Moussongela oye he yokatekulu ke
Iipotha yaMoussongela onkene tayilondo
Omulumentu ngoka a holola kutya okwa li mekwatathano lyopahole nomonakadhona gwaPedro Marcelino Moussongela, okwa popi kutya okwa li a haluka noonkondo mokumona kutya okanona hoka a kala ta ti oke oka shangithwa kUuministeli wIikwameni onga okamona kaMoussongela.
Omulumentu ngoka okwa popi kutya sho a nongele oshinima shoka okwa ka pula Moussongela.
“Pethimbo mpoka onda li handi mu longele niinima inayi keendelandje we nawa.”
Ngashiingeyi shoka osha ningi shimwe shomiipotha mbyoka tayi tamanekelwa omusita nguka mOmpangulilo yaNdangwa, pethimbo oshipotha she sha tsikile mompangulilo mEtitano lya piti. Moussongela ota tamanekelwa iipotha ngaashi okuyakela aantu miilongo, ekwatonkonga, eningilo lyaantu omatilitho, okukengelela momikanda dhe opo a ninge oonzapo dhomavalo dhaanona mboka inaya valelwa moshilongo, uukengeleledhi moonzapo dhaanona yoothigwa opo ya vule okumona omakwatho giiyemo okuza kepangelo.
Epangelo olya tsikile nokupulaapula ngoka ta longo pehala lyomukuluntuskola gwoskola yaMoussongela, yedhina Mennonite Brethren Community School, Ngoie-A-Ngoie.
Ngoie okwa lombwele ompangu kutya Moussongela ohekulu na okwa kala poskola ye ndjoka uule womimvo 7. Okwa popi kutya kali e shi shi ngele The Best Moussongela, omonamati gwomwanakadhona gwaMoussongela, Godlive he oMoussongela yemwene, ngaashi sha tothwamo komufali gwoshipotha shoka mompangu Dollen Gowases.
“Otatekulu na ondi shi shi kutya omwanakadhona Godlive okuna okanona kokamati The Best, ihe kandi shi kutya olye he yokanona hoka. Ngele tatekulu oye he nena itandi shi tseya molwaashoka ndjoka onkalamwenyo ye yopaumwene,” Ngoie tati.Nonando ongaaka, Gowases okwa lombwele ompangu kutya mo-2010, yina yaGodlive ngoka ha kala koDRC okwa dhengele Ngoie ongodhi te mu pula kombinga yoshinima shoka.
“Eeno otandi dhimbuluka kutya okwa dhengela ndje ongodhi ihe inatu popya kombinga yoshinima shi li ngaaka. Okwa pula owala kutya ondili po ngiini moNamibia.”
Omumati nale gwaGodlive na okwa li omulongiskola poskola yaMoussongela mOmafo, okwa popi kutya okwa li a lombwelwa kutya oye he yaThe Best na oya kala pamwe nayina yokanona hoka konima nkene a ningi etegelelo mo-2011.
“Konima sho Godlive a mono okanona he okwa pula po tuye tu kalonge poskola yekOmafo ihe muJuni gwo-2011, Moussongela okwa tumu Godlive koUnited Kingdom. Onda kala po nokanona ketu ihe konima okanona okwe ka ku thandje na inandi ka mona we.”
“Konima opo owala nda ka mona kutya okanona oke na oonzapo dhomavalo mbali, dhina oofani dha yooloka.
“Onzapo yimwe otayi holola kutya he yokanona hoka oMoussongela nokanona oka valelwa mEngela omanga onkwawo ya holola kutya ongame he yokanona na oka valelwa mOvenduka. Sho nda pula Godlive kombinga yoshinima shika okwa lombwelendje kutya okanona hoka oka he.” Okwa popi kutya okwa lopota oshinima shoka kopolisi yaHangwena, na okwa hala ku ningwe omakonaakono kumonike ngele okanona hoka oke nenge okaMoussongela. Ngele okanona hoka kake shi ke nena otaka pula a futwe kuMoussongela.
Godlive na The Best oyeli momusholondondo gwaanona yatano yaMoussongela mboka a yakele koEnglanda. The Best nayakwawo yatatu oyeli kohi yoomvula 12.Moussongela natango otaku popiwa a kengelele mokuningila aanona yavalelwa pondje yoshilongo oonzapo tadhi ulike kutya oya valelwa moshilongo. Ompangu oya uvu kutya okwa ningile aanona mboka oonzapo sho a fundju kutya yina yaanona onakusa Iyambo Teresia Tangi.
“Otu na uumbangi kutya Iyambo Tresia Tangi okuna owala okanona kamwe na kakeli momusholondondo gwaanona mboka,” Gowases a lombwele ompangu.
Ompangu oya uvu kutya Moussongela okwa kala ta yaka iimaliwa kepangelo sho a gandja omadhina giifundja gaanona opo ya kale taya mono omakwatho okuza kepangelo.
“Momusholondondo omuna Emilia Abraham a shangithwa onga othigwa na ota tekulwa komukulukadhi gwePedro Ndamonongheda ihe Uuministeli wiikwameni kawu na omuntu gwedhina ndyoka.”
Ngoie okwa popi kutya ke na owino ngele okanona hoka okoshili nenge ahowe.
Namibian Sun okwa popi nayinakulu yaAbraham, Lavinia Kalisto ngoka e li yinamweno yaMoussongela, ngoka popi kutya ina nyanyukwa sho opolisi yaka talako onzapo yevalo yaAbraham shaaheli pantseyo ye, na okwa popi kutya okwe yi hala. “Abraham keshi othigwa. Yina oHelina Vilho Absai omumwandje na okuli momwenyo omanga he oAbraham ha kala mOndangwa. Onda hala onzapo yokatekulu kandje.”
Epulakeno lyoshipotha shaMoussongela olya undulilwa komasiku 20 gaApilili, nOmukuluntu gwoNamRights Phil yaNangolo okwa tegelelwa a ka gandje uumbangi esiku ndyoka.
Moussongela okuli mondjeedhililo mOluno.
ILENI NANDJATO
Omulumentu ngoka okwa popi kutya sho a nongele oshinima shoka okwa ka pula Moussongela.
“Pethimbo mpoka onda li handi mu longele niinima inayi keendelandje we nawa.”
Ngashiingeyi shoka osha ningi shimwe shomiipotha mbyoka tayi tamanekelwa omusita nguka mOmpangulilo yaNdangwa, pethimbo oshipotha she sha tsikile mompangulilo mEtitano lya piti. Moussongela ota tamanekelwa iipotha ngaashi okuyakela aantu miilongo, ekwatonkonga, eningilo lyaantu omatilitho, okukengelela momikanda dhe opo a ninge oonzapo dhomavalo dhaanona mboka inaya valelwa moshilongo, uukengeleledhi moonzapo dhaanona yoothigwa opo ya vule okumona omakwatho giiyemo okuza kepangelo.
Epangelo olya tsikile nokupulaapula ngoka ta longo pehala lyomukuluntuskola gwoskola yaMoussongela, yedhina Mennonite Brethren Community School, Ngoie-A-Ngoie.
Ngoie okwa lombwele ompangu kutya Moussongela ohekulu na okwa kala poskola ye ndjoka uule womimvo 7. Okwa popi kutya kali e shi shi ngele The Best Moussongela, omonamati gwomwanakadhona gwaMoussongela, Godlive he oMoussongela yemwene, ngaashi sha tothwamo komufali gwoshipotha shoka mompangu Dollen Gowases.
“Otatekulu na ondi shi shi kutya omwanakadhona Godlive okuna okanona kokamati The Best, ihe kandi shi kutya olye he yokanona hoka. Ngele tatekulu oye he nena itandi shi tseya molwaashoka ndjoka onkalamwenyo ye yopaumwene,” Ngoie tati.Nonando ongaaka, Gowases okwa lombwele ompangu kutya mo-2010, yina yaGodlive ngoka ha kala koDRC okwa dhengele Ngoie ongodhi te mu pula kombinga yoshinima shoka.
“Eeno otandi dhimbuluka kutya okwa dhengela ndje ongodhi ihe inatu popya kombinga yoshinima shi li ngaaka. Okwa pula owala kutya ondili po ngiini moNamibia.”
Omumati nale gwaGodlive na okwa li omulongiskola poskola yaMoussongela mOmafo, okwa popi kutya okwa li a lombwelwa kutya oye he yaThe Best na oya kala pamwe nayina yokanona hoka konima nkene a ningi etegelelo mo-2011.
“Konima sho Godlive a mono okanona he okwa pula po tuye tu kalonge poskola yekOmafo ihe muJuni gwo-2011, Moussongela okwa tumu Godlive koUnited Kingdom. Onda kala po nokanona ketu ihe konima okanona okwe ka ku thandje na inandi ka mona we.”
“Konima opo owala nda ka mona kutya okanona oke na oonzapo dhomavalo mbali, dhina oofani dha yooloka.
“Onzapo yimwe otayi holola kutya he yokanona hoka oMoussongela nokanona oka valelwa mEngela omanga onkwawo ya holola kutya ongame he yokanona na oka valelwa mOvenduka. Sho nda pula Godlive kombinga yoshinima shika okwa lombwelendje kutya okanona hoka oka he.” Okwa popi kutya okwa lopota oshinima shoka kopolisi yaHangwena, na okwa hala ku ningwe omakonaakono kumonike ngele okanona hoka oke nenge okaMoussongela. Ngele okanona hoka kake shi ke nena otaka pula a futwe kuMoussongela.
Godlive na The Best oyeli momusholondondo gwaanona yatano yaMoussongela mboka a yakele koEnglanda. The Best nayakwawo yatatu oyeli kohi yoomvula 12.Moussongela natango otaku popiwa a kengelele mokuningila aanona yavalelwa pondje yoshilongo oonzapo tadhi ulike kutya oya valelwa moshilongo. Ompangu oya uvu kutya okwa ningile aanona mboka oonzapo sho a fundju kutya yina yaanona onakusa Iyambo Teresia Tangi.
“Otu na uumbangi kutya Iyambo Tresia Tangi okuna owala okanona kamwe na kakeli momusholondondo gwaanona mboka,” Gowases a lombwele ompangu.
Ompangu oya uvu kutya Moussongela okwa kala ta yaka iimaliwa kepangelo sho a gandja omadhina giifundja gaanona opo ya kale taya mono omakwatho okuza kepangelo.
“Momusholondondo omuna Emilia Abraham a shangithwa onga othigwa na ota tekulwa komukulukadhi gwePedro Ndamonongheda ihe Uuministeli wiikwameni kawu na omuntu gwedhina ndyoka.”
Ngoie okwa popi kutya ke na owino ngele okanona hoka okoshili nenge ahowe.
Namibian Sun okwa popi nayinakulu yaAbraham, Lavinia Kalisto ngoka e li yinamweno yaMoussongela, ngoka popi kutya ina nyanyukwa sho opolisi yaka talako onzapo yevalo yaAbraham shaaheli pantseyo ye, na okwa popi kutya okwe yi hala. “Abraham keshi othigwa. Yina oHelina Vilho Absai omumwandje na okuli momwenyo omanga he oAbraham ha kala mOndangwa. Onda hala onzapo yokatekulu kandje.”
Epulakeno lyoshipotha shaMoussongela olya undulilwa komasiku 20 gaApilili, nOmukuluntu gwoNamRights Phil yaNangolo okwa tegelelwa a ka gandje uumbangi esiku ndyoka.
Moussongela okuli mondjeedhililo mOluno.
ILENI NANDJATO
Comments
Namibian Sun
No comments have been left on this article