Khairabeb a dhigi po oSwapo
Omunambelewa nale omudhiginini gwiiniwe melelo lyoSwapo Party Elders Council, mOtjiwarongo, Benjamin Khairabeb, ngoka a kala a kuthwa manga miilonga okuza muMaalitsa gwomvula yo 2015, okwa thigi po ongundu tayi pangele.
Khairabeb okwa li ta pangulilwa okwiihumbata konayi, sho aniwa a ningi iigongi inayi pitikwa nokuheka iilyo yongundu opo yi mu hogolole a vule okuninga kansela melelo lyondoolopa ndjoka, pethimbo lyomahogololo ngoka ga ningwa muNovemba gwomvula yo 2014.
Okwa tindi iipotha mbyoka ta tamanekelwa ta popi kutya ngoka omalundilo ta ningilwa kiilyo yongundu mbyoka yi li ompinge naye mOtjiwarongo.
Okwa lombwele oNampa mOmaandaha kutya okwa gandja omukanda gwe gwethigepo lyongundu moombelewa mOtjiwarongo oshiwike sha piti, mEtine.
Momukanda ngoka a gandja, Khairabeb okwa popi kutya okwa tokola okuthiga po ongundu omolwa oshipotha she shoka osha kala uule wethimbo ngashiingeyi, omanga ina ningilwa omutumba gweutho nenge ku katukwe oonkatu dhimwe. Okwa popi kutya ina ihumbatelwa pauyuuki.
“Onda thigwa kandi na we shoka tandi vulu okuninga, kakele kokuthiga po ongundu.”
Khairabeb okwa popi kutya okwa hala okuya mefudho manga, nokufudha po okuza kopolotika nokutala kiinima ye yopaumwene.
Omukwatakanithi gwoSwapo, moshitopolwa shaOtjozondjupa, Susan Hikopua mOmaandaha okwa popi kutya okwa uvu kombinga yethige po lyoSwapo lyaKhairabeb, moombelewa dhongundu moshitopolwa, ihe ina yakula natango omukanda.
Okwa popi kutya uuna a galukile mombelewa nena andola, otaka ninga omutumba naKhairabeb opo ya kundathane kombinga yeikutho lye mongundu ndjoka.
Khairabeb okwa wayimine oSwapo momvula yo 1978.
NAMPA
Khairabeb okwa li ta pangulilwa okwiihumbata konayi, sho aniwa a ningi iigongi inayi pitikwa nokuheka iilyo yongundu opo yi mu hogolole a vule okuninga kansela melelo lyondoolopa ndjoka, pethimbo lyomahogololo ngoka ga ningwa muNovemba gwomvula yo 2014.
Okwa tindi iipotha mbyoka ta tamanekelwa ta popi kutya ngoka omalundilo ta ningilwa kiilyo yongundu mbyoka yi li ompinge naye mOtjiwarongo.
Okwa lombwele oNampa mOmaandaha kutya okwa gandja omukanda gwe gwethigepo lyongundu moombelewa mOtjiwarongo oshiwike sha piti, mEtine.
Momukanda ngoka a gandja, Khairabeb okwa popi kutya okwa tokola okuthiga po ongundu omolwa oshipotha she shoka osha kala uule wethimbo ngashiingeyi, omanga ina ningilwa omutumba gweutho nenge ku katukwe oonkatu dhimwe. Okwa popi kutya ina ihumbatelwa pauyuuki.
“Onda thigwa kandi na we shoka tandi vulu okuninga, kakele kokuthiga po ongundu.”
Khairabeb okwa popi kutya okwa hala okuya mefudho manga, nokufudha po okuza kopolotika nokutala kiinima ye yopaumwene.
Omukwatakanithi gwoSwapo, moshitopolwa shaOtjozondjupa, Susan Hikopua mOmaandaha okwa popi kutya okwa uvu kombinga yethige po lyoSwapo lyaKhairabeb, moombelewa dhongundu moshitopolwa, ihe ina yakula natango omukanda.
Okwa popi kutya uuna a galukile mombelewa nena andola, otaka ninga omutumba naKhairabeb opo ya kundathane kombinga yeikutho lye mongundu ndjoka.
Khairabeb okwa wayimine oSwapo momvula yo 1978.
NAMPA
Comments
Namibian Sun
No comments have been left on this article