Mushelenga a yamukula kombinga yoshikumungu shuuleli melelo lyUukwangali
Ominista yeyambulepo lyondoolopa niitopolwa, Peya Mushelenga oya popi kutya Omupresidende Hage Geingob ita vulu okwiidhopa molugodhi lwekondjelo lyoshipundi shuulelo melelo lyUukwangali Traditional Authority molwaashoka oshikumungu shoka oshi li kompangu.
Mushelenga natango okwa tothamo kutya omulandulwa gwe, Sophia Shaningwa ina zimina Eugene Siwombe Kudumo onga omuleli gwoVakwangali omanga inaku landulwa omilandu dhomondjila, na okwiikutha mo sho oshikumungu shoka sha yi mompangu.
Mushelenga okwa yamukula komapulo ngoka ga pulwa komukalelipo gwoUukwangali Traditional Authority, Hiskia Siteketa pethimbo lyomutumba ngoka gwa ningwa noshigwana komupresidende, moka ya pula eidhopomo lyomupresidende moshikumungu shawo.
Severanus Siteketa oshowo Kudumo ayehe oya ningi eindilo kuumiisteli opo ya zimine onga yaaleli yUukwangali Traditional Authority sha landula eso lyomuleli nale Chief Sitentu Daniel Mpasi goka a hulitha momvula yo 2014.
Eindilo lyaKudumo olya ziminwa na olya e ta omananathano.
Mushelenga okwa yelitha nkene omupeha omupanguli, Hosea Angula muKotomba gwomvula yo 2016 a kaleke eziminino lyaKudumo onga omuleli gUukwangali, ndyoka lya li lya ziminwa kuShaningwa.
Angula okwa ningi etokolo ndyoka nomatompelo kutya Shaningwa okwa zimine eindilo lyaKudumo omanga okomitiye yomakonaakono ndjoka uulike moshikumungu shoka inayi manitha natango omakonaakono.
Sha landula etokolo lya Angula, uuministeli pamwe naKudumo owa yi kompangu yopoombanda opo ku kuthwemo etokolo ndyoka, ihe nonando ongaaka eindilo lyawo inali tambulwako na osha hala okutya Kudumo keshi omuleli noshikumungu shoka natango otashi talika. Nonando okwa ningwa etokolo mompangu, Shaningwa momasiku 15 gaFebruali momvula yo 2017 okwa tokola okuulika Kudumo onga omuleli gwUukwangali Traditional Authority.
Etokolo ndyoka Mushelenga a popi kutya kalya li li na okuningwa omanga pe na oshipotha shi li mompangu inashi pwa natango.
Mushelenga okwa popi kutya minista kali a pumbwa okutsikila komeho omanga oshipotha shoka shi li natango mompangu.
Shoka natango osha thiminike aantu ya ye kompangu taya pula opo etulo koshipundi lyaKudumo li kuthwe oonkondo.
Omupanguli Harald Geier momasiku ga6 gaMaalitsa okwa ningi etokolo kutya etokolo lyaShaningwa nali ikalekelwe manga.
KENYA KAMBOWE
Mushelenga natango okwa tothamo kutya omulandulwa gwe, Sophia Shaningwa ina zimina Eugene Siwombe Kudumo onga omuleli gwoVakwangali omanga inaku landulwa omilandu dhomondjila, na okwiikutha mo sho oshikumungu shoka sha yi mompangu.
Mushelenga okwa yamukula komapulo ngoka ga pulwa komukalelipo gwoUukwangali Traditional Authority, Hiskia Siteketa pethimbo lyomutumba ngoka gwa ningwa noshigwana komupresidende, moka ya pula eidhopomo lyomupresidende moshikumungu shawo.
Severanus Siteketa oshowo Kudumo ayehe oya ningi eindilo kuumiisteli opo ya zimine onga yaaleli yUukwangali Traditional Authority sha landula eso lyomuleli nale Chief Sitentu Daniel Mpasi goka a hulitha momvula yo 2014.
Eindilo lyaKudumo olya ziminwa na olya e ta omananathano.
Mushelenga okwa yelitha nkene omupeha omupanguli, Hosea Angula muKotomba gwomvula yo 2016 a kaleke eziminino lyaKudumo onga omuleli gUukwangali, ndyoka lya li lya ziminwa kuShaningwa.
Angula okwa ningi etokolo ndyoka nomatompelo kutya Shaningwa okwa zimine eindilo lyaKudumo omanga okomitiye yomakonaakono ndjoka uulike moshikumungu shoka inayi manitha natango omakonaakono.
Sha landula etokolo lya Angula, uuministeli pamwe naKudumo owa yi kompangu yopoombanda opo ku kuthwemo etokolo ndyoka, ihe nonando ongaaka eindilo lyawo inali tambulwako na osha hala okutya Kudumo keshi omuleli noshikumungu shoka natango otashi talika. Nonando okwa ningwa etokolo mompangu, Shaningwa momasiku 15 gaFebruali momvula yo 2017 okwa tokola okuulika Kudumo onga omuleli gwUukwangali Traditional Authority.
Etokolo ndyoka Mushelenga a popi kutya kalya li li na okuningwa omanga pe na oshipotha shi li mompangu inashi pwa natango.
Mushelenga okwa popi kutya minista kali a pumbwa okutsikila komeho omanga oshipotha shoka shi li natango mompangu.
Shoka natango osha thiminike aantu ya ye kompangu taya pula opo etulo koshipundi lyaKudumo li kuthwe oonkondo.
Omupanguli Harald Geier momasiku ga6 gaMaalitsa okwa ningi etokolo kutya etokolo lyaShaningwa nali ikalekelwe manga.
KENYA KAMBOWE
Comments
Namibian Sun
No comments have been left on this article