NamRights ita popile olufuko
Ehangano lyuuthemba womuntu moNamibia olya popi kutya oshituthi shopamuthigululwakalo shOlufuko shoka hashi ningwa, osha fa oshituthi shokuulika aanona yaakadhona, taya ulikila aalumentu aanashimaliwa.
NamRights ota longekidha oku katuka oonkatu dhopaveta mokupataneka oshituthi shoka, opo kashi shi tsikile we nokuningwa, ta popi kutya omukalo ngoka ogu li eshundulo lyuuntu unene aanona.
Ehangano olya popi kutya oshituthi shoka otashi yeke aanona yaakadhona ongushu yawo yuunona sho taya longekidhilwa okuninga aakiintu aakuluntu naashoka kashi li mondjila pamilandu dhuuntu dhopauyuni, oshowo pamlandu dhuuthemba womuntu.
NamRights natango okwa tsikile kutya olufuko oshili e yo pondje lyuuthemba moNamibia, omolwa aanona mboka haya kala inaya zala oombindja taya ulikilwa oshigwana onga omukalo gwokulikola iimaliwa okuza moshigwana.
Oya popi kutya Olufuko natango olu li oshimbuluma tashi ningwa medhina lyomidhigululwakalo.
“Aanona mboka haya falwa komauliko hoka nokukala taya ulikwa inaya zala oombindja. Otashi yi pondje oveta nokushundula uuntu waakiintu.” Ndhoka odha popiwa kOmukomeho gwoNamRights, Phil ya Nangoloh. Ya Nangoloh okwa popi kutya Olufuko lwolyene ndoka lwa li halu ningwa nale, olwa li lya nuninwa okuyanda aanona yaakadhona ya hwikwepo ngele oya ningi omategelelo omanga inaya hokanwa. “NamRights ke li ompinge nOlufuko talu ningilwa aakiintu yoomvula dhi li pombanda 18 ngele otashi ningwa okuza kezimino lyawo, ihe otu li ompinge nOlufuko talu ningilwa aanona yoomvula dhi li kohi yo 18. Otu na omukumo kombinga yoshizemo sholugodhi ndoka. Oonakwiipoila otaya vulu okulongitha oohahende dhingi moshilongo nenge okuzilila pondje ihe itaya ka sindana,” Ya Nangoloh a popi.
Ehangano olya pula ayehe mboka itaya popile oshituthi shoka opo ye ya wayimine molugodhi lyokukondjitha oshituthi shomauliko ngoka.
Oonakufalwa kompangu ya tumbulwa kutya Outapi town council, Omusati regional council, Ombalantu traditional authority, Founding President Sam Nujoma, Sam Nujoma Foundation, Ominista yUuyuki oshowo Ominista yEgameno, Omupanguli-ndjai, ombudsman, oshowo omwaalu gwaakiintu yontumba.
Mokati kaakiintu mboka omwa kwatelwa Omunyekadhi Monica Geingos, Ominista yUuthikepamwe Doreen Sioka, Omuprima Saara Kuugongelwa-Amadhila, Omupeha Omuprima Netumbo Nandi-Ndaitwah, Omupopi mEgumbo lyoPashigwana Loide Kasingo, Ominista yElongo Katrina Hanse-Himarwa, Amushanga-ndjai gwoSwapo Sophia Shaningwa, omunapolotika Dr Libertina Amathila oshowo Pendukeni Iivula-Ithana.
Ya Nangoloh okwa popi kutya aakiintu mboka otaya yambidhidha olufuko meimweneneno. Onkalo sho yamwe itaya nyana oshituthi shoka otashi ulike kutya oya kwatwako papolotika na itaya vulu we okupopya yeli ompinge nomikalo dhoka tadhi yi pondje ongushu yaakiintu moshigwana.
Sho a yamukula , Geingos okwa popi kutya ye ita pitika okanona ke kokakadhona nenge okanona kehe kokakadhona keli metonatelo lye opo ka kuthe ombinga mOlufuko, ihe natango okwiinekela mesimaneko lyomaitaalo gaantu yalwe mboka yiitaala momikalo ndhoka itadhi ehameke aantu yakwawo.
Ongongahangano yoEvangelical Lutheran Church in Namibia (Elcin) oya Ii ya indike aakwanegongalo yawo opo kaya kuthe ombinga moshituthi shoka.
Otaya popi kutya Olufuko otalu hwahwameke evyo miihulo noondjokana mokati kaanona aashona.
Nujoma, okwa popi kutya Olufuko olu li omukalo gwopamuthigululwakalo, nomithigululwakalo odha pumbwa okusimanekwa pwaahena uumbanda.
CATHERINE SASMAN
Ehangano olya popi kutya oshituthi shoka otashi yeke aanona yaakadhona ongushu yawo yuunona sho taya longekidhilwa okuninga aakiintu aakuluntu naashoka kashi li mondjila pamilandu dhuuntu dhopauyuni, oshowo pamlandu dhuuthemba womuntu.
NamRights natango okwa tsikile kutya olufuko oshili e yo pondje lyuuthemba moNamibia, omolwa aanona mboka haya kala inaya zala oombindja taya ulikilwa oshigwana onga omukalo gwokulikola iimaliwa okuza moshigwana.
Oya popi kutya Olufuko natango olu li oshimbuluma tashi ningwa medhina lyomidhigululwakalo.
“Aanona mboka haya falwa komauliko hoka nokukala taya ulikwa inaya zala oombindja. Otashi yi pondje oveta nokushundula uuntu waakiintu.” Ndhoka odha popiwa kOmukomeho gwoNamRights, Phil ya Nangoloh. Ya Nangoloh okwa popi kutya Olufuko lwolyene ndoka lwa li halu ningwa nale, olwa li lya nuninwa okuyanda aanona yaakadhona ya hwikwepo ngele oya ningi omategelelo omanga inaya hokanwa. “NamRights ke li ompinge nOlufuko talu ningilwa aakiintu yoomvula dhi li pombanda 18 ngele otashi ningwa okuza kezimino lyawo, ihe otu li ompinge nOlufuko talu ningilwa aanona yoomvula dhi li kohi yo 18. Otu na omukumo kombinga yoshizemo sholugodhi ndoka. Oonakwiipoila otaya vulu okulongitha oohahende dhingi moshilongo nenge okuzilila pondje ihe itaya ka sindana,” Ya Nangoloh a popi.
Ehangano olya pula ayehe mboka itaya popile oshituthi shoka opo ye ya wayimine molugodhi lyokukondjitha oshituthi shomauliko ngoka.
Oonakufalwa kompangu ya tumbulwa kutya Outapi town council, Omusati regional council, Ombalantu traditional authority, Founding President Sam Nujoma, Sam Nujoma Foundation, Ominista yUuyuki oshowo Ominista yEgameno, Omupanguli-ndjai, ombudsman, oshowo omwaalu gwaakiintu yontumba.
Mokati kaakiintu mboka omwa kwatelwa Omunyekadhi Monica Geingos, Ominista yUuthikepamwe Doreen Sioka, Omuprima Saara Kuugongelwa-Amadhila, Omupeha Omuprima Netumbo Nandi-Ndaitwah, Omupopi mEgumbo lyoPashigwana Loide Kasingo, Ominista yElongo Katrina Hanse-Himarwa, Amushanga-ndjai gwoSwapo Sophia Shaningwa, omunapolotika Dr Libertina Amathila oshowo Pendukeni Iivula-Ithana.
Ya Nangoloh okwa popi kutya aakiintu mboka otaya yambidhidha olufuko meimweneneno. Onkalo sho yamwe itaya nyana oshituthi shoka otashi ulike kutya oya kwatwako papolotika na itaya vulu we okupopya yeli ompinge nomikalo dhoka tadhi yi pondje ongushu yaakiintu moshigwana.
Sho a yamukula , Geingos okwa popi kutya ye ita pitika okanona ke kokakadhona nenge okanona kehe kokakadhona keli metonatelo lye opo ka kuthe ombinga mOlufuko, ihe natango okwiinekela mesimaneko lyomaitaalo gaantu yalwe mboka yiitaala momikalo ndhoka itadhi ehameke aantu yakwawo.
Ongongahangano yoEvangelical Lutheran Church in Namibia (Elcin) oya Ii ya indike aakwanegongalo yawo opo kaya kuthe ombinga moshituthi shoka.
Otaya popi kutya Olufuko otalu hwahwameke evyo miihulo noondjokana mokati kaanona aashona.
Nujoma, okwa popi kutya Olufuko olu li omukalo gwopamuthigululwakalo, nomithigululwakalo odha pumbwa okusimanekwa pwaahena uumbanda.
CATHERINE SASMAN
Comments
Namibian Sun
No comments have been left on this article