Kwa pulwa epato lyomuhandjo gwaELCIN moNkurenkuru
Okwa ningwa omaindilo opo ku idhilwe omuhandjo gwaanaskola moNkurenkuru omolwa onkalo kayi shi yopauntu moka tamu adhika omuhandjo ngoka.
Pethimbo ndyoka uuministeli welongo tawu kambadhala okukandulapo ompumbwe ndjoka ya taalela ooskola oshowo okuyambulapo onkalo yooskola moshilongo, aanaskola ya za kooskola dha yooloka momudhingoloko gwaNkurenkuru mboka haya zi momuhandjo gwoNkurenkuru Evangelical Lutheran Church in Namibia (ELCIN) oye li ya taalela onkalo ya nayipala omolwa onkalo moka mu na omuhandjo ngoka.
Etalelepo lya ningiwa omuhandjo ngoka oshiwike sha piti, olya holola polweela onkalo ya kehe esiku ya taalela aanona mboka momatungo gongeleka ngoka ga kulupa noonkondo na oga tungwa neloya moomvula dho 1960, kAasoomi.
Aakwashigwana yamwe oya popi kutya epato lyomuhandjo ngoka oya li li na okukala lya ningwa nale omolwa onkalo yomuhandjo ngoka sho tayi nayipala kehe omvula. Omakuma gomuhandjo ngoka kage na esiku inaga gwa po , naanona mboka ohaya lile polweela molwaashoka oskola kayi na oshinyanga shokulila. Aanona mboka kaye na omatalashe geli nawa nenge oombete, nehala ndyoka otali monika lya nyata noonkondo. Amushanga gwelongo, Sanet Steenkamp okwa yelitha kutya ongeleka oyo yi na oshinakugwanithwa shokuwapaleka omuhandjo ngoka molwaashoka omatungo ngoka ogongeleka.
Okwa popi kutya epangelo ohali kwashilipaleke owala kutya ongeleka oya mona iifuta mbyoka ya nuninwa okanona kehe hoka haka zi momuhandjo ngoka.
Amushanga okwa popi kutya oonkambadhala dha nuninwa ekandulepo lyomikunda lya taalela ooskola, odhi li oshitopolwa shoompangela dhawo. Okwa tsikile kutya oye na oofoloma hadhi udhithwa kiitopolwa, naakomeho yelongo miitopolwa ohaya udhitha oofooloma ndhoka kwiikwatelelwa kompumbwe yawo miitopolwa yawo. Nonando ongaaka Omusita Ernestus Karuyeva, okwa popi kutya iifuta mbyoka hayi gandjwa kepangelo iishona noonkondo na inayi gwana, na okwa pula epangelo opo li gwedhele iimaliwa mbyoka hali gandjwa kongeleka ndjoka, ya nuninwa aanona mboka haya zi momuhandjo ngoka.
Karuyeva okwa popi kutya sho iifuta mbyoka inayi kwatelamo oondjambi dhaaniilonga, omeya nolusheno oshowo ewapaleko lyoskola, onkalo ndjoka itayi lunduluka. “Otatu kutha iimaliwa peni opo tu tunge omuhandjo ngoka? Ope na aantu mboka ya pumbwa okufutwa sho taya telekele aanona nokukondolola omihandjo.
Omatungo ngoka oshidhigu okutungulula molwaashoka oga tungwa nelowa. Otwa pumbwa okutunga omuhandjo omupe na otwa tameka ihe otatu kalithwa monima kompumbwe yiimaliwa,” Karuyeva ta ti. 'Otu shi shi kutya oshinakugwanithwa shetu opo tu sile oshisho omatunngo getu, ihe epangelo nalyo oli wete kutya otuli mompumbwe.
Ngele epangelo otali ka tunga omuhandjo gwawo, nena tatu ka kala twa nyanyukwa ihe naye shi ninge meendelelo. Otu na ohokwe aanona ya kale monkalo ya wapala ihe katu na nkene ngashiingeyi molwaashoka inatu hala ya kale taya mono iihuna momapandanda.”
KENYA KAMBOWE
Etalelepo lya ningiwa omuhandjo ngoka oshiwike sha piti, olya holola polweela onkalo ya kehe esiku ya taalela aanona mboka momatungo gongeleka ngoka ga kulupa noonkondo na oga tungwa neloya moomvula dho 1960, kAasoomi.
Aakwashigwana yamwe oya popi kutya epato lyomuhandjo ngoka oya li li na okukala lya ningwa nale omolwa onkalo yomuhandjo ngoka sho tayi nayipala kehe omvula. Omakuma gomuhandjo ngoka kage na esiku inaga gwa po , naanona mboka ohaya lile polweela molwaashoka oskola kayi na oshinyanga shokulila. Aanona mboka kaye na omatalashe geli nawa nenge oombete, nehala ndyoka otali monika lya nyata noonkondo. Amushanga gwelongo, Sanet Steenkamp okwa yelitha kutya ongeleka oyo yi na oshinakugwanithwa shokuwapaleka omuhandjo ngoka molwaashoka omatungo ngoka ogongeleka.
Okwa popi kutya epangelo ohali kwashilipaleke owala kutya ongeleka oya mona iifuta mbyoka ya nuninwa okanona kehe hoka haka zi momuhandjo ngoka.
Amushanga okwa popi kutya oonkambadhala dha nuninwa ekandulepo lyomikunda lya taalela ooskola, odhi li oshitopolwa shoompangela dhawo. Okwa tsikile kutya oye na oofoloma hadhi udhithwa kiitopolwa, naakomeho yelongo miitopolwa ohaya udhitha oofooloma ndhoka kwiikwatelelwa kompumbwe yawo miitopolwa yawo. Nonando ongaaka Omusita Ernestus Karuyeva, okwa popi kutya iifuta mbyoka hayi gandjwa kepangelo iishona noonkondo na inayi gwana, na okwa pula epangelo opo li gwedhele iimaliwa mbyoka hali gandjwa kongeleka ndjoka, ya nuninwa aanona mboka haya zi momuhandjo ngoka.
Karuyeva okwa popi kutya sho iifuta mbyoka inayi kwatelamo oondjambi dhaaniilonga, omeya nolusheno oshowo ewapaleko lyoskola, onkalo ndjoka itayi lunduluka. “Otatu kutha iimaliwa peni opo tu tunge omuhandjo ngoka? Ope na aantu mboka ya pumbwa okufutwa sho taya telekele aanona nokukondolola omihandjo.
Omatungo ngoka oshidhigu okutungulula molwaashoka oga tungwa nelowa. Otwa pumbwa okutunga omuhandjo omupe na otwa tameka ihe otatu kalithwa monima kompumbwe yiimaliwa,” Karuyeva ta ti. 'Otu shi shi kutya oshinakugwanithwa shetu opo tu sile oshisho omatunngo getu, ihe epangelo nalyo oli wete kutya otuli mompumbwe.
Ngele epangelo otali ka tunga omuhandjo gwawo, nena tatu ka kala twa nyanyukwa ihe naye shi ninge meendelelo. Otu na ohokwe aanona ya kale monkalo ya wapala ihe katu na nkene ngashiingeyi molwaashoka inatu hala ya kale taya mono iihuna momapandanda.”
KENYA KAMBOWE
Comments
Namibian Sun
No comments have been left on this article