Ndikwetepo ta langekwa onga mwene gwoshikandjo shaNdudu mOkalongo
Omusamane a tseyika nawa mOkalongo nOshakati, Natanael Ndikwetepo, otaka langekwa onga mwene gwoshikandjo shaNdudu mOkalongo ehuuliloshiwike tali ya – momasiku 29 gaJuni.
Ndikwetepo, ngoka eshiwikile olwindji iilonga ye yongeleka osho wo eiyambo lye miilonga oyindji yongundu yoSwapo, ota ka langekelwa iilonga ye yelelo lyopamuthigululwakalo megumbo lye mOlupito mOkalongo.
Ndikwetepo okwali u ulikwa onga mwene gwoshikandjo shika mo-2017 komutse gwelelo lyaMbadja, elenga enene lyaKalongo Tatekulu Mathias Walaula, ashike ka kwali a langekelwa oshilonga shika pambelewa.
Engathithi enene okwategelelwa lyika waimine elangeko lyaNdikwetepo, ngoka a pewa oshinakugwanithwa shika konima sho ngoka ali nale mwene gwoshikandjo, Tatekulu Timo Nakapala, a hulitha mo-2016. Oshikandjo shaNdudu oshina omikunda ntano; Olupito, Onaidjimba, Omatwadiva, Okafitu kaUvale nOndudu. Oshitunda shaKalongo oshina iikandjo ine; Onandjaba, Ondudu, Onembaba nOmutundugu.
Aaleli yopamuthigululwakalo, aaleli yopambepo osho wo mboka yopapolitika oya tegelelwa yathike mOlupito mOlyomakaya gomasiku 29 gaJuni opo yi italele ko nkene gumwe gwomuyo – omusamane Ndikwetepo – tatsikwa pambelewa omukuli gwokulela aalelwa ye aape.
Tate Ndikwetepo okwahiyi ayehe kegumbo lye pOlupito, tati ota ka pandula eholokepo lyaayehe mboka taya vulu okuthika kelangeko lye ehuliloshiwike tali ya.
Ndikwetepo, ngoka eshiwikile olwindji iilonga ye yongeleka osho wo eiyambo lye miilonga oyindji yongundu yoSwapo, ota ka langekelwa iilonga ye yelelo lyopamuthigululwakalo megumbo lye mOlupito mOkalongo.
Ndikwetepo okwali u ulikwa onga mwene gwoshikandjo shika mo-2017 komutse gwelelo lyaMbadja, elenga enene lyaKalongo Tatekulu Mathias Walaula, ashike ka kwali a langekelwa oshilonga shika pambelewa.
Engathithi enene okwategelelwa lyika waimine elangeko lyaNdikwetepo, ngoka a pewa oshinakugwanithwa shika konima sho ngoka ali nale mwene gwoshikandjo, Tatekulu Timo Nakapala, a hulitha mo-2016. Oshikandjo shaNdudu oshina omikunda ntano; Olupito, Onaidjimba, Omatwadiva, Okafitu kaUvale nOndudu. Oshitunda shaKalongo oshina iikandjo ine; Onandjaba, Ondudu, Onembaba nOmutundugu.
Aaleli yopamuthigululwakalo, aaleli yopambepo osho wo mboka yopapolitika oya tegelelwa yathike mOlupito mOlyomakaya gomasiku 29 gaJuni opo yi italele ko nkene gumwe gwomuyo – omusamane Ndikwetepo – tatsikwa pambelewa omukuli gwokulela aalelwa ye aape.
Tate Ndikwetepo okwahiyi ayehe kegumbo lye pOlupito, tati ota ka pandula eholokepo lyaayehe mboka taya vulu okuthika kelangeko lye ehuliloshiwike tali ya.
Comments
Namibian Sun
No comments have been left on this article