Kapofi a kunkilile aaningi yomahololomadhilaadhilo gaaheli paveta
Ominista yegameno nuuhepelo oya lombwele aanambelewa yopolisi aape opo ya tambulilwa miilonga kutya otaya tula moshiponga onakuyiwa yawo, ngele oya kala taya kutha ombinga miikwapolotika.
TUYEIMO HAIDULA
ONDANGWA
Minista Frans Kapofi okwa kunkilile AaNamibia kutya opolisi itayi ka sila ohenda aantu mboka taya ningi omahololomadhilaadhilo gaaheli paveta.
Kapofi okwa li ta popi poshituthi shepito lyomadheulo gopolisi mendiki lyoRuben Danger Ashipala Police Training Centre mOndangwa, mEtitano lya piti.
“Otu wete aantu taya iyunganeke opo ya ninge omahololomadhilaadhilo mOvenduka. Iiponokela inayi tegelelwa otayi etitha woo iizemo inayi tegelelwa. Alikana kwashilipalekeni kutya omwa shangitha eningo lyomahololomadhilaadhilo geni nokushininga pamilandu dhoompango dhaNamibia. Inatu hala aantu taya umbilwa konima yomambamba omolwa ekuthombinga miinima inayi pitikwa,” Kapofi a popi.
Omaihumbato gopolisi
Minista okwa lombwele aanambelewa yeli po 685 mboka ya manitha omadheulo gawo guule woomwedhi 12 kutya, Omupresidende Hage Geingob ote ya halele ompolo mokulonga iilonga yawo.
Okwa popi kutya muule woomvula dha piti, opolisi oya kala nokunyanwa unene miikundaneki omolwa omaihumbato omawinayi gaanambelewa yamwepo yopolisi.
Okwa popi kutya aapolisi ngashiingeyi oye na oshinakugwanithwa shokuyamukula gokwaadha omalalakano goshigwana.
“Oshigwana osha tegelela aapolisi ya longe iilonga yawo. Otandi mu tsu omukumo mwaadhe omalalakano goshigwana uuna tamu longo iilonga yeni. Inamu gwila momwigo gwokukala kamu na ko nasha, shoka tashi etitha mukale itamu gwanitha po iilonga yeni, nokulonga owala shampa mu na iilonga.”
Minista okwa popi kutya epondolo lyaapolisi otayi etithwa kekwatathano lyawo noshigwana nokulonga nuudhiginini opo oshigwana shikale she ya inekela. Kapofi okwa popi kutya kape na ehala lyaanambelewa yopolisi mboka taya longele kumwe noongangala. Omukomeho gwopolisi, Sebastian Ndeitunga okwa lombwele anambelelwa mboka kutya otaya wayimine etanga lyopolisi pethimbo mpoka oshilongo sha taalela iipotha oyindji yomiyonena dhopaukashike kookantu. “Shika oshili omukundu omunene. Otashi tu lulumike. Indeni mu shi shi kutya oshigwana otashi lili nokukwashilipaleka kutya otamu longo,” Ndeitunga popi.
Omukomeho gwopolisi okwa kunkilile opo aanambelewa kaya kuthe ombinga momahwahwameko gomahogololo ngoka taga ningwa moshilongo.
Okwa popi kutya ngele oya kuthwa ombinga miikwapolotika nokugama ombinga nena otaya tula moshiponga onakuyiwa yawo mEtanga lyOpolisi.
ONDANGWA
Minista Frans Kapofi okwa kunkilile AaNamibia kutya opolisi itayi ka sila ohenda aantu mboka taya ningi omahololomadhilaadhilo gaaheli paveta.
Kapofi okwa li ta popi poshituthi shepito lyomadheulo gopolisi mendiki lyoRuben Danger Ashipala Police Training Centre mOndangwa, mEtitano lya piti.
“Otu wete aantu taya iyunganeke opo ya ninge omahololomadhilaadhilo mOvenduka. Iiponokela inayi tegelelwa otayi etitha woo iizemo inayi tegelelwa. Alikana kwashilipalekeni kutya omwa shangitha eningo lyomahololomadhilaadhilo geni nokushininga pamilandu dhoompango dhaNamibia. Inatu hala aantu taya umbilwa konima yomambamba omolwa ekuthombinga miinima inayi pitikwa,” Kapofi a popi.
Omaihumbato gopolisi
Minista okwa lombwele aanambelewa yeli po 685 mboka ya manitha omadheulo gawo guule woomwedhi 12 kutya, Omupresidende Hage Geingob ote ya halele ompolo mokulonga iilonga yawo.
Okwa popi kutya muule woomvula dha piti, opolisi oya kala nokunyanwa unene miikundaneki omolwa omaihumbato omawinayi gaanambelewa yamwepo yopolisi.
Okwa popi kutya aapolisi ngashiingeyi oye na oshinakugwanithwa shokuyamukula gokwaadha omalalakano goshigwana.
“Oshigwana osha tegelela aapolisi ya longe iilonga yawo. Otandi mu tsu omukumo mwaadhe omalalakano goshigwana uuna tamu longo iilonga yeni. Inamu gwila momwigo gwokukala kamu na ko nasha, shoka tashi etitha mukale itamu gwanitha po iilonga yeni, nokulonga owala shampa mu na iilonga.”
Minista okwa popi kutya epondolo lyaapolisi otayi etithwa kekwatathano lyawo noshigwana nokulonga nuudhiginini opo oshigwana shikale she ya inekela. Kapofi okwa popi kutya kape na ehala lyaanambelewa yopolisi mboka taya longele kumwe noongangala. Omukomeho gwopolisi, Sebastian Ndeitunga okwa lombwele anambelelwa mboka kutya otaya wayimine etanga lyopolisi pethimbo mpoka oshilongo sha taalela iipotha oyindji yomiyonena dhopaukashike kookantu. “Shika oshili omukundu omunene. Otashi tu lulumike. Indeni mu shi shi kutya oshigwana otashi lili nokukwashilipaleka kutya otamu longo,” Ndeitunga popi.
Omukomeho gwopolisi okwa kunkilile opo aanambelewa kaya kuthe ombinga momahwahwameko gomahogololo ngoka taga ningwa moshilongo.
Okwa popi kutya ngele oya kuthwa ombinga miikwapolotika nokugama ombinga nena otaya tula moshiponga onakuyiwa yawo mEtanga lyOpolisi.
Comments
Namibian Sun
No comments have been left on this article