Namibia pankatu ndjika ita vulu oBasic income grant

JANA-MARI SMITHOVENDUKAOshiyetwapo shokugandja ekwatho lyoshimaliwa kaakwashigwana yaNamibia shoka sha kala tashi dhilaadhilwa nokuningilwa omalolelo, oshi li tashi ka pula oshimaliwa oshindji komvula naNamibia pankatu mpaka e li monena ita vulu omwaalu ngoka.Oshiyetwapo shoka otashi ka pula oshimaliwa shoobiliyona 9 komvula.“Oshi li ondilo ponkatu ndjika,” omunongononi gwomapekaapeko,Dylan van Wyk a popi. Okwa gwedha po kutya ondjodhi ndjoka otashi vulike yi ninge yoshili moomvula omulongo sigo omilongo mbali dhi li komeho.Ekwatho lyooN$500 kaakwashigwana ayehe ya gwanitha oomvula 19 sigo 59 pethimbo ndika itali vulika omolwa onkalo yeliko ndjoka ya gu pevi nopethimbo ndika eliko tali shongola omolwa oCovid-19.Ngoka omaiyuvo gaanongononi yeliko mboka ya popi kutya enenedhilaadhilo ndyoka kali shi ewinayi, ihe Namibia itavu ngashiingeyi okuli tula miilonga.“Nonando eyambidhidho ndyoka otali ka kwathela mokuyambulapo onkalo yaakwashigwana nokuyambulapo eliko, ethimbo kali shi ngashiingeyi,” Omu Kakujaha-Matundu.Kakujaha-Matundu okwa pppi kutya pethimbo ndika epangelo olyiipyakithila nokukondjitha ocorona na otashi ka kala oshidhigu opo li tule miilonga oshiyetwapo shoka, molwaashoka onkalo yopaliko itayi shi pitika manga.Omunongonino gwomapekaapeko mehangano lyoJG Securities, Dylan van Wyk okwa zimine kutya eyambidhidho lyoshimaliwa shooN$500 momuntu kehe otashi ka kala ondilo unene noshilongo pethimbo ndika itashi vulu.Okwa popi kutya eliko lyaNamibia otali shongola. Okwa popi kutya elongitho lyiimaliwa yoshigwana olya pumbwa okutalululwa nokutulwa miilonga iinima mbyoka ya simana ko otaku kuthwamo mbyoka yaana unene oshilonga. Omahwahwameko gomashainokaha gopamalungula taga popile etulo miilonga lyoBIG oga nana aashaini 1 500, konima nkene lya tulwa miilonga oomwedhi ntano dha piti, na olya yambidhihwa woo uunene miiwike ya piti.“Omolwa oCovid-19 ndjoka ya ningitha iinima iidhiigu. Osha nayipalitha onkalo yetu yuuhupilo ya kehe esiku. Oyendji yomutse oya kanitha iilonga omolwa omukithi ngoka. AaNamibia oyendji otaya longo moshikondo shiheshi shopoombelewa na oyiikolelela moshikondo shoka mokwiimonena uuhupilo wawo,” omukanda gwomahwahwameko ngoka gwa holola.Aahwahwameki mboka oya holola kutya epangelo otali vulu okutula miilonga oshiyetwapo shoka, ngele lya tala kiinima mbyoka yi na oshilongo nokuvudha mo uulingilingi.“Ethimbo oya thikana iikondo yaNamibia yoomina noohi mbyoka tayi ningi oobiliyona dhiiyemo yi fute iishoshela yepangelo. Uulingilingi nokuyanda okufuta iishoshela otashi etitha ekanitho lyoobiliyona odhindji dhoka dha pumbiwa kepangelo okulongitha moBIF.”Omukanda ngoka ogwa popi kutya epangelo olya ndopa omauvaneko galyo gokukondjitha oluhepo moNamibia. Omayalulo gomatengeneko ga ningwa kuVan Wyk otaga tegeneke kutya oBIG otayi ka pula epangelo oshimaliwa shobiliyona 9 komvula, shiikwatelela kaantu ya thika poomiliyona 1.5 mboka taya ka pewa andola eyambidhidho ndyoka. Ngele oya tala owala kwaamboka kaayena iilonga nena otashi ka pula oobiliyona dhili pu 4.Okwa popi kutya ngoka omwaalu guli pombanda ngoka tagu ka kala woo nokulonga pombanda ngele ogwa tulwa miilonga.Momwedhi Januali 2020 Ehangano lyoUnited Nations' Food and Agriculture Organisation olya lopota kutya moNamibia, konyala aantu yeli po 430 000 ya kalelapo oopresenda 18 oya taalela ompumbwe yoondya. Olopota ndjoka oya holola kutya mboka ya gumwa unene ongaashi aakalimo yomoshitopolwa shaHardap, Kavango East, Khomas, Kunene, Ohangwena, Omaheke, Omusati, oshowo Zambezi.Omalolelo gopoloyeka yBIG mOtjivero nOmitaro momvula yo 2008, moka aantu ayehe yali ya pewa oshimaliwa shooN$100 komwedhi oya holola kutya okwa dhidhililwa eshuno pevi lyomanyutu kaanona nokushunitha woo pevi onkalo yoluhepo momagumbo okuza poopresend 79 okuya poopresenda 37. Ehito lyootundi dhoskola olya londo woo pombanda na okwa dhidhilikwa woo eshuno pevi lyiimbuluma.Iiyemo mbyoka oya yambulapo woo onkalo yokukonga omayakulo gopaunamiti niinyangadhala yopaliko oya londo pombanda sho iiyemo ya longithwa mokutameka uungeshefa uushona.Melanie Gaoes gwoNamibia Rural Women's Assembly okwa popi muJanuari kutya oBIG coalition ngele oya ziminwa otayi ka ninga elunduluko enene moonkalamwenyo dhaaNamibia.

Namibia pankatu ndjika ita vulu oBasic income grant

Comments

Namibian Sun 2025-05-12

Please login to leave a comment

Namibia pankatu ndjika ita vulu oBasic income grant

Comments

Namibian Sun 2025-05-12

Please login to leave a comment

Login