Kwa ningwa omalunduluko momaindilo guumwene wokukwata oohi
Sha landula omanyenyeto ngoka ga ningwa koshigwana kombinga yiipumbiwa yimwe po tayi pumbiwa kwaamboka yahala okuninga omaindilo guuthemba wuumwene wokukwata oohi, uuministeli woonzo dhomomeya owa tseyitha omalunduluko ngoka ga ningwa miipimbiwa mbyoka.
Omalunduluko ngoka oge li oshizemo shoonkundathana ndhoka dha ningwa moshigwana,.
Minista Bernhardt Esau okwa tseyitha kutya iipumbiwa kombinga yomahangano ga shangithwa otayi yulululwa ihe inayi kuthwa po lela.
Okwa popi kutya oongeshefa adhihe dhoka hadhi ithanwa 'close corporations' oshowo oongeshefa dholudhi lulwe otadhi vulu okuninga omaindilo na kadhi shi owala we oongeshefa dhoka dha shangithwa onga 'ooPty'.
Esau okwa koleke kutya esiku lya hugunina lyokuninga omaindilo olya undulikwa komasiku 31 gaAguste okuza pomasiku 31 gomwedhi Juli ngaashi sha li sha tseyithwa nale.
Minista okwa popi kutya omalunduluko ngoka ogeli oshizemo shoonkundathana ndhoka dha ningwa noshigwana miitopolwa ayihe 14 moshilongo.
Ongundu yoPopular Democratic Party (PDM) oya li ya nyana iipumbiwa ya tulwa po, shi na sha neningo lyomaindilo guuthemba wuumwene wokukwata oohi.
Oshilyo shoPDM, Jennifer van der Heever okwali a popi kutya iipumbiwa mbyoka otayi tidhile kokule aathigona, mboka taya lumbu nomaulema oshowo mboka ya kala inaya talika nale monakuziwa nokugandja owala uuwanawa kaatotiveta oshowo mboka ya kala nale nokumona omauwanawa okupitila momaindilo ngoka.
Oshilyo shoPDM Nico Smit naye okwa li a pula momutumba gwopashigwana opo ku talululwe yimwe po yomiipumbiwa mbyoka.
Smit okwa lombwele oNamibian Sun oshiwike shika kutya omalunduluko ngoka ga ningwa ogamwe gomolandululuko ngoka a li a pula ga ningwe pethimbo a li a holola oshiyetwapo she shoka momutumba gwopashigwana, kakele koshipumbiwa shoka tashi pula aantu ya lundululile oongeshefa dhawo mooPty omanga inaya ninga omaindilo ngoka.
Okwa gwedha po natango kutya eshangitho lyoludhi lwongeshefa ndjoka oli na ondilo noonkondo, sho tali pula omwaalu gwoshimaliwa shi li pokati kooN$20 000 no N$30 000, naashoka otashi kaleke kokule AaNamibia yamwe po, unene aakiintu, aanyasha, aantu mboka taya lumbu nomaulema, aakondjelimanguluko oshowo mboka ya kala inaya talika monakuziwa, pahapu dhaSmit.
Smit okwa tsikile kutya nonando okwa nyanyukwa sho uuministeli wa ningi omalunduluko ngoka, okwa popi kutya oshi li oshikando oshitiyali aaniilonga yoshikondo shoka pamwe naminista taya ningi oshinima sha puka.
Okwa popi iikolelela ketokolo lya li lya ningwa kuuministeli mboka opo wu ndjeke po oondando ihe owa li ya talulula oondando ndhoka sha landula omanyenyeto ga zilile meni lyoshilongo oshowo pondje yoshilongo.
JANA-MARI SMITH
Omalunduluko ngoka oge li oshizemo shoonkundathana ndhoka dha ningwa moshigwana,.
Minista Bernhardt Esau okwa tseyitha kutya iipumbiwa kombinga yomahangano ga shangithwa otayi yulululwa ihe inayi kuthwa po lela.
Okwa popi kutya oongeshefa adhihe dhoka hadhi ithanwa 'close corporations' oshowo oongeshefa dholudhi lulwe otadhi vulu okuninga omaindilo na kadhi shi owala we oongeshefa dhoka dha shangithwa onga 'ooPty'.
Esau okwa koleke kutya esiku lya hugunina lyokuninga omaindilo olya undulikwa komasiku 31 gaAguste okuza pomasiku 31 gomwedhi Juli ngaashi sha li sha tseyithwa nale.
Minista okwa popi kutya omalunduluko ngoka ogeli oshizemo shoonkundathana ndhoka dha ningwa noshigwana miitopolwa ayihe 14 moshilongo.
Ongundu yoPopular Democratic Party (PDM) oya li ya nyana iipumbiwa ya tulwa po, shi na sha neningo lyomaindilo guuthemba wuumwene wokukwata oohi.
Oshilyo shoPDM, Jennifer van der Heever okwali a popi kutya iipumbiwa mbyoka otayi tidhile kokule aathigona, mboka taya lumbu nomaulema oshowo mboka ya kala inaya talika nale monakuziwa nokugandja owala uuwanawa kaatotiveta oshowo mboka ya kala nale nokumona omauwanawa okupitila momaindilo ngoka.
Oshilyo shoPDM Nico Smit naye okwa li a pula momutumba gwopashigwana opo ku talululwe yimwe po yomiipumbiwa mbyoka.
Smit okwa lombwele oNamibian Sun oshiwike shika kutya omalunduluko ngoka ga ningwa ogamwe gomolandululuko ngoka a li a pula ga ningwe pethimbo a li a holola oshiyetwapo she shoka momutumba gwopashigwana, kakele koshipumbiwa shoka tashi pula aantu ya lundululile oongeshefa dhawo mooPty omanga inaya ninga omaindilo ngoka.
Okwa gwedha po natango kutya eshangitho lyoludhi lwongeshefa ndjoka oli na ondilo noonkondo, sho tali pula omwaalu gwoshimaliwa shi li pokati kooN$20 000 no N$30 000, naashoka otashi kaleke kokule AaNamibia yamwe po, unene aakiintu, aanyasha, aantu mboka taya lumbu nomaulema, aakondjelimanguluko oshowo mboka ya kala inaya talika monakuziwa, pahapu dhaSmit.
Smit okwa tsikile kutya nonando okwa nyanyukwa sho uuministeli wa ningi omalunduluko ngoka, okwa popi kutya oshi li oshikando oshitiyali aaniilonga yoshikondo shoka pamwe naminista taya ningi oshinima sha puka.
Okwa popi iikolelela ketokolo lya li lya ningwa kuuministeli mboka opo wu ndjeke po oondando ihe owa li ya talulula oondando ndhoka sha landula omanyenyeto ga zilile meni lyoshilongo oshowo pondje yoshilongo.
JANA-MARI SMITH
Comments
Namibian Sun
No comments have been left on this article