NCCI a hogolola aaleli monooli
Iitayi yehangano lyaanangeshefa lyoChamber of Commerce and Industry oya hogolola aaleli aape moondoolopa ndatu dhomonooli yoshilongo, nokweetitha elelo lyomunashipundi gwopashitopolwa mehangano ndyoka li kale kali na oonkondo.
ILENI NANDJATO
Ehangano lyoNamibia Chamber of Commerce and Industry (NCCI) olya ningi omitumba dhalyo dhokomvula miitayi yawo Ondangwa, Oshakati nOngwediva moka aaleli aape ya hogololwa.
Omahogololo ngoka oga e ta pehulilo elelo lyuule woomvula omulongo lyaTomas Koneka Iindji. Shoka osha landula sho omupresidende gwoNCCI Sven Thieme a li a popi momwedhi Apilili kutya elelo lyaIindji onga omunashipundi gwaNCCI monooli yoshilongo ka li li paveta.
Oshitayi shoNCCI monooli yoshilongo osha totwapo onga okomitiye yekalelepo lyiitopolwa Oshana, Ohangwena, Omusati oshowo Oshikoto, sha landula etokolo ndyoka lya ningwa momvula yo 2008.
Thieme pethimbo ndyoka okwa popi kutya, NCCI oku na iitayi moondoolopa ihe ha pashitopolwa ngaashi shi li monooli.
Sho a ningilwa omapulo, Iindji ngoka e li omunambaanga okwa popi kutya NCCI okwa ndopa okuninga omitumba dhokomvula moondoolopa adhihe moshilongo,na otaka vula owala okutya sha uuna omitumba dhoka dha ningwa.
Oshitayi shonooli shoNCCI osho woo hashi kondolola oondoolopa ngaashi Eenhana, Omuthiya, Helao Nafidi (Oshikango), Outapi nOkahao. Kakushiwike kutya omitumba moondoolopa ndhoka otadhi ka ningwa uunake.
Pahapu dhomunambelewa omukuluntu gwoNCCI, Charity Mwiya, oondoolopa ngaashi Ongwediva, Ondangwa oshowo Oshakati oya ningi omitumba dhawo dhokomvula moka aanangeshefa ngaashi Ben Hauwanga, a tseyika BH, Mario Upite gwo 6000 Investment oshowo Otillie Kaapangelwa gwo OSK Debt Collectors ya hogololwa onga aanashipundi yiitayi yawo.
Omitumba ndhoka odha kwatelwa komeho kuMwiya, omunambelewa omuyambidhidhi mombelewa yoNCCI mOngwediva, Ruth Shikongo-Heitha oshowo oshilyo shelelo lyoNCCI Bisey /Uirab.
Mongwediva, omupeha gwaHauwanga oAmalia Schmidt gwoSchmidtCo Group, omanga iilyo yimwe yokomitiye Shafa Kaulinge gwoTiger Wheel & Tyre onga omudhiginini gwiiniwe, Juliana Nepembe-Haimbodi gwoVintage Property Developers and Real Estate onga amushanga, Advocate Matomola gwoExtra Defense Protection Services, Leonard Asser gwoZone Four Investment oshowo Panduleni Uahengo gwoEpic Trading Enterprises.
Mondangwa Victoria Joel gwoPJ Investments oye omupeha gwaUpite, omanga iilyo ya gwedhwapo ongaashi Martha Negumbo gwEudafano Women Marula Manufacturing onga amushanga, Philip Haikali gwoSuper Auto Engine Repairs onga omudhiginini gwiiniwe. Jonathan Amupolo gwoKati Satellite, Tuyenikelao Shatona gwoKatiki Trading Enterprise oshowo Sisco Shivolo gwoSisco Catering Services.
Moshitayi shomOshakati, Turkie Tobias gwoCeltu Investments oye omupeha gwaKaapangelwa, omanga Mulanduleni Kasita gwoOshana Medical Laboratory oku li omudhiginini gwiiniwe.
Patrick Chiyuka gwoMadmax Automotive & Equipment oku li amushanga, Tangeni Nghiwewelekwa gwoWater Engineering Africa, Christophine Shoopala gwoShafa Real Estate oshowo Abraham Shaanika gwoSasha Trading & Earthworks.
Mwiya ina popya kutya uunake taya ka ninga omitumba moondoolopa ooshona ngaashi Eenhana, Omuthiya, Helao Nafidi (Oshikango), Outapi oshowo Okahao.
Ehangano lyoNamibia Chamber of Commerce and Industry (NCCI) olya ningi omitumba dhalyo dhokomvula miitayi yawo Ondangwa, Oshakati nOngwediva moka aaleli aape ya hogololwa.
Omahogololo ngoka oga e ta pehulilo elelo lyuule woomvula omulongo lyaTomas Koneka Iindji. Shoka osha landula sho omupresidende gwoNCCI Sven Thieme a li a popi momwedhi Apilili kutya elelo lyaIindji onga omunashipundi gwaNCCI monooli yoshilongo ka li li paveta.
Oshitayi shoNCCI monooli yoshilongo osha totwapo onga okomitiye yekalelepo lyiitopolwa Oshana, Ohangwena, Omusati oshowo Oshikoto, sha landula etokolo ndyoka lya ningwa momvula yo 2008.
Thieme pethimbo ndyoka okwa popi kutya, NCCI oku na iitayi moondoolopa ihe ha pashitopolwa ngaashi shi li monooli.
Sho a ningilwa omapulo, Iindji ngoka e li omunambaanga okwa popi kutya NCCI okwa ndopa okuninga omitumba dhokomvula moondoolopa adhihe moshilongo,na otaka vula owala okutya sha uuna omitumba dhoka dha ningwa.
Oshitayi shonooli shoNCCI osho woo hashi kondolola oondoolopa ngaashi Eenhana, Omuthiya, Helao Nafidi (Oshikango), Outapi nOkahao. Kakushiwike kutya omitumba moondoolopa ndhoka otadhi ka ningwa uunake.
Pahapu dhomunambelewa omukuluntu gwoNCCI, Charity Mwiya, oondoolopa ngaashi Ongwediva, Ondangwa oshowo Oshakati oya ningi omitumba dhawo dhokomvula moka aanangeshefa ngaashi Ben Hauwanga, a tseyika BH, Mario Upite gwo 6000 Investment oshowo Otillie Kaapangelwa gwo OSK Debt Collectors ya hogololwa onga aanashipundi yiitayi yawo.
Omitumba ndhoka odha kwatelwa komeho kuMwiya, omunambelewa omuyambidhidhi mombelewa yoNCCI mOngwediva, Ruth Shikongo-Heitha oshowo oshilyo shelelo lyoNCCI Bisey /Uirab.
Mongwediva, omupeha gwaHauwanga oAmalia Schmidt gwoSchmidtCo Group, omanga iilyo yimwe yokomitiye Shafa Kaulinge gwoTiger Wheel & Tyre onga omudhiginini gwiiniwe, Juliana Nepembe-Haimbodi gwoVintage Property Developers and Real Estate onga amushanga, Advocate Matomola gwoExtra Defense Protection Services, Leonard Asser gwoZone Four Investment oshowo Panduleni Uahengo gwoEpic Trading Enterprises.
Mondangwa Victoria Joel gwoPJ Investments oye omupeha gwaUpite, omanga iilyo ya gwedhwapo ongaashi Martha Negumbo gwEudafano Women Marula Manufacturing onga amushanga, Philip Haikali gwoSuper Auto Engine Repairs onga omudhiginini gwiiniwe. Jonathan Amupolo gwoKati Satellite, Tuyenikelao Shatona gwoKatiki Trading Enterprise oshowo Sisco Shivolo gwoSisco Catering Services.
Moshitayi shomOshakati, Turkie Tobias gwoCeltu Investments oye omupeha gwaKaapangelwa, omanga Mulanduleni Kasita gwoOshana Medical Laboratory oku li omudhiginini gwiiniwe.
Patrick Chiyuka gwoMadmax Automotive & Equipment oku li amushanga, Tangeni Nghiwewelekwa gwoWater Engineering Africa, Christophine Shoopala gwoShafa Real Estate oshowo Abraham Shaanika gwoSasha Trading & Earthworks.
Mwiya ina popya kutya uunake taya ka ninga omitumba moondoolopa ooshona ngaashi Eenhana, Omuthiya, Helao Nafidi (Oshikango), Outapi oshowo Okahao.
Comments
Namibian Sun
No comments have been left on this article