Mnangagwa oye natango omupresidende Zimbabwe
Emmerson Mnangagwa oye ta kalelepo Zimbambwe pethimbo lyomutumba gwiigwana yaSADC, ngoka tagu ningilwa mOvenduka, shaNamibia oshiwike shika.
Emmerson Mnangagwa oye ta kala oupresidende gwaZimbabwe e na oonkondo dhuudha, sigo uuna omuleli gwaZimbabwe omupe a ganithilwa miilonga.
Ndhoka odha popiwa kOminista yIikwapondje yaZimbabwe, Sibusiso Moyo.
Ongundu onene yompilameno moZimbabwe Etitano olya ningi eindilo lyompangu, moka tayi pataneke iizemo yomahogololo gopashigwana ngoka ga ningwa moshilongo moka lwotango konima yoomvula odhindji, sha landula ekutho koshipundi lyomupresidende nale gwoshilongo shoka ngoka aalela uule woomvula odhindji, Robert Mugabe muNovemba gwomvula ya piti. Omuleli gwongundu yompilameno onene moshilongo moka, Nelson Chamisa, okwa pula Ompangu yEkotampango moshilongo moka yi kaleke iizemo yomahogololo ngoka ga ningwa, onga oshizemo shoka, eganithilo miilonga lyaMnangagwa onga omupresidende olya kalekwa.
Moyo okwa tindi okupopya sha kombinga sho aataaleli yomahogololo ngoka yopaigwana oshowo aataaleli yoongundu dhompilameno ya popi kutya omahogololo ngoka ga ningwa momasiku 30 gaJuli, kage li pauyuuki.
“Itandi ti sha molwaahsoka oshikumungu shoka oshi li momake gompangu ngashiingeyi. Oya ninga eindilo lyompangu na onkene otatu kiiyutha kwaashoka tashi monika po kompangu,” Moyo a popi.
Okwa gwedha po kutya Mnangagwa otaka kalela po Zimbabwe pethimbo lyomutumba gwo38th SADC Summit of Heads of State ngoka tagu ningilwa mOvenduka oshiwike shika.
Moyo okwa dhenge omuthindo kutya omahogololo ngoka ga ningwa oga li ge na ombili na oga ningwa pauyuuki okutala kutya oge li gotango oshilongo tashi ningi, okutameka omvula yo 1980, sha landula ehulithepo lyelelo lyaMugabe.
Moyo okwa yamukula woo kuuyuni mboka tawu pula opo ku ningwe omakonaakono sha landula edhipago lyaahololimadhilaadhilo yatatu mboka ya dhipagwa kaakwita yoshilongo, sha landula omahololomadhilaadhilo ga ningwa moshilongo shoka konima yomahogololo.
Moyo okwa popi kutya omakonaakono ngoka otaga ka ningwa mbala omolwa ekanitho lyoomwenyo ndhoka, uuna kwa tulwa miilonga omupresidende.
SADC okwa pandula oshilongo shoka, kutya omahogololo ngoka oga ningwa pambili, ihe okwa nyana nomuthindo ekanitho lyoomwenyo ndyoka lya holoka po.
Pahapu dhomukomeho gwoSADC Organ on Politics, Defence and Security Affairs, Jorge Cardoso, omahogololo ngoka ga ningwa moZimbabwe oga ningwa pambili, nuuthemba waakwashigwana owa simanekwa ihe naye ina popila ekaanitho lyoomwenyo dhaakwashigwaa boka ya tatu ndhoka dha lopotwa.
JEMIMA BEUKES
Emmerson Mnangagwa oye ta kala oupresidende gwaZimbabwe e na oonkondo dhuudha, sigo uuna omuleli gwaZimbabwe omupe a ganithilwa miilonga.
Ndhoka odha popiwa kOminista yIikwapondje yaZimbabwe, Sibusiso Moyo.
Ongundu onene yompilameno moZimbabwe Etitano olya ningi eindilo lyompangu, moka tayi pataneke iizemo yomahogololo gopashigwana ngoka ga ningwa moshilongo moka lwotango konima yoomvula odhindji, sha landula ekutho koshipundi lyomupresidende nale gwoshilongo shoka ngoka aalela uule woomvula odhindji, Robert Mugabe muNovemba gwomvula ya piti. Omuleli gwongundu yompilameno onene moshilongo moka, Nelson Chamisa, okwa pula Ompangu yEkotampango moshilongo moka yi kaleke iizemo yomahogololo ngoka ga ningwa, onga oshizemo shoka, eganithilo miilonga lyaMnangagwa onga omupresidende olya kalekwa.
Moyo okwa tindi okupopya sha kombinga sho aataaleli yomahogololo ngoka yopaigwana oshowo aataaleli yoongundu dhompilameno ya popi kutya omahogololo ngoka ga ningwa momasiku 30 gaJuli, kage li pauyuuki.
“Itandi ti sha molwaahsoka oshikumungu shoka oshi li momake gompangu ngashiingeyi. Oya ninga eindilo lyompangu na onkene otatu kiiyutha kwaashoka tashi monika po kompangu,” Moyo a popi.
Okwa gwedha po kutya Mnangagwa otaka kalela po Zimbabwe pethimbo lyomutumba gwo38th SADC Summit of Heads of State ngoka tagu ningilwa mOvenduka oshiwike shika.
Moyo okwa dhenge omuthindo kutya omahogololo ngoka ga ningwa oga li ge na ombili na oga ningwa pauyuuki okutala kutya oge li gotango oshilongo tashi ningi, okutameka omvula yo 1980, sha landula ehulithepo lyelelo lyaMugabe.
Moyo okwa yamukula woo kuuyuni mboka tawu pula opo ku ningwe omakonaakono sha landula edhipago lyaahololimadhilaadhilo yatatu mboka ya dhipagwa kaakwita yoshilongo, sha landula omahololomadhilaadhilo ga ningwa moshilongo shoka konima yomahogololo.
Moyo okwa popi kutya omakonaakono ngoka otaga ka ningwa mbala omolwa ekanitho lyoomwenyo ndhoka, uuna kwa tulwa miilonga omupresidende.
SADC okwa pandula oshilongo shoka, kutya omahogololo ngoka oga ningwa pambili, ihe okwa nyana nomuthindo ekanitho lyoomwenyo ndyoka lya holoka po.
Pahapu dhomukomeho gwoSADC Organ on Politics, Defence and Security Affairs, Jorge Cardoso, omahogololo ngoka ga ningwa moZimbabwe oga ningwa pambili, nuuthemba waakwashigwana owa simanekwa ihe naye ina popila ekaanitho lyoomwenyo dhaakwashigwaa boka ya tatu ndhoka dha lopotwa.
JEMIMA BEUKES
Comments
Namibian Sun
No comments have been left on this article