Kaye na shoka taya tyapula mEsiku lyOkanona OkaAfrika
Uunona uwali wuumati uumwayinathana mboka hawu zi molukanda Okahandja Park mOvenduka, kawu na sha oshindji okutyapula Esiku lyOkanona OkaAfrika omolwa onkalo yoluhepo nondjala moka tawu lumbu.
Oshifokundaneki shoNamibian Sun, osha adha uunona mboka uwali wa loloka na owa sa ondjala wa tegelela he a galuke opo a vule okupatulula ombashu yawo moka haya zi.
Yina okwa hulitha omwedhi Desemba gwomvula ya piti, nokuyathigila he pamwe na nayinakulu omukokele.
Uunona mboka ohawu zi pamwe nahe, ihe ohawu ka konga okulya kuyinakulu.
Pahapu dhokanona hoka okakuluntu koomvula 10, edhina lyakoJoseph* (kali shi edhina lyoshili) oka popi kutya he ohaka uhala koondingosho na oha galukile owala megumbo uusiku.
Okamwayina kaJoseph oke na oomvula omugoyi.
“Ngele otwe mu lombwele kutya otwa sa ondjala ohetu dhenge nokutu lombwela tu ka lale. Ihe tu landele nando omboloto. Ihe tu pulakene ngele tatu mu lombwele kutya inatu lya sha esiku alihe,” Joseph a popi.
Yinakulu gwoomvula 65 okwa popi kutya naye okuli mompumbwe molwaashoka oha sile nale oshisho aanona ye mboka kaayena iilonga oshowo aatekulu ye yalwe yahamano, nonando oha kwata owala openzela.
“Ohaye ya mpaka ongula potundi onti 07:30, ya sa ondjala na otaya lili. Pethimbo ndyoka oya pumbwa okukala ye li koskola na itaya konkola andola pomweelo gwandje. Onda kambadhala okukonga aantu mboka taya vulu okuya kutha po nokuya sila oshisho ihe kape na ngoka a hala okuya kutha po molwaashoka ohaya yi koskola,” omukokele ngoka a popi.
Pahapu dhomukokele ngoka, he oha kala e li kohi yodhungo kehe ethimbo na ohey amonitha iihuna.
“ Nando ongashiingeyi oto mu a dha puyimwe yomoondingosho, iha kala megumbo, ngele aanona taye mu kongo. Ohaya isile oshisho yoyene.”
Oshifokundneki shoNamibian Sun, osha adha he yuunona mboka, ngoka iitumbula kedhina kutya oye Dolam, puyimwe yomoondingosho, tadhi adhika popepi nombashu yawo.
Okwa tindi kutya okuna ondjo yasha nenge ota ningi oshinima sha puka.
“Uunona mboka ohawu li. Ohandi kwashilipaleke kutya aluhe owa lya. Uumati mboka otawu fundju, owu hole okufundja nayi,” omulumentu ngoka a poi.
Okwa popi kutya okwa li e wu lombwele kuyele kutya nawu ye kegumbo opo wu ka lundulule omizalo dhawo.
“Uumati mboka ohawu fundju, nomunambelewa gwezulunkalo okwa popi kutya itawu vulu okukala nayinakulu ngoka ha kwata openzela, nawu kale owala nangame.”
Okanona kamwe oka lombwele yinakulu taka lili kutya inaka hala okukala nahe.
“Omwenyo gwandje oguuvite nayi omolwa onkalo ndjoka, ihe kandi na oshindji shoka tandi vulu okuninga. Ohandi kwashilipaleke kutya oya lya kehe ongulohi, ihe noshimaliwa shooN$250 shoka haya pewa kepangelo inashi gwana molwaashoka oya pumbwa iinima oyindji ngaashi omizalo dhoskola noongaku.”
JEMIMA BEUKES
Yina okwa hulitha omwedhi Desemba gwomvula ya piti, nokuyathigila he pamwe na nayinakulu omukokele.
Uunona mboka ohawu zi pamwe nahe, ihe ohawu ka konga okulya kuyinakulu.
Pahapu dhokanona hoka okakuluntu koomvula 10, edhina lyakoJoseph* (kali shi edhina lyoshili) oka popi kutya he ohaka uhala koondingosho na oha galukile owala megumbo uusiku.
Okamwayina kaJoseph oke na oomvula omugoyi.
“Ngele otwe mu lombwele kutya otwa sa ondjala ohetu dhenge nokutu lombwela tu ka lale. Ihe tu landele nando omboloto. Ihe tu pulakene ngele tatu mu lombwele kutya inatu lya sha esiku alihe,” Joseph a popi.
Yinakulu gwoomvula 65 okwa popi kutya naye okuli mompumbwe molwaashoka oha sile nale oshisho aanona ye mboka kaayena iilonga oshowo aatekulu ye yalwe yahamano, nonando oha kwata owala openzela.
“Ohaye ya mpaka ongula potundi onti 07:30, ya sa ondjala na otaya lili. Pethimbo ndyoka oya pumbwa okukala ye li koskola na itaya konkola andola pomweelo gwandje. Onda kambadhala okukonga aantu mboka taya vulu okuya kutha po nokuya sila oshisho ihe kape na ngoka a hala okuya kutha po molwaashoka ohaya yi koskola,” omukokele ngoka a popi.
Pahapu dhomukokele ngoka, he oha kala e li kohi yodhungo kehe ethimbo na ohey amonitha iihuna.
“ Nando ongashiingeyi oto mu a dha puyimwe yomoondingosho, iha kala megumbo, ngele aanona taye mu kongo. Ohaya isile oshisho yoyene.”
Oshifokundneki shoNamibian Sun, osha adha he yuunona mboka, ngoka iitumbula kedhina kutya oye Dolam, puyimwe yomoondingosho, tadhi adhika popepi nombashu yawo.
Okwa tindi kutya okuna ondjo yasha nenge ota ningi oshinima sha puka.
“Uunona mboka ohawu li. Ohandi kwashilipaleke kutya aluhe owa lya. Uumati mboka otawu fundju, owu hole okufundja nayi,” omulumentu ngoka a poi.
Okwa popi kutya okwa li e wu lombwele kuyele kutya nawu ye kegumbo opo wu ka lundulule omizalo dhawo.
“Uumati mboka ohawu fundju, nomunambelewa gwezulunkalo okwa popi kutya itawu vulu okukala nayinakulu ngoka ha kwata openzela, nawu kale owala nangame.”
Okanona kamwe oka lombwele yinakulu taka lili kutya inaka hala okukala nahe.
“Omwenyo gwandje oguuvite nayi omolwa onkalo ndjoka, ihe kandi na oshindji shoka tandi vulu okuninga. Ohandi kwashilipaleke kutya oya lya kehe ongulohi, ihe noshimaliwa shooN$250 shoka haya pewa kepangelo inashi gwana molwaashoka oya pumbwa iinima oyindji ngaashi omizalo dhoskola noongaku.”
JEMIMA BEUKES
Comments
Namibian Sun
No comments have been left on this article