Kapia a pula a silwe ohenda

Paulus Kapia ngoka a li woo nale amushanga gwewawa lyAanyasha mOngundu yoSwapo, okwa indile a silwe ohenda sho a taalela egeelo lye moshipotha shuulingilingi shoAvid/Social Security Commission moka a monika ondjo.Omukalelipo gwe wopaveta, Sisa Namandje mOmaandaha okwa pula omupanguli Christie Liebenberg opo a gandje egeelo ndyoka tali kuthwa po ihe ina hala Kapia a pewe egeelo lyokuya mondholongo.Kapia pamwe nayakwawo yane otaya gandja oompata dhomaipopilo gawo dhahugunina moshipotha shoka, sha landula sho ya monika ondjo omwedhi gwa piti.Omupanguli Liebenberg okwa mono ondjo melongo lyuulingilingi Kapia, Inez /Gâses oshowo Ralph Blaauw omanga Nico Josea, a monika ondjo moshipotha shuulunga. Omukulukadhi gwaBlaauw, Sharon, okwa monika ondjo wuuhasha.Komanda nale metanga lyegameno Mathias Shiweda oshowo omukomeho nale gwehangano lyoAvid, Otniel Podewiltz inaya monika ondjo.Oompata dhomaipopilo dhahugunina odha tameke mOmaandaha, naKapia okupitila muhahende gwe okwa popi kutya okwa futa nale oshindji moshipotha shoka.Oshilyo nale shopaliamende shoka osha longitha pambambo eithano lyasho, nokuhwahwameka epungulo lyiimaliwa yoSSC ya thika poomiliyona 30 mehangano opo lya totwa lyoAvid Investments, mo 2005. Kapia okwa li omukomeho gwehangano pethimbo epungulo ndyoka lya ningwa koSSC.Konima owala yethimbo efupi sho epungulo ndyoka lya ningwa, iimaliwa ya thika poomiliyona 29.5 oya lundululilwa kehangano lyoNamangol Investments, tali kwatelwa komeho kuJosea. Namandje okwa popi kutya Kapia kali e na elalakano lyokukanitha iimaliwa yoSSC, na okwa gu pevi papolotika omolwa oshipotha shoka.Namandje okwa popi kutya Kapia okwa thiminikwa a ze miilonga onga omupeha minista muAguste gwo 2005, naashoka ekanitho enene.Kapia omvalele yonooli yaNamibia, na okwa valwa momvula yo 1967, na okwa yi muupongekwa mekondjelomanguluko mo1988. MoAngola okwa dheulwa kewawa lyuukwaita lyoSwapo, lyoPeople's Liberation Army of Namibia (Plan). Okwa galukile moshilongo mo 1989 konima owala omanga oshilongo inashi manguluka.Okwa longa onga amushanga gwoSPYL oshowo omunashipundi gwokomitiye yoparliamentary standing committee on foreign affairs, defence and security. Okwa li woo uulikwa onga omukomeho gwoNational Security Commission. “Okwa li omuntu ngoka kuutumba mokomisi yeni yoNational Security Commission, ndjoka yi li oshiputudhilo sha dhigupala omolwa egameno lyoshilongo, mwakwatelwa woo egameno okuza kiimbulula,” Namandje a popi.Namandje okwa tsikile kutya kape na uumbangi mboka tawu holola kutya omuyakulwa gwe okwa longa iimbuluma yoludhi ndoka muue woomvula 13 dha piti.Omaipopilo ga /Gâses, ooBlaauw oshowo Josea okwa tegelelwa ga tsikile.FRED GOEIEMAN

Kapia a pula a silwe ohenda

Comments

Namibian Sun 2025-07-03

Please login to leave a comment

Kapia a pula a silwe ohenda

Comments

Namibian Sun 2025-07-03

Please login to leave a comment

Login