Kambwa a nyenyeta ekengelelo lyookastoma
Omunangeshefa gwomonooli yoshilongo okwa nyenyeta kutya ookastoma otadhi hepekwa unene kaanangeshefa aazaizai mboka haya landitha iilandithomwa yiikengelela nokukengelea ookastoma.
Omunangeshefa a tseyika nawa monooli yoshilongo, David 'Kambwa' Sheehama okwa popi kutya aanangeshefa unene aazaizai otaya landitha ookastoma moNamibia, iilongomwa ya pakululwa nokutulwa iilimbo yilwe oshowo ookastoma otadhi landa iinima yi na uuyelele wa puka unene ongushu noondjundo dhiilandomwa.
Sheehama, ngoka e li mwene goostola dhiitungitho dhedhina Kambwa Trading, ota yambidhidhwa koNamibia Chamber of Commerce and Industry (NCCI) moshitayi shomonooli, ndjoka tayi pula opo ku endelelwe memanitho lyompango yoConsumer Protection Act, opo ku hwahwameke omalandithilo negandjo lyomayakulo geli pauyuuki.
Emanitho lyompango ndjoka otali ka etitha woo egameno lyaalandi nomilandu dhomauyelele gaalandi ndhoka tadhi ka indika eningo lyoongeshefa kadhi li pauyuuki nokweetitha etotepo lyoNational Consumer Commission.
Sheehama okwa popi kutya omaihumbato ngoka taga ningilwa aalandi otaga ningwa miipathi yoNamibia Standard Institute (NSI) oshowo Namibia Competition Commission (NaCC).
“Oshiholelwa ongaashi, oongeshefa dhaazaizai tadhi landitha oondhalate yuule woometa 50, ihe ngele omulandi okwa landa ondhalaye ndjoka otaka mona kutya oyi na owala uule woometa 45 nenge ehemele lyopainda yoolita 25, ihe mehemele moka omu na owala opainda yoolita 20. Ethimbo limwe ohaya pakulula woo iilandomwa nokuyi tula iilombo yilwe, nokuyi ninga ombiliha.” Pahapu dhaKambwa, aalandi mboka otaya e ta po omudhingoloko gwethigathano lyokangeshefa kali li pauyuuki paku landitha iilandithomwa yawo kombiliha nokunana ookastoma odhindji, omanga omathimbo gamwe taya landitha iinima yawo momukalo gokukengelela.
Okwa popi kutya aakondololi yonklao ndjoka kaye na shoka taya ningi nonando omukalo ngoka gwaaheli pauyuuki otagu lopotwa. Omunangeshefa ngoka okwa tsikile kutya onkalo ndjoka otayi hwahwamekwa sho Namibia ke na oshuputudhilo shoka shi na oshinakugwanithwa shokukondolola ongushu yiinima.
Omunashipndi gwoNCCI monooli yoshilongo, Tomas Koneka Iindji okwa lombwele Namibian Sun kutya omanyenyeto gaSheehama oge li mondjila na oya lopotelwa omanyenyeto ga faathana muule woomvula dha piti.
Okwa popi kutya okwa tseyithila omanyenyeto ngoka oNamibia Trade Forum, ndjoka tayi kwatele komeho oNamibia Retail Sector Charter (NRSC) oshowo NSI noNaCC.
“KoNCCI otu wete kutya omenyenyeto ngoka oge li mondjila. Otwa kala tatu kondjitha etulo miilonga lyegameno lyoongeshefa opo ku yandwe omaihumbato ngoka guulingilingi mongeshefa. Omukalo gwokugandja iilandithomwa ya puka kaalandi kagu li mondjila molwaashoka pehulilo lyesiku, aalandi taya mono iihuna.Otatu indile aatoti yoompango ya endelele opo ku manithwe etulo miilonga lyompango yegameno lyaalandi ndjoka tayi ka kondopeka aalandi ya vule okuninga omanyenyeto kombinga yomayakulo gankundipala ngoka taya pewa, omanga natango taku hwahwamekwa onkalo yopangeshefa yi li pauyuuki,” Iindji ta popi.
Iindji okwa popi kutya egameno lyaalandi olya pumbiwa, na itali pumbiaa owala okuza kaalandithi aazaizai ihe nokaalandithi woo yomoshilongo.
Iindji okwa tsu omukumo aanangeshefa ya wayimine oNCCI, molwaashoka shoka otashi kala nokugandja ompito ombwaanawa yokuhwahwameka omilandu, eyambulepo lyeliko oshowo okukondopeka oongeshfa dhaavalelwa mo. Iindji okwa tsikile kutya enkondopeko lyaanangeshefa moshilongo, otali kondopeke eliko, otali gandja nokweeta po oompito dhiilonga mokati kaakwashigwana nokutula eliko lyoshilongo pamuthika gwopaigwana.
Okwa tsikile kutya sho ondjele yaalandi tayi londo pombanda moshilongo, aanangeshefa oya pumbwa okukwashilipaleka kutya otaya vulu tuu okuthitika omwaka goompumbwe yaalandi, opo aalandi kaya ye pondje yoongamba taya kongo iipumbiwa molwaashoka oongeshefa moshilongo itadhi vulu okuthitika omwaka gwompumbwe. Omupopiliko gwoNSI, Joanette Eises kwa popi kutya ehangano lyawo otali ka yamukula muule woshiwike shika. “Ngaashi twa popi pankundathana dhetu dhopangodhi, NSI ote ke ku pa eyamukulo muule woshiwike shika. Ope na aakuthimbinga oyendji mboka taya dhana onkandangala mekalekepo lyongushu yiilandithomwa. Otandi ku pe omayele wu ninge ekwatathano nelelo lyondoolopa opo wu mone uuyelele owundji kombinga yegwanithepo lyomilandu dhongushu yiilandithomwa.”
NaCC ina yamukula omapulo ngoka a ningilwa koshifokundaneki shika, pethimbo onkundana ndjika ya nyanyangidhwa.
ILENI NANDJATO
Sheehama, ngoka e li mwene goostola dhiitungitho dhedhina Kambwa Trading, ota yambidhidhwa koNamibia Chamber of Commerce and Industry (NCCI) moshitayi shomonooli, ndjoka tayi pula opo ku endelelwe memanitho lyompango yoConsumer Protection Act, opo ku hwahwameke omalandithilo negandjo lyomayakulo geli pauyuuki.
Emanitho lyompango ndjoka otali ka etitha woo egameno lyaalandi nomilandu dhomauyelele gaalandi ndhoka tadhi ka indika eningo lyoongeshefa kadhi li pauyuuki nokweetitha etotepo lyoNational Consumer Commission.
Sheehama okwa popi kutya omaihumbato ngoka taga ningilwa aalandi otaga ningwa miipathi yoNamibia Standard Institute (NSI) oshowo Namibia Competition Commission (NaCC).
“Oshiholelwa ongaashi, oongeshefa dhaazaizai tadhi landitha oondhalate yuule woometa 50, ihe ngele omulandi okwa landa ondhalaye ndjoka otaka mona kutya oyi na owala uule woometa 45 nenge ehemele lyopainda yoolita 25, ihe mehemele moka omu na owala opainda yoolita 20. Ethimbo limwe ohaya pakulula woo iilandomwa nokuyi tula iilombo yilwe, nokuyi ninga ombiliha.” Pahapu dhaKambwa, aalandi mboka otaya e ta po omudhingoloko gwethigathano lyokangeshefa kali li pauyuuki paku landitha iilandithomwa yawo kombiliha nokunana ookastoma odhindji, omanga omathimbo gamwe taya landitha iinima yawo momukalo gokukengelela.
Okwa popi kutya aakondololi yonklao ndjoka kaye na shoka taya ningi nonando omukalo ngoka gwaaheli pauyuuki otagu lopotwa. Omunangeshefa ngoka okwa tsikile kutya onkalo ndjoka otayi hwahwamekwa sho Namibia ke na oshuputudhilo shoka shi na oshinakugwanithwa shokukondolola ongushu yiinima.
Omunashipndi gwoNCCI monooli yoshilongo, Tomas Koneka Iindji okwa lombwele Namibian Sun kutya omanyenyeto gaSheehama oge li mondjila na oya lopotelwa omanyenyeto ga faathana muule woomvula dha piti.
Okwa popi kutya okwa tseyithila omanyenyeto ngoka oNamibia Trade Forum, ndjoka tayi kwatele komeho oNamibia Retail Sector Charter (NRSC) oshowo NSI noNaCC.
“KoNCCI otu wete kutya omenyenyeto ngoka oge li mondjila. Otwa kala tatu kondjitha etulo miilonga lyegameno lyoongeshefa opo ku yandwe omaihumbato ngoka guulingilingi mongeshefa. Omukalo gwokugandja iilandithomwa ya puka kaalandi kagu li mondjila molwaashoka pehulilo lyesiku, aalandi taya mono iihuna.Otatu indile aatoti yoompango ya endelele opo ku manithwe etulo miilonga lyompango yegameno lyaalandi ndjoka tayi ka kondopeka aalandi ya vule okuninga omanyenyeto kombinga yomayakulo gankundipala ngoka taya pewa, omanga natango taku hwahwamekwa onkalo yopangeshefa yi li pauyuuki,” Iindji ta popi.
Iindji okwa popi kutya egameno lyaalandi olya pumbiwa, na itali pumbiaa owala okuza kaalandithi aazaizai ihe nokaalandithi woo yomoshilongo.
Iindji okwa tsu omukumo aanangeshefa ya wayimine oNCCI, molwaashoka shoka otashi kala nokugandja ompito ombwaanawa yokuhwahwameka omilandu, eyambulepo lyeliko oshowo okukondopeka oongeshfa dhaavalelwa mo. Iindji okwa tsikile kutya enkondopeko lyaanangeshefa moshilongo, otali kondopeke eliko, otali gandja nokweeta po oompito dhiilonga mokati kaakwashigwana nokutula eliko lyoshilongo pamuthika gwopaigwana.
Okwa tsikile kutya sho ondjele yaalandi tayi londo pombanda moshilongo, aanangeshefa oya pumbwa okukwashilipaleka kutya otaya vulu tuu okuthitika omwaka goompumbwe yaalandi, opo aalandi kaya ye pondje yoongamba taya kongo iipumbiwa molwaashoka oongeshefa moshilongo itadhi vulu okuthitika omwaka gwompumbwe. Omupopiliko gwoNSI, Joanette Eises kwa popi kutya ehangano lyawo otali ka yamukula muule woshiwike shika. “Ngaashi twa popi pankundathana dhetu dhopangodhi, NSI ote ke ku pa eyamukulo muule woshiwike shika. Ope na aakuthimbinga oyendji mboka taya dhana onkandangala mekalekepo lyongushu yiilandithomwa. Otandi ku pe omayele wu ninge ekwatathano nelelo lyondoolopa opo wu mone uuyelele owundji kombinga yegwanithepo lyomilandu dhongushu yiilandithomwa.”
NaCC ina yamukula omapulo ngoka a ningilwa koshifokundaneki shika, pethimbo onkundana ndjika ya nyanyangidhwa.
ILENI NANDJATO
Comments
Namibian Sun
No comments have been left on this article