‘Kalunga okwa popya’
JEMIMA BEUKES
Katrina Hanse-Himarwa, ngoka epangelo lya li lya hala a pewe egeelo lyodholongo okwa hupu sho a pewa a fute oshimaliwa shooN$50 000 nenge oomwedhi 24 modholongo.
Omupanguli mompangu yoPombanda, Christie Liebenberg okwa gandja egeelo kominista nale yelongo, yi fute nenge yi kale modholongo uule woomwedhi 24. Ompangulilo ndjoka oya li yuudha aayambidhidhi yaHanse-Himarwa.
Konima oya kala taya ndanisa momapandanda taya tyapula egeelo ndyoka lya gandjwa.
A zala ohema ontokoleke oshowo oshikayiwa, Hanse-Himarwa okwiimemeha sho omupanguli a tseyitha egeelo lye.
Yina Aletta Hanse, omusamane gwe, Ghenno Himarwa, oshowo omunashipundi gwoNational Council, Margaret Mensah pamwe naayambidhidhi ye yalwe oya li pooha dhe.
Omusamane gwe okwe ya mompangulilo a humbata shoka tashi monika sha fa okandjato kiimaliwa kombaanga okatokele omanga omukulukadhi gwe a tegelelwa kaayambidhidhi ye ta shaina oombaapila dhompangu.
Omulanduli gwaHanse-Himarwa, onga ngoloneya gwaHardap, Esme Isaak, okwa li a hala okulila pondje yompangu, ta pandula Kalunga omolwa egeelo li li pauyuuki.
Iiwike itatu ya piti, momasiku 8 gaJuli, Omupanguli Liebenberg okwa mono ondjo omunamimvo 52, omunapolotika omolwa okulongitha ombelewa ye pambambo muulingilingi.
Shoka osha li pethimbo sho a li ngoloneya gwoshitopolwa shaHardap, moka a longitha oonkondo dhe dhopambelewa nokugandja elombwele opo ku lundululwe omadhina gaantu yaali okuza momusholondondo gwopoloyeka yoMass Housing moMariental naantu mboka okwe ya pingenepo naakwanezimo ye yaali.
“Mboka ya popi iinima oyindji nokugandja elombwelo kompangu opo a tulwe modholongo, oya ndopa,” Isak a popi.
“Kalunga okwa popya,” aayambidhidhi ye ya popi.
Gumwe gwomaayambidhidhi ye, Petrina Tiboth, okwa popi kutya okwa pandula Kalunga molwaashoka okwa pata ontopolwa ndjoka yaHanse-Himarwa.
Ominista nale yiipambele yuuthikepamwe, Marlene Mungunda naye okwa pandula Kalunga.
Pethimbo a gandja egeelo, omupanguli Liebenberg okwa popi kutya oshipotha shaHanse-Himarwa, osha yooloka kiipotha iikwawo moka iimaliwa yomiyalu ominene ya kana.
Okwa popi kutya nonando uulingilingi awuhe owa faathana okwa popi kutya shika osha yooloka kashona molwaashoka omutamanekwa ina mona uuwanawa okuza moshimbuluma shoka.
Omupanguli okwa gandja oshiholelwa shoshipotha moka omunambelewa gwopolisi a tulwa miipandeko nokupewa egeelo sho a taamba ombumbo yoshimaliwa shooN$500, omanga a li ta longele peinda lyondjila.
Omunambelewa ngoka okwa longitha pambambo oonkondo dhe dhiilonga nokuningila omatilitho omuhingi opo e mu fute nenge a pewe egeelo.
Okwa popi kutya pankatu ndjoka omunambelewa ita pewa ompito a vule okufuta na ota pewa owala egeelo lyokuya modholongo.
Amushanga gwewawa lyaanyasha mongundu yoPopular Democratic Movement Youth League (PDMYL) Bensen Katjirijova okwa popi kutya oshipotha shoka osha holola kutya kape na ngoka e li pombanda yoveta.
Nonando ongaaka okwa popi kutya Omutumba gwoPashigwana itagu vulu okukala tagu tsikile nokukaleka oongangala okuza kongundu yoSwapo.
Okwa popi kutya ongundu yoSwapo nayi ninge shoka shi li mondjila nokukutha mo momutumba ayehe mboka ya monika ondjo miipotha molwaashoka omutumba ngoka, ogwa simana noonkondo sho gu li egumbo lyokutotela ooveta na kashi li mondjila gu kale naamboka taya pogola ooveta.
Amushanga ndjai gwoSwapo, Sophia Shaningwa okwa tindi okutya sha.
Kwiikwatelelwa kontopolwa onti 47 yEkotampango lyaNamibia, oshilyo shomutumba gwopashigwana otashi kuthwamo momutumba ngele sha monika ondjo nokupewa egeelo li vulithe poomwedhi 12.
Katrina Hanse-Himarwa, ngoka epangelo lya li lya hala a pewe egeelo lyodholongo okwa hupu sho a pewa a fute oshimaliwa shooN$50 000 nenge oomwedhi 24 modholongo.
Omupanguli mompangu yoPombanda, Christie Liebenberg okwa gandja egeelo kominista nale yelongo, yi fute nenge yi kale modholongo uule woomwedhi 24. Ompangulilo ndjoka oya li yuudha aayambidhidhi yaHanse-Himarwa.
Konima oya kala taya ndanisa momapandanda taya tyapula egeelo ndyoka lya gandjwa.
A zala ohema ontokoleke oshowo oshikayiwa, Hanse-Himarwa okwiimemeha sho omupanguli a tseyitha egeelo lye.
Yina Aletta Hanse, omusamane gwe, Ghenno Himarwa, oshowo omunashipundi gwoNational Council, Margaret Mensah pamwe naayambidhidhi ye yalwe oya li pooha dhe.
Omusamane gwe okwe ya mompangulilo a humbata shoka tashi monika sha fa okandjato kiimaliwa kombaanga okatokele omanga omukulukadhi gwe a tegelelwa kaayambidhidhi ye ta shaina oombaapila dhompangu.
Omulanduli gwaHanse-Himarwa, onga ngoloneya gwaHardap, Esme Isaak, okwa li a hala okulila pondje yompangu, ta pandula Kalunga omolwa egeelo li li pauyuuki.
Iiwike itatu ya piti, momasiku 8 gaJuli, Omupanguli Liebenberg okwa mono ondjo omunamimvo 52, omunapolotika omolwa okulongitha ombelewa ye pambambo muulingilingi.
Shoka osha li pethimbo sho a li ngoloneya gwoshitopolwa shaHardap, moka a longitha oonkondo dhe dhopambelewa nokugandja elombwele opo ku lundululwe omadhina gaantu yaali okuza momusholondondo gwopoloyeka yoMass Housing moMariental naantu mboka okwe ya pingenepo naakwanezimo ye yaali.
“Mboka ya popi iinima oyindji nokugandja elombwelo kompangu opo a tulwe modholongo, oya ndopa,” Isak a popi.
“Kalunga okwa popya,” aayambidhidhi ye ya popi.
Gumwe gwomaayambidhidhi ye, Petrina Tiboth, okwa popi kutya okwa pandula Kalunga molwaashoka okwa pata ontopolwa ndjoka yaHanse-Himarwa.
Ominista nale yiipambele yuuthikepamwe, Marlene Mungunda naye okwa pandula Kalunga.
Pethimbo a gandja egeelo, omupanguli Liebenberg okwa popi kutya oshipotha shaHanse-Himarwa, osha yooloka kiipotha iikwawo moka iimaliwa yomiyalu ominene ya kana.
Okwa popi kutya nonando uulingilingi awuhe owa faathana okwa popi kutya shika osha yooloka kashona molwaashoka omutamanekwa ina mona uuwanawa okuza moshimbuluma shoka.
Omupanguli okwa gandja oshiholelwa shoshipotha moka omunambelewa gwopolisi a tulwa miipandeko nokupewa egeelo sho a taamba ombumbo yoshimaliwa shooN$500, omanga a li ta longele peinda lyondjila.
Omunambelewa ngoka okwa longitha pambambo oonkondo dhe dhiilonga nokuningila omatilitho omuhingi opo e mu fute nenge a pewe egeelo.
Okwa popi kutya pankatu ndjoka omunambelewa ita pewa ompito a vule okufuta na ota pewa owala egeelo lyokuya modholongo.
Amushanga gwewawa lyaanyasha mongundu yoPopular Democratic Movement Youth League (PDMYL) Bensen Katjirijova okwa popi kutya oshipotha shoka osha holola kutya kape na ngoka e li pombanda yoveta.
Nonando ongaaka okwa popi kutya Omutumba gwoPashigwana itagu vulu okukala tagu tsikile nokukaleka oongangala okuza kongundu yoSwapo.
Okwa popi kutya ongundu yoSwapo nayi ninge shoka shi li mondjila nokukutha mo momutumba ayehe mboka ya monika ondjo miipotha molwaashoka omutumba ngoka, ogwa simana noonkondo sho gu li egumbo lyokutotela ooveta na kashi li mondjila gu kale naamboka taya pogola ooveta.
Amushanga ndjai gwoSwapo, Sophia Shaningwa okwa tindi okutya sha.
Kwiikwatelelwa kontopolwa onti 47 yEkotampango lyaNamibia, oshilyo shomutumba gwopashigwana otashi kuthwamo momutumba ngele sha monika ondjo nokupewa egeelo li vulithe poomwedhi 12.
Comments
Namibian Sun
No comments have been left on this article