Minista eekelehi omapopyo getukuko lyekunku lyiikwamawawa moNamibia

Ominista yuundjolowele, Bernard Haufiku okwa tseyitha momutumba gwopashigwana kutya okwa lopotwa iipotha ine yoHepatitis molukanda DRC moSwakopo, omanga iipotha ya tegelela ekoleko okuza koolabora.Minista okwa ekelehi woo omapopyo gembandapalitho kutya okwa tukuka eshikisha lyiikwamawawa moNamibia, ta popi kutya shoka sha dhipaga omunamivo 45 moRehoboth, ombuto yo H1N1.Okwa pula oshigwana shi kale sha angala nokulopota uuvu kehe pendiki lyuundjolowele li li popepi.Oshiwike sha piti, ngoka ta longo pehala lyamushanga guuministeli, Petronella Masabane okwa popi momukanda ngoka a pititha kutya ombuto yo H1N1 oya kolekwa mokanona koomwedhi hamano momasiku 22 gaJuni moshipangelo shopaumwene moVenduka.Mboka ye li moshiponga shombuto ndjoka, aanona mboka ye li kohi yoomvula ntano, aakokele yoomvula dhi li pombanda 65, aakiintu yeli momategelelelo oshowo aantu mboka ye na aakwiita yolutu ya nkundipala, ngaashi mboka taya lumbu nombuto yo HIV, oTB, osuuka oshowo omaupyakadhi galwe gopaunamiti.Momukanda ngoka gwa pitithwa kuuministeli, ogwa holola kutya aantu yatano oya monika ombuto ndjoka.Omadhidhiliko gombuto ndjoka omukolo, uuwehame wopothingo, eshikisha, omeho omatiligane, olutu talu ehama, omuntu ta ehama omutse goshipwatagula, oshimela, onkungo neloloko.Masabane okwa pula oshigwana shi yande okukwatwa kombuto ndjoka, nokuya koontutila. Okwa nkukilile aantu yiikwate komakana nuutishu uuna taya teshima ihe inaya longitha oonyala dhawo.Aantu na ya nwe omeya ogendji, na ya iyoge koonyala nothewa, yo naya yande okwiikwata komeho, komayulu nokana molwaashoka osho hashi taandelitha ombuto unene.JEMIMA BEUKES

Minista eekelehi omapopyo getukuko lyekunku lyiikwamawawa moNamibia

Comments

Namibian Sun 2025-07-07

Please login to leave a comment

Minista eekelehi omapopyo getukuko lyekunku lyiikwamawawa moNamibia

Comments

Namibian Sun 2025-07-07

Please login to leave a comment

Login