Kamseb ta tyapula efudho lye lyowina
Konima nkene a tulwa mefudho lyowina muKotomba gwo 2016, Omunambelewa gwoChief Regional Officer (CRO) melelo lyoshitopolwa shaKunene onkene ta mono ondjambi ye nomauwanawa ge guudha.
George Kamseb natango okuli mefudho lyowina uule woomvula mbali monena, nangashiingeyi okwa tokola okuninga omunafaalama.
Omunambelewa ngoka ota ningiwa omakonaakono kuuministeli womayambulepo giitopolwa noondolopa. Minista Peya Mushelenga okwa lombwele oNamibian Sun, oshiwike sha piti kutya oya gandja olopota yawo oshowo omagwedhelepo kelelo lyoshitopolwa na oya tegelela eyamukulo.
“Oshili oshoka kutya otwa ninga omakonaakono kombinga yiikumungu yayooloka melelo lyaKunene na otwa gandja olopota kelelo ndyoka momasiku gaali gaMalitsa opo li ninge omatokolo. Natango otwa tegelela omayamukulo kombinga yomatokolo ngoka ga ningwa. Omakonakono ngoka oga ningwa kongundu yaayalulimambo giiiyemo nongundu ndjoka oya yi yoyene yi ka gandje olopota kelelo lyoshitopolwa,” Mushelenga a popi.
Ngoloneya gwoshitopolwa shaKunene, Marius Sheya okwa koleke kutya elelo lyoshitopolwa olya yakula olopota ndjoka ihe ina gandja uuyelele kutya omatokolo geni ga kuthwa.
“Oshikumungu shoka otashi ungaungiwa nasho kiilyo mbyoka yi li oshitopolwa, na itatu vulu okupopya kombinga yoshikumungu shoka miikundaneki. Elelo lyoshitopolwa otali kwatele komeho oshikumungu na otu na omukumo kutya pehulilo otaku ka monika iizemo iiwanawa opo iinima yi kale ngaashi ya kala,” Sheya a popi.
Kamseb okwa lombwele oNamibian Sun kutya ye ota tyapula efudho lyowina ndyoka a pewa kelelo lyoshitopolwa muKotomba gwo 2016, na okwa yelitha kutya ina kuthwa miilonga.
Onzo yimwe oya lombwele oNamibian Sun kutya konima sho omakonaaakono ngoka ga manithwa, Kamseb okwa li a pewa elombwelo opo iilopote kiilonga. Okwa tindi okushuna kiilonga omanga ina pewa omatompelo kutya oshike sha li she mu tulitha mefudho. Konima sho a zi miilonga uule womvula noomwedhi heyali, Kamseb okwa ningi omunafaalama okuudha.
Okwa popi kutya konima sho a thigi po ombelewa ina lombwelwa sha pambaapila kelelo lyoshitopolwa.
“Inandi tidhwa miilonga ihe onda tulwa mefudho. Onda tegelela natango opo nduuve okuza kuyo, sigo ongashiingeyi itandi longo,” Kamseb a popi.
Momasiku 19 gaKotomba 2016, elelo lyoshitopolwa shaKunene olya gandja omukanda ngoka gwa pula Kamseb a ye mefudho sigo ongele a lombwelwa a shune miilonga, ihe ekutho lye miilonga olya hololwa koPublic Service Commission (PSC) uule woomwedhi mbali lwanima kutya kali li mondjila.
Omunashipundi gwoPSC, Marcus Kampungu okwa popi kutya: “Otwa yakula eindilo okuza koshitopolwa shaKunene muNovemba gwo 2016, konima yomwedhi gumwe sho ya kutha nale Kamseb miilonga, otwa tindi eindilo ndyoka. Kutse opo wu kuthe omuntu miilonga na pu kale pe na uumbangi kutya omuntu ngoka ota vulu okuya moshipala omakonaakono, ihe meindilo lyawo ka mwa li uumbangi,” Kampungu a popi.
Okwa gwedha po kutya oya gandja omayele opo ya ningile Kamseb omakonaakono omanga e li miilonga ihe inaye ya galukila we.
Kamseb okwa li aniwa a kuthwa miilonga, sho a ndopa okugandja omukanda gwokondalaka ye yiilonga kelelo lyoshitopolwa.
ILENI NANDJATO
Omunambelewa ngoka ota ningiwa omakonaakono kuuministeli womayambulepo giitopolwa noondolopa. Minista Peya Mushelenga okwa lombwele oNamibian Sun, oshiwike sha piti kutya oya gandja olopota yawo oshowo omagwedhelepo kelelo lyoshitopolwa na oya tegelela eyamukulo.
“Oshili oshoka kutya otwa ninga omakonaakono kombinga yiikumungu yayooloka melelo lyaKunene na otwa gandja olopota kelelo ndyoka momasiku gaali gaMalitsa opo li ninge omatokolo. Natango otwa tegelela omayamukulo kombinga yomatokolo ngoka ga ningwa. Omakonakono ngoka oga ningwa kongundu yaayalulimambo giiiyemo nongundu ndjoka oya yi yoyene yi ka gandje olopota kelelo lyoshitopolwa,” Mushelenga a popi.
Ngoloneya gwoshitopolwa shaKunene, Marius Sheya okwa koleke kutya elelo lyoshitopolwa olya yakula olopota ndjoka ihe ina gandja uuyelele kutya omatokolo geni ga kuthwa.
“Oshikumungu shoka otashi ungaungiwa nasho kiilyo mbyoka yi li oshitopolwa, na itatu vulu okupopya kombinga yoshikumungu shoka miikundaneki. Elelo lyoshitopolwa otali kwatele komeho oshikumungu na otu na omukumo kutya pehulilo otaku ka monika iizemo iiwanawa opo iinima yi kale ngaashi ya kala,” Sheya a popi.
Kamseb okwa lombwele oNamibian Sun kutya ye ota tyapula efudho lyowina ndyoka a pewa kelelo lyoshitopolwa muKotomba gwo 2016, na okwa yelitha kutya ina kuthwa miilonga.
Onzo yimwe oya lombwele oNamibian Sun kutya konima sho omakonaaakono ngoka ga manithwa, Kamseb okwa li a pewa elombwelo opo iilopote kiilonga. Okwa tindi okushuna kiilonga omanga ina pewa omatompelo kutya oshike sha li she mu tulitha mefudho. Konima sho a zi miilonga uule womvula noomwedhi heyali, Kamseb okwa ningi omunafaalama okuudha.
Okwa popi kutya konima sho a thigi po ombelewa ina lombwelwa sha pambaapila kelelo lyoshitopolwa.
“Inandi tidhwa miilonga ihe onda tulwa mefudho. Onda tegelela natango opo nduuve okuza kuyo, sigo ongashiingeyi itandi longo,” Kamseb a popi.
Momasiku 19 gaKotomba 2016, elelo lyoshitopolwa shaKunene olya gandja omukanda ngoka gwa pula Kamseb a ye mefudho sigo ongele a lombwelwa a shune miilonga, ihe ekutho lye miilonga olya hololwa koPublic Service Commission (PSC) uule woomwedhi mbali lwanima kutya kali li mondjila.
Omunashipundi gwoPSC, Marcus Kampungu okwa popi kutya: “Otwa yakula eindilo okuza koshitopolwa shaKunene muNovemba gwo 2016, konima yomwedhi gumwe sho ya kutha nale Kamseb miilonga, otwa tindi eindilo ndyoka. Kutse opo wu kuthe omuntu miilonga na pu kale pe na uumbangi kutya omuntu ngoka ota vulu okuya moshipala omakonaakono, ihe meindilo lyawo ka mwa li uumbangi,” Kampungu a popi.
Okwa gwedha po kutya oya gandja omayele opo ya ningile Kamseb omakonaakono omanga e li miilonga ihe inaye ya galukila we.
Kamseb okwa li aniwa a kuthwa miilonga, sho a ndopa okugandja omukanda gwokondalaka ye yiilonga kelelo lyoshitopolwa.
ILENI NANDJATO
Comments
Namibian Sun
No comments have been left on this article