Keena omaako ihe ota longo nuudhiginini
Ndeyapo Haufiku, 42, omukalimo gwomomukunda Okaandje popepi nOngwediva moshitopolwa shaShana okwa valwa keena omaako ihe shoka inashi ya moshipala iilonga ye opo ya vule okusila oshisho oyana.
Haufiku, yina yaanona yatano okwa popi kutya iha itala ngele ye ota lumbu nuulema molwaashoka oshinima shoka iha vulu okuninga okulima owala epya.
“Ngame ohandi longo nuudhigunini na otandi tekula aanona yandje yatano ngame mwene, na ohandi ya ningile kehe shimwe. Aluhe sho taya galuka koskola otaya adha nde ya telekela nale, ohandi ya yogele iikutu nokuya yoga unene mboka aashona. Ohandi wapaleke woo egumbo,” Haufiku a popi.
Okwa tsikile kutya oshinima shimwe shika hashi mu uvitha nayi ongele aantu ye mu etela ohenda molwaashoka ke na omaako.
“Ngame kandi shi oshilema. Omagulu gandje ogo omaako gandje na otandi vulu okuninga iinima oyindji mbyoka aantu mboka ye na omaako taya vulu okuninga. Oshinima shoka ihandi vulu okuninga okulima epya owala, ihe ohandi vulu okutsa omahangu oshowo iilonga yilwe. Onda pandula Kalunga sho a pendje oonkondo opo kandi kale nda lala megumbo nda tegelela okupewa omakwatho kaantu.”
Haufiku okwa popi kutya okwa valwa omutiyali omukuluntu mwaamwayina yahetatu.
Okwa hiti oskola pEluwa Special School mOngwediva, moka a ndopa ondondo onti 10 momvula yo 1995.
Okwa kala nayina megumbo, sigo osho yina a hulitha momvula yo 2005.
Okwa popi kutya yina okwe mu longo okulonga iilonga oyindji yomegumbo oshowo okuhondja neshina lyokoonyala.
Okwa popi kutya sho a putuka okwa kala ha yambidhidha aamwayina.
Kansela gwoshikandjohogololo shaNgwediva, Andreas Utoni, okwa popi kutya ombelewa ye oyi na ontseyo kombinga yaHaufiku ihe ihayi mu mono olundji ta kongo omakwatho, ngaashi aantu yalwe mboka taya lumbu nomaulema.
“Haufiku oha longo nuudhiginini na ihe ya okukonga omakwatho gepangelo kehe ethimbo. Ngele we mu mono pombelewa ongele owala a pumbwa oombaapila dhe nenge dhaanona ye dhi shainwe. Oku li omutsi gwomukumo kuyakwawo yalwe mboka taya lumbu nomaulema naamboka kaye na omaulema ihe oye shi wete oshidhigu okwiilongela,” Utoni a popi.
Haufiku okwa popi kutya ota galikana opo oyana ya pite nawa mooskola, yo ya vule okukala nonakuyiwa yi li nawa.
Okwa popi kutya osheeli she osha mana ondondo onti 12 omvula ya piti ihe inashi mona iitsa ya gwana okuya kiiputudhilo yopombamda. Ngoka a landula osheeli okuli mondondo onti 10.
Okwa tsikile kutya aanona ye mboka ohaya mono omayambidhidho giiyemo yokomwedhi okuza kepangelo na okwa pandula keyambidhidho ndyoka.
Okwa pandua kutya nonando iimaliwa mbyoka kayi shi oyindji otayi kwathele aanona moompumbwe dhoskola. Okwa pandula woo aashinda she mboka haye mu pe omakwatho unene mokulonga epya lye.
ILENI NANDJATO
“Ngame ohandi longo nuudhigunini na otandi tekula aanona yandje yatano ngame mwene, na ohandi ya ningile kehe shimwe. Aluhe sho taya galuka koskola otaya adha nde ya telekela nale, ohandi ya yogele iikutu nokuya yoga unene mboka aashona. Ohandi wapaleke woo egumbo,” Haufiku a popi.
Okwa tsikile kutya oshinima shimwe shika hashi mu uvitha nayi ongele aantu ye mu etela ohenda molwaashoka ke na omaako.
“Ngame kandi shi oshilema. Omagulu gandje ogo omaako gandje na otandi vulu okuninga iinima oyindji mbyoka aantu mboka ye na omaako taya vulu okuninga. Oshinima shoka ihandi vulu okuninga okulima epya owala, ihe ohandi vulu okutsa omahangu oshowo iilonga yilwe. Onda pandula Kalunga sho a pendje oonkondo opo kandi kale nda lala megumbo nda tegelela okupewa omakwatho kaantu.”
Haufiku okwa popi kutya okwa valwa omutiyali omukuluntu mwaamwayina yahetatu.
Okwa hiti oskola pEluwa Special School mOngwediva, moka a ndopa ondondo onti 10 momvula yo 1995.
Okwa kala nayina megumbo, sigo osho yina a hulitha momvula yo 2005.
Okwa popi kutya yina okwe mu longo okulonga iilonga oyindji yomegumbo oshowo okuhondja neshina lyokoonyala.
Okwa popi kutya sho a putuka okwa kala ha yambidhidha aamwayina.
Kansela gwoshikandjohogololo shaNgwediva, Andreas Utoni, okwa popi kutya ombelewa ye oyi na ontseyo kombinga yaHaufiku ihe ihayi mu mono olundji ta kongo omakwatho, ngaashi aantu yalwe mboka taya lumbu nomaulema.
“Haufiku oha longo nuudhiginini na ihe ya okukonga omakwatho gepangelo kehe ethimbo. Ngele we mu mono pombelewa ongele owala a pumbwa oombaapila dhe nenge dhaanona ye dhi shainwe. Oku li omutsi gwomukumo kuyakwawo yalwe mboka taya lumbu nomaulema naamboka kaye na omaulema ihe oye shi wete oshidhigu okwiilongela,” Utoni a popi.
Haufiku okwa popi kutya ota galikana opo oyana ya pite nawa mooskola, yo ya vule okukala nonakuyiwa yi li nawa.
Okwa popi kutya osheeli she osha mana ondondo onti 12 omvula ya piti ihe inashi mona iitsa ya gwana okuya kiiputudhilo yopombamda. Ngoka a landula osheeli okuli mondondo onti 10.
Okwa tsikile kutya aanona ye mboka ohaya mono omayambidhidho giiyemo yokomwedhi okuza kepangelo na okwa pandula keyambidhidho ndyoka.
Okwa pandua kutya nonando iimaliwa mbyoka kayi shi oyindji otayi kwathele aanona moompumbwe dhoskola. Okwa pandula woo aashinda she mboka haye mu pe omakwatho unene mokulonga epya lye.
ILENI NANDJATO
Comments
Namibian Sun
No comments have been left on this article