Mulunga aniwa ina halika
Omukomeho gwehangano lyoNamcor Imms Mulunga okwa popi kutya ope na aantu yamwe mboka yahala okumukutha mombelewa omanga oshikako she shuule woomvula ntano inashi thika pehulilo
Elelo lyehangano lyoNational Petroleum Corporation of Namibia (Namcor) olya hulitha po ookondalaka dhiilonga dhaaniilonga itaya kalele omugoyi, onga oshizemo shomananathano ngoka geli pokati kelelo lyehangano ndyoka oshowo omukomeho gwehangano ndyoka.
Aaniilonga mboka ya gumwa konkalo ndjoka, oya tseyithilwa kutya elelo olya tula miilonga okatokolitho momasiku 27 gaNovemba hoka ka utha ehulithepo lyookondalaka dhawo dhiilonga, omolwa oshikumungu shi na sha netulo lyawo iilonga. Yamwe po yomaaniilonga mboka oya tameke owala iilonga mesiku lyotango lyaNovemba.
Mulunga ngoka a li a gandja ookondolaka ndhoka na okwali a thiminikwa konkalo opo a shaine omakutho miilonga ngoka na okwa popi kutya elelo olya ningi etokolo ndyoka, pwaahena omatompelo gasha. Mulunga okwa popi kutya okwa lombwela komunambelewa gwiikwaveta yaaniilonga, Frank Köpplinger kutya omakutho miilonga ngoka kage li paveta.
Okwa popi kutya okwa fala oshikumungu shoka koohahende oshowo koNamibia Public Workers Union (Napwu).
Mboka ya kuthwa miilonga oya tumbulwa kutya oSam Hasheela, Karina Indongo, Elina Karlos, Reginalda Kennedy, Tuyenikelao Nangolo, Mwaka Zibiso, Sharon Kavita, Wenselaus Iita, oshowo Elina Alweendo.
Yamwe oya tokola okukatuka oonkatu dhopaveta ihe inaya hala okupopya kombinga yomatokolo gawo.
Omunashipundi gwelelo lyehangano ndyoka,
Patrick Kauta ina vula okumonika molwaashoka okuli pondje yoshilongo.
Oonzo dhilwe ndhoka dha yakeleko oshifokundnaeki shika odha popi kutya omauliko ngoka oga ningwa kuMulunga, na kage li pondondo yomulandu gwehangano. Onzo oya tsikile kutya oyendji mboka ya kutwa miilonga ookume naapopepi yaMulunga.
“Mombelewa yaMulunga omuna oohamushanga yaali. Ondjele ndjoka yali tayi longithwa kuMulunga momugandja iilonga inaku landula omilandu oyi li pombanda noonkondo. Elelo lyongashiingeyi oli na oonkondo na elelo ewanawa.”
Oonzo odha holola kutya Mulunga okwa gandja iilonga mbyoka inaku ningwa omatseyitho goompito dhiilonga nenge ku ningwe omapulaapulo.
Oya tsikile kutya mboka ya pewa iilonga kuMulunga ohaya lopotele Mulunga. Mulunga okwa popi kutya omulandu gwoompito dhiilonga yopakathimbo mehangano ndyoka, ogwe mupa oonkondo opo a vule okugandja iilonga inaku ningwa omatseyitho goompito dhiilonga.
Okwa tsikile kutya epuko ndyoka lya ningwa koshikondo shoonzo dhopauntu, oondyoka kutya mookondalaka ndhoka dhiilonga oya shangamo kutya oompito ndhoka odhuulewethimbo lyontumba pehala lyokutya odhopakathimbo.
Mulunga okwa popile euliko ndyoka kutya olya pumbiwa kehangano na okwa tsikile kutya ookondalaka ndhoka odha kuthwa oonkondo molwaashoka aaniilonga yamwe moshikondo shopangeshefa mehangano inaya hala okulonga nayakwawo.
Mulunga okwa popi kutya kutya ehangano ndyoka itai lelwa we kwiikwatelelwa koompango dhehangano ihe okwiikwatelelwa komagwedhelepo taga zi pondje yehangano. Okwa tsikile kutya ope na mboka inaye mu hala mehangano ndyoka, na oya hala okuninga oshikako shelelo lye lyuule woomvula ntano shi kale kashi na epangelo.
Mulunga okwa ningi omukomeho gwoNamcor mo 2015, sha landula sho Obeth Kandjoze a ningi ominista yiikwamina niikwankondo.
Okutameka Februali gwo 2016 opwa kala enanathano pokati kaMulunga naKandjoze, sho minista a li a pula Mulunga a thigepo iilonga omolwa oshikumungu shondjokana ye oshowo ekwatathano lye nomuprofeti gwaMalawi, Shepherd Bushiri ye ya polweela moshigwana.
Kandjoze ina hala okupopya sha kombinga yoshikumungu shoka, kakele okwa popi kutya okwa hala okudhimbulukitha kehe gumwe kutya Namibia oshilongo tashi lelwa koompango.
CATHERINE SASMAN
Aaniilonga mboka ya gumwa konkalo ndjoka, oya tseyithilwa kutya elelo olya tula miilonga okatokolitho momasiku 27 gaNovemba hoka ka utha ehulithepo lyookondalaka dhawo dhiilonga, omolwa oshikumungu shi na sha netulo lyawo iilonga. Yamwe po yomaaniilonga mboka oya tameke owala iilonga mesiku lyotango lyaNovemba.
Mulunga ngoka a li a gandja ookondolaka ndhoka na okwali a thiminikwa konkalo opo a shaine omakutho miilonga ngoka na okwa popi kutya elelo olya ningi etokolo ndyoka, pwaahena omatompelo gasha. Mulunga okwa popi kutya okwa lombwela komunambelewa gwiikwaveta yaaniilonga, Frank Köpplinger kutya omakutho miilonga ngoka kage li paveta.
Okwa popi kutya okwa fala oshikumungu shoka koohahende oshowo koNamibia Public Workers Union (Napwu).
Mboka ya kuthwa miilonga oya tumbulwa kutya oSam Hasheela, Karina Indongo, Elina Karlos, Reginalda Kennedy, Tuyenikelao Nangolo, Mwaka Zibiso, Sharon Kavita, Wenselaus Iita, oshowo Elina Alweendo.
Yamwe oya tokola okukatuka oonkatu dhopaveta ihe inaya hala okupopya kombinga yomatokolo gawo.
Omunashipundi gwelelo lyehangano ndyoka,
Patrick Kauta ina vula okumonika molwaashoka okuli pondje yoshilongo.
Oonzo dhilwe ndhoka dha yakeleko oshifokundnaeki shika odha popi kutya omauliko ngoka oga ningwa kuMulunga, na kage li pondondo yomulandu gwehangano. Onzo oya tsikile kutya oyendji mboka ya kutwa miilonga ookume naapopepi yaMulunga.
“Mombelewa yaMulunga omuna oohamushanga yaali. Ondjele ndjoka yali tayi longithwa kuMulunga momugandja iilonga inaku landula omilandu oyi li pombanda noonkondo. Elelo lyongashiingeyi oli na oonkondo na elelo ewanawa.”
Oonzo odha holola kutya Mulunga okwa gandja iilonga mbyoka inaku ningwa omatseyitho goompito dhiilonga nenge ku ningwe omapulaapulo.
Oya tsikile kutya mboka ya pewa iilonga kuMulunga ohaya lopotele Mulunga. Mulunga okwa popi kutya omulandu gwoompito dhiilonga yopakathimbo mehangano ndyoka, ogwe mupa oonkondo opo a vule okugandja iilonga inaku ningwa omatseyitho goompito dhiilonga.
Okwa tsikile kutya epuko ndyoka lya ningwa koshikondo shoonzo dhopauntu, oondyoka kutya mookondalaka ndhoka dhiilonga oya shangamo kutya oompito ndhoka odhuulewethimbo lyontumba pehala lyokutya odhopakathimbo.
Mulunga okwa popile euliko ndyoka kutya olya pumbiwa kehangano na okwa tsikile kutya ookondalaka ndhoka odha kuthwa oonkondo molwaashoka aaniilonga yamwe moshikondo shopangeshefa mehangano inaya hala okulonga nayakwawo.
Mulunga okwa popi kutya kutya ehangano ndyoka itai lelwa we kwiikwatelelwa koompango dhehangano ihe okwiikwatelelwa komagwedhelepo taga zi pondje yehangano. Okwa tsikile kutya ope na mboka inaye mu hala mehangano ndyoka, na oya hala okuninga oshikako shelelo lye lyuule woomvula ntano shi kale kashi na epangelo.
Mulunga okwa ningi omukomeho gwoNamcor mo 2015, sha landula sho Obeth Kandjoze a ningi ominista yiikwamina niikwankondo.
Okutameka Februali gwo 2016 opwa kala enanathano pokati kaMulunga naKandjoze, sho minista a li a pula Mulunga a thigepo iilonga omolwa oshikumungu shondjokana ye oshowo ekwatathano lye nomuprofeti gwaMalawi, Shepherd Bushiri ye ya polweela moshigwana.
Kandjoze ina hala okupopya sha kombinga yoshikumungu shoka, kakele okwa popi kutya okwa hala okudhimbulukitha kehe gumwe kutya Namibia oshilongo tashi lelwa koompango.
CATHERINE SASMAN
Comments
Namibian Sun
No comments have been left on this article