Moussongela a monika ondjo miipotha yekengelelo

Omusita omukwashigwana gaKongo, Pedro Marcelino Moussongela, ngoka a taalela epangulo miipotha ngaashi eyako lyaantu, ekwatonkonga nedhengo okwa monika ondjo miipotha yekengelelo neyo pondje lyOmpango yOmatembu.Moussongela okwa monika ondjo mEtitano lya piti, mOmpangulilo yaMangestrata gwEenhana, hoka a holoka komeho yompangu omolwa iipotha itatu yekengelelo oshowo iipotha ine yekuto miilonga lyaazaizai yaahena omikanda dhokulongela moshilongo. Okwa monika ondjo miipotha ayihe iheyali.Moussongela okwa tegelelwa a ka pewe egeelo lye mEtitatu kuMangestrata Helvi Shilemba. Pauyelele womapeko gompangu, omusita ngoka okwa ningi oondokumende dhiifundja dhaanona mboka a popi kutya aanona ye ya valelwwa pondje yoshilongo opo ya vule okumona omikanda dhuukwashigwana waNamibia. Konima aanona mboka oya mono omikanda dhuukwashigwana waNamibia, sho Moussongela a popi kutya oya valwa kunakusa Teresia Tangi Iyambo. MuMaalitsa gwonuumvo ompangu oya uvu kutya Moussongela oye a kwatele komeho eeto lyaanona mboka moshilongo okuza moAngola.Pethimbo lyepulakeno lyoshipotha shoka mompangulilo yaNdangwa, omufali gwiihokolola komeho yompangu, Dollen Gowases okwa popi kutya epangelo oli na uuyelele kutya Iyambo okwa li owala e na okanona kamwe sho a hulitha mo-2011, na keshi yina yaanona mboka. Inashi yela kutya nakusa Iyambo oya kala nekwatathano naMoussongela li li ngiini.Omusita ngoka okwa monika woo ondjo yekuto miilonga aaaizai yane onga aalongiskola poskola ye yedhina Mennonite Brethren Community School Namibia mOmafo moshitopolwa shaHangwena.Moussongela okwa popi kutya oskola ndjoka oya totwa po ya nuninwa aanona yoothigwa naamboka taya lumbu moluhepo.Epangelo olya holola kutya Moussongela okwa tula moshiponga oonkalamwenyo dhaanona mboka, sho e ya tula mesiloshisho lyaazaizai yaana omikanda.Omusita ngoka omunamimvo 56 okuli omutotipo gwongeleka yaEvangelical Mennonite Brethren Church, ndjoka a popi kutya omo a mono iimaliwa yokutota po oskola yaMennonite Brethren Community School Namibia oshowo Ongenga English Private School. Phil ya Nangoloh gwoNamRights okwa nyana eindilo lyaMoussongela mompangu ngoka omukalo ta longitha opo a silwe ohenda molwaashoka okushi shi kutya iipotha mbyoka ta tamanekelwa iinene noonkondo.Omwedhi gwa piti, ompangu yaMangestrata mOndangwa oya kaleke eindilo lyomboloha lyaMoussongela miipotha yeyako lyaantu, ekwatonkonga nedhengo oshowo eningilo lyomatilitho sigo kwa manithwa iipotha mbyoka ta tamanekelwa mEenhana.Momasiku 22 gaJuni okwa holoka mOmpangulilo yaMangestrata gwaVenduka, ta pangulilwa iipotha ya faathana niipotha ye mbyoka mompangulilo ndjoka oya undulilwa komweedhi Maalitsa momvula twa taalela.Omukalelipo gwepangelo miipotha mbyoka, Sililo Mwala okwa pula opo miipotha itatu yekengelelo moka a monika ondjo, a pewe egeelo lyoomvula ntano kehe moshipotha omanga miipotha ine yekuto miilonga lyaazaizai yaana omikanda a pewe egeelo lyokufuta oshimaliwa shooN$4 000 moshipotha kehe nenge a pewe egeelo lyoomvula 12 mondjeedhililo.Moussongela okwiikalelepo yemwene miipotha mbyoka.ILENI NANDJATO

Moussongela a monika ondjo miipotha yekengelelo

Comments

Namibian Sun 2025-05-08

Please login to leave a comment

Moussongela a monika ondjo miipotha yekengelelo

Comments

Namibian Sun 2025-05-08

Please login to leave a comment

Login