Mushelenga a tindi eindilo lyaAmupanda

Eindilo lya ningwa kuamushanga gwElelo lyaNdonga, Nepando Amupanda opo etokolo ndyoka lya ningwa komukwaniilwa gwaNdonga omvula ya piti, sho a kuthwa miilonga ookansela yaheyali li tulwe pamushangwa gwopapangelo, olya tindwa kuminista yomayambulepo giitopolwa Peya Mushelenga.Amushanga gwelelo lyaNdonga okwa popi kutya Ominista yOmayambulepo gIitopolwa nOondoolopa, Peya Mushelenga oshowo Ominista yUuyuki, Sacky Shanghala, oyo taya pewa uusama omolwa omananathano ngoka ge li melelo lyoshilongo shoka.Amupanda okwa popi kutya oominista ndhoka mbali odhi na owino yaashoka tashi inyenge melelo moka, na otadhi pitika omukwaniilwa Immanuel Kauluma Elifas a kale ta ningilwa oluhindo kookansela mboka a kutha miilonga muJuli gwomvula ya piti.“Omusimanekwa ongaashi wu shishi kutya Omukwaniilwa Immanuel Kauluma Elifas okwa kutha miilonga ookansela yaheyali yelelo lyaNdonga nokuyapingenapo nookansela aape. Omadhina gawo oga pewa ombelewa yoye ihe uuministeli natango owa taambako owala ookansela mboka ya kuthwa miilonga. Etaambeko lyoye otali gandja oonkondo kookansela mboka ya kuthwa miilonga komukwaniilwa ya longe pambambo yetokolo ndyoka lya ningwa komukwaniilwa okuya kutha miilonga, ngaashi taya popi kutya omukwaniilwa ke na oonkondo dhokuya kutha miilonga,” Amupanda a shanga momukanda ngoka a shangele Mushelenga.Amupanda okwa zimine kutya aakwshigwana melelo lyawo oya taalela uupyakadhi, ihe okwa lundile oominista ndhoka mbali kutya otadhi pitika ookansela mboka ya kuthwa miilonga ya ningepo oompangulilo yawo yaakwashigwana mOnethindi mOniipa, na otaya popi kutya oominista ndhoka mbali otadhi ya yambidhidha.Okwa tsikile kutya aakwashigwana itaya longitha we oombelewa dhelelo ndyoka mOluno, opo ya yambidhidhwe nomayakulo gopamuthigululwakalo ihe otaya ka konga omayakulo koombelewa oompe ndhoka tadhi kwatelwa komeho kookansela mboka ya kuthwa miilonga.Okwa tsikile kutya ayehe Mushlenga naShanghala oya talele po ombala yoshilongo shoka mOnamungundo na oya yelithilwa kombinga yaashoka sha holoka po.Okwa li kwa tegelelwa andola oominista ndhoka mbali dhi yamukule dha gama ombinga yomukwaniilwa nelelo lye epe, ihe hasho sha holoka po, pamapopyo gaAmupanda.Sho a yamukula momasiku 26 gaApilili, Mushelenga okwa lundile Amupanda kutya oteya ningile omapopyo gaahena uushili, yo naShanghala.Okwa tindi woo eindilo lye opo ookanesla mboka ya kuthwe oonkondo papangelo nehulithepo lyiifuta yoondjambi dhawo, ta popi kutya oshikumungu shoka oshi li mompangulilo.Mushelenga okwa dhimbulukitha Amupanda kutya Namibia oshilongo tashi lelwa koompango, onkene eidhopo lyaminista moshikumungu shi li momake gompangu kashi li mondjila.Ompangulilo yopombanda mOshakati, oya tothamo esiku moka tamu ka pulakewa oshikumungu shoka, sho ookansela mboka ya kuthwa iilonga yap ataneke ekutho lyawo miilonga komukwaniilwa.Oshipotha shoka otashi ka pulakenwa momasiku 31 gaJuli oshowo mesiku lyotango lyaAguste.Omananathano gomOndonga oga tameke, sho ookansela mboka ya kuthwa miilonga ya pataneke ekutho miilonga lyamwene gwoshikandjo Uukwanambwa, Wilbard Lidker, ngoka a pingenwa po kuEster Gwashamba Nepando MuFebruali gwomvula ya piti.Momasiku 27 gaMaalitsa omvula ya piti, elelo lyaNdonga kohi yookansela mboka ya kuthwa miilonga olya ningi eindilo mompangu yoPombanda mOvenduka, taya pula ekutho lyoonkondo euliko lyaNepando.ILENI NANDJATO

Mushelenga a tindi eindilo lyaAmupanda

Comments

Namibian Sun 2026-07-15

Please login to leave a comment

Mushelenga a tindi eindilo lyaAmupanda

Comments

Namibian Sun 2026-07-15

Please login to leave a comment

Subscription Required to Access Content ×

Login

Subscription Required to Access Content