumbu, okwa popi kutya kakele kondoolopa yaNdangwa, oondoolopa adhihe dhilwe odha tindi okutaamba ko oompangela dhawo dhokumona evi okupitila mopoloyeka yawo ndjoka ya li ya shangitha aantu yeli po-65 000, mboka kaye na evi.
Oya popi kutya elelo lyaNdangwa olya li lye ya ithana opo ya ka ulike oompangela dhawo, ihe lwanima olya kaleke oompangela ndhoka.
Mo-2014, NEFF okwa lombwele iikundaneki kutya oobiliyona 3 otadhi ka futwa momayalulo gombaanga yomoshilongo omanga omasiku 10 gaDesemba2014 inaga thikana, okuza kiilonga yaAsia na Arab.
Ongundu ndjoka oya ulukile oshifokundaneki shoNamibian Sun, omusholondondo gwomayalulo gawo gombaanga gwa ningwa kehangano lyomayalulo gopashimaliwa lyomOshakati, ihe momushondondo ngoka itamu ulike oobiliyona 3 dha futwa mombaanga yawo.
Kalimbo okwa popi kutya mboka yali taye ya pe ooshali inaya vula okutsikila nokugandja iimaliwa mbyoka, molwaashoka omalelo goondoolopa inage ya pa evi mpoka tapu vulu okutungwa omagumbo ngoka. Okwa tsikile kutya iimaliwa mbyoka oya li owala ye na oku yi pewa ngele oya gandja uumbangi kutya oya pewa evi mpoka tapu tungwa omagumbo, nalwanima oye ya lombwele kutya inaya vula okumona ehala lyevi, sho ya li ya shangele omikanda komalelo goondoolopa ihe omaindilo gawo oga tindwa.
Kalimbo okwa gandja uusama komalelo goondoolopa ta popi kutya oga tindile AaNamibia aathigona ompito yokukala nomagumbo, sho aantu ya thika po-65 000 yiishangitha nopoloyeka yawo ndjoka yomagumbo, ndjoka yali tayi ka pitika oonakumona omagumbo ya kale owala taya futu oshimaliwa shooN$300 komwedhi.
Okwa ulike oombaapila dhomatindo dha thika pomugoyi okuza komalelo goondoolopa ngaashi Henties Bay, Karibib, Otjiwarongo, Swakopmund, Oranjemund, Walvis Bay, Okahao, Otavi oshowoo Grootfontein. Oondoolopa odhindji odha yamukula kutya kadhi na evi lya wapalekwa lyopoloyeka ndjoka onene.
Oondoolopa ngaashi Henties Bay, Otavi, Swakopmund, Grootfontein, Karibib oshowo ondoolopa yaMbaye, odha yamukula kutya otadhi kutha nale ombinga naatungi yamwe ngaashi National Housing Enterprises (NHE) oshowo public-private partnerships.
Omuleli gumwe gwoNEFF, Abraham Ndumbu, okwa popi kutya ngele omalelo goondoolopa ogali ge ya pa evi nena andola oya longitha iimaliwa mbyoka ya pewa mokuwapaleka evi.
“Ka twa li tatu mono iimaliwa okutota oondoolopa oompe ihe okuyambidhidha oondoolopa dhetu mokuwapaleka evi nokutunga omagumbo. Andola otwa wapaleka owala evi okupitila momahangano ngoka taga ka tunga . Ngele omalelo goondoolopa natango oge na ohokwe, natango otatu vulu okuya mekwatathano nookume ketu,” Ndumbu a popi.
Pauyelele womusholondondo gwomayalulo gomaliko gongundu ndjoka, ongundu kayi na eliko lyasha kedhina lyawo, nomusholondo gwomayalulo gwombaanga ogu li moondjo dhoN$-55 462.
ILENI NANDJATO
Comments
Namibian Sun
No comments have been left on this article