Laat die kinders lees

Mariselle StofbergDie komitee van die Omahongero mEpukiro- inisiatief het Donderdag altesaam 4 971 boeke aan die ministerie van onderwys, kuns en kultuur by die nasionale biblioteek in Windhoek oorhandig. Die boeke, ter waarde van N$702 179, sal vir vier skole in die Omahekestreek gegee word, naamlik die Junior Sekondêre Skool Epukiro Post 3, Primêre Skool Goeie Hoop, Primêre skool Omuhaturua en Primêre Skool Morukutu. Die gemeenskap van Epukiro het saamgestaan en die inisiatief van stapel stuur om die slaagsyfer en leeskultuur onder leerlinge in die Epukiro-kiesafdeling te bevorder. Dr. Ngungaa Hangara, die voorsitter van die Omahongero mEpukiro-inisiatief, sê die inwoners van Epukiro wou ? verskil in hul gemeenskap maak, veral met betrekking tot die skoolkinders. “In stede daarvan om net die regering te blameer, het ons as gemeenskap besluit om die regering eerder by te staan en te kyk waar ons hulle tegemoet kan kom.”Aanvanklik was die komitee se doelwit om N$25 000 in te samel om ten minste 500 boeke aan te koop, maar danksy borge en donasies is hierdie doelwit ver oorskry. Mnr. Hiskia Tjatjitua, die stigter van Namibia Pulp Paper, het ook 576 rolle toiletpapier, ter waarde van N$3 212 aan die vier skole geskenk. Me. Veno Kauaria, die adjunk- uitvoerende direkteur van onderwys, kuns en kultuur wat onder meer verantwoordelik is vir voortgesette onderrig, sê die skenking gaan nie net help met die vestiging en uitbreiding van biblioteke by skole nie, maar ondersteun ook die nasionale kurrikulum vir basies onderrig. “Vir ons om die doelwitte te bereik wat uiteengesit is, moet daar in skolebiblioteke belê word en seker gemaak word hulle is behoorlik toegerus. Dit bied aan ons leerlinge bykomende leesmateriaal wat die kurrikulum en persoonlike groei van hierdie leerlinge ondersteun.” Die skenking bestaan uit handboeke en leesboeke. “Dié is ? suksesstorie en ? oorwinning, want dit is ? gebaar wat ongelooflik baie vir hierdie kinders gaan beteken,” sê mnr. Pecka Semba, die Omaheke-streeksdirekteur van onderwys. Volgens Kauaria is die waarde van die skenking vir kinders van onskatbare waarde. “Wanneer jy aan kinders boeke gee, dra jy by tot die kennis van daardie kind. Dit wat kinders inneem as hulle lees, is iets wat nooit van hulle af weggeneem kan word nie.”Namibia Publishing House, die Waldorf-skool, die Catherine Bullen-stigting, Komeho Namibia Development Agency, Mech Repair Centre en verskeie individue het bygedra tot die skenking.

Laat die kinders lees

Comments

Namibian Sun 2025-07-07

Please login to leave a comment

Laat die kinders lees

Comments

Namibian Sun 2025-07-07

Please login to leave a comment

Login