Namoloh a pandulwa nokunyanwa
Ominista yoshikondo shopolisi moNamibia, Charles Namoloh oya pandulwa oshowo okunyanwa kuyamwe sha landula oshipopiwa she poshituthidhimbuluko shependafule Matias 'Mbulunganga' Ndakolo, mpoka a popi kutya epangelo itali sile oshisho aakondjelomanguluko.
Okwa holola ongeyo pethimbo lyoshitithidhimbuluko shokomanda yoPeople's Liberation Army of Namibia (PLAN) Matias 'Mbulunganga' Ndakolo mEtitano konima sho Namoloh a popi kutya aakondjelimanguluko yamwe itaya silwa oshisho kepangelo.
Namoloh ngoka a li omukomeho gwoPLAN na okwa li nale ndjai metanga lyegameno lyaNamibia okwa ponolekwa nomalaka kOmupresidende nale Hifikepunye Pohamba oshowo Omupresidende monena Hage Geingob.
Namoloh okwa gandja oshipopiwa pehala yookomrade nookume kaMbulunganga ngoka a li okomanda moPLAN. Mbulunganga okwa hulitha momasiku 4 gaDecemba mepupi lyomvula 75 na okwa pewa efumbiko lyopapangelo mEenhana mehuliloshiwike ndika lya piti.
Namoloh okwa pandulwa koshigwana oshindji shoka sha holola woo kutya aakondjelimanguluko oyendji ihaya talika manga ye li momwenyo nolundji ohaya tumbalekwa owala ngele ya huluko.
Shoka osha ningwa sho Pohamba a pula miipathi yoshigwana opo Geingob iithane Namoloh nokumupula opo a yelithe shoka a li ta popi mokati koshigwana poshituthidhimbuluko.
Aayambidhidhi yaNamoloh oya popi kutya omapopyo gaminista inaya pumbwa eyelitho, taya gwedha po kutya shoka a popi oshi li shoka tashi inyenge monena.
Namoloh okwa longitha ompito yoshituthidhimbuluko shaMbulunganga okuholola nkene aakondjelimanguluko nale yuuvute konima sho oshilongo sha manguluka.
Namoloh okwa popi kutya itashi idhidhimikilwa sho epangelo tali pitika aakondjelimanguluko nale ya kale ye na oombila kadhi na omamanya.
Okwa tsikile kutya omapopyo gaGeingob kutya kape na ngoka ta patelwa pondje, naga longe apehe opo kapu kale pe na mboka ye wete taya patelwa pondje.
“Ondi wete kutya otu wete twa patelwa pondje onga ookomanda dhoPLAN naakondjelimanguluko,” Namoloh a popi.
Konima yoominute dhontumba, Pohamba okwa ponokele Namoloh nomalaka ta popi kutya iitya ye mbyoka a popi kayi li mondjila, na okwa pula opo e yi yelithe kuGeingob.
Pohamba okwa lombwele aalilisa kutya Namoloh okwa kala ominista uule woomvula odhindji naashoka oshe mu pe ompito ya gwana opo a ye moonkundathana nepangelo kombinga yiikumungu mbyoka a popi mpoka.
“Presidende owa pumbwa okwiithana Namoloh opo a yelithe oshinima shoka kungoye,” Pohamba a popi.
Konima Geingob naye okwa popi ta lombwele Namoloh kutya okwa longa owala onga omupresidende uule woomvula ne omanga aakondjelimanguluko ya kala moshilongo uule woomvula 28.
Geingob okwa popi natango kutya kombinga yomafumbiko gepangelo, ope na okomitiye ndjoka hayi tokola kutya oolye naya pewe omafumbiko ngoka.
Sha landulwa iinyandwa mboka ya ningwa, oshigwana osha longitha omapandja gomakwatathano gopamalungula, naanyasha oyendji oya popi kutya shoka sha popiwa kuNamoloh oshili. Omuleli Affirmative Repositioning (AR) Job Amupanda, okwa li gumwe gwomwaamboka ya popi ta lombwele Pohamba a kaleke omaiyuvo ngoka kuyemwene.
Aanyasha yamwe oya popi kutya Namoloh ogumwe gwomaakondjelimanguluko onkene okwa pumbwa okupewa esimaneko ndyoka.
Ndokolo a fumbiwa
Ndakolo, a tseyika nedhina Mbulunganga okwa fumbikwa esiku lyalandula mEenhana.
Aantu ya za koombinga noombinga dhoshilongo oya kala pefumbiko lyependafule ndyoka, lya dhana onkandangala onene mekondjelomanguluko lyoshilongo.
Poshituthidhimbuluko she shoka sha ningilwa momukunda Eenghango mEtitano, aalilisa oyendji oya gandja omahekeleko gawo kofamili nookume.
Namoloh ngoka a longa pamwe naNdakolo okwa holola kutya okwa kala nekwatathano enene nakomanda ngoka.
Omukokoli presidende Sam Nuujoma, naye okwa gandja olupandu omolwa oshilonga sha simana shoka sha longwa kependafule ndyoka, na okwa hokolola Ndakolo kutya okwa li omukondjelimanguluko ngoka kiihole owala yemwene.
Amushanga-ndjai gwongundu Swapo, Sophia Shaningwa naye okwa pandula Ndakolo omolwa iilonga e yi longo pethimbo lyekondjelomanguluko lyoshilongo, mokukwashilipaleka kutya oshilongo osha mona emanguluko.
Nakusa Ndakolo okwa thigako omukulukadhi gwe, Haili Amalwa Mukwanekamba, aamwayina yane, aanona yatano oshowo aatekulu 24.
KENYA KAMBOWE
Namoloh ngoka a li omukomeho gwoPLAN na okwa li nale ndjai metanga lyegameno lyaNamibia okwa ponolekwa nomalaka kOmupresidende nale Hifikepunye Pohamba oshowo Omupresidende monena Hage Geingob.
Namoloh okwa gandja oshipopiwa pehala yookomrade nookume kaMbulunganga ngoka a li okomanda moPLAN. Mbulunganga okwa hulitha momasiku 4 gaDecemba mepupi lyomvula 75 na okwa pewa efumbiko lyopapangelo mEenhana mehuliloshiwike ndika lya piti.
Namoloh okwa pandulwa koshigwana oshindji shoka sha holola woo kutya aakondjelimanguluko oyendji ihaya talika manga ye li momwenyo nolundji ohaya tumbalekwa owala ngele ya huluko.
Shoka osha ningwa sho Pohamba a pula miipathi yoshigwana opo Geingob iithane Namoloh nokumupula opo a yelithe shoka a li ta popi mokati koshigwana poshituthidhimbuluko.
Aayambidhidhi yaNamoloh oya popi kutya omapopyo gaminista inaya pumbwa eyelitho, taya gwedha po kutya shoka a popi oshi li shoka tashi inyenge monena.
Namoloh okwa longitha ompito yoshituthidhimbuluko shaMbulunganga okuholola nkene aakondjelimanguluko nale yuuvute konima sho oshilongo sha manguluka.
Namoloh okwa popi kutya itashi idhidhimikilwa sho epangelo tali pitika aakondjelimanguluko nale ya kale ye na oombila kadhi na omamanya.
Okwa tsikile kutya omapopyo gaGeingob kutya kape na ngoka ta patelwa pondje, naga longe apehe opo kapu kale pe na mboka ye wete taya patelwa pondje.
“Ondi wete kutya otu wete twa patelwa pondje onga ookomanda dhoPLAN naakondjelimanguluko,” Namoloh a popi.
Konima yoominute dhontumba, Pohamba okwa ponokele Namoloh nomalaka ta popi kutya iitya ye mbyoka a popi kayi li mondjila, na okwa pula opo e yi yelithe kuGeingob.
Pohamba okwa lombwele aalilisa kutya Namoloh okwa kala ominista uule woomvula odhindji naashoka oshe mu pe ompito ya gwana opo a ye moonkundathana nepangelo kombinga yiikumungu mbyoka a popi mpoka.
“Presidende owa pumbwa okwiithana Namoloh opo a yelithe oshinima shoka kungoye,” Pohamba a popi.
Konima Geingob naye okwa popi ta lombwele Namoloh kutya okwa longa owala onga omupresidende uule woomvula ne omanga aakondjelimanguluko ya kala moshilongo uule woomvula 28.
Geingob okwa popi natango kutya kombinga yomafumbiko gepangelo, ope na okomitiye ndjoka hayi tokola kutya oolye naya pewe omafumbiko ngoka.
Sha landulwa iinyandwa mboka ya ningwa, oshigwana osha longitha omapandja gomakwatathano gopamalungula, naanyasha oyendji oya popi kutya shoka sha popiwa kuNamoloh oshili. Omuleli Affirmative Repositioning (AR) Job Amupanda, okwa li gumwe gwomwaamboka ya popi ta lombwele Pohamba a kaleke omaiyuvo ngoka kuyemwene.
Aanyasha yamwe oya popi kutya Namoloh ogumwe gwomaakondjelimanguluko onkene okwa pumbwa okupewa esimaneko ndyoka.
Ndokolo a fumbiwa
Ndakolo, a tseyika nedhina Mbulunganga okwa fumbikwa esiku lyalandula mEenhana.
Aantu ya za koombinga noombinga dhoshilongo oya kala pefumbiko lyependafule ndyoka, lya dhana onkandangala onene mekondjelomanguluko lyoshilongo.
Poshituthidhimbuluko she shoka sha ningilwa momukunda Eenghango mEtitano, aalilisa oyendji oya gandja omahekeleko gawo kofamili nookume.
Namoloh ngoka a longa pamwe naNdakolo okwa holola kutya okwa kala nekwatathano enene nakomanda ngoka.
Omukokoli presidende Sam Nuujoma, naye okwa gandja olupandu omolwa oshilonga sha simana shoka sha longwa kependafule ndyoka, na okwa hokolola Ndakolo kutya okwa li omukondjelimanguluko ngoka kiihole owala yemwene.
Amushanga-ndjai gwongundu Swapo, Sophia Shaningwa naye okwa pandula Ndakolo omolwa iilonga e yi longo pethimbo lyekondjelomanguluko lyoshilongo, mokukwashilipaleka kutya oshilongo osha mona emanguluko.
Nakusa Ndakolo okwa thigako omukulukadhi gwe, Haili Amalwa Mukwanekamba, aamwayina yane, aanona yatano oshowo aatekulu 24.
KENYA KAMBOWE
Comments
Namibian Sun
No comments have been left on this article