Kaleni kokule noLPM, SPYL a londodha
Ewawa lyaanyasha mOngundu yoSwapo, olya popi kutya elelo lyongundu ndjoka olya gandja ehala lya gwana kiilyo opo yi vule okukundathana iipambele yoshigwana.
Elelo lyaanyasha yoSwapo moshitopolwa shaKunene olya kunkilile iilyo yawo opo kayi kuthe ombinga momutumba gwoLandless People’s Movement (LPM) ngoka tagu ningilwa moKhorixas ongula.
Amushanga gwewawa ndyoka moshitopolwa shoka, Ronnie Mutrifa okwa popi kutya ekotampango lyaSwapo lya gandja uuthemba kiilyo opo yi kuthe ombinga momitumba dha yooloka dhongundu yawo nokukundathana omaupyakadhi kehe.
“Pehala lyelelo lyongundu yetu onda hala okutseyithilwa iilyo yetu opo kayi kuthe ombinga nokukala pomutumba ngoka tagu ningwa koLPM, molwaashoka ekotampango lyetu otali utha oompito odhindji ndhoka iilyo tayi vulu okulongitha mokukundathana iinina yonkalathano, eliko nopolotika mokati koshigwana shetu,” Mutrifa ta ti.
Okwa popi kutya nonando omahwahwameko gamwe ngoka oge na iilyo yoSwapo, okwa popi kutya kape na limwe lyomohwahwameko ngoka ngaashi LPM nenge Affirmative Repositioning (AR) taga kwatakanithwa nongundu tayi pangele.
Mutrifa okwa popi kutya aaleli yomahwahwameko ngaka mboka taya ipopi kutya oyeli iilyo yoSwapo oya pumbwa okwiikutha mo mongundu nenge ya tidhwemo molwaashoka itaya tsu kumwe nekotampango lyongundu.
Okwa tsikile kutya epangelo lyoSwapo, oli na ontseyo kombinga yomukundu gwevi moshilongo na otali kondjo nuudhiginini okukandulapo omukundu nguka.
Okwa gwedha po opo iilyo yoSwapo yiilongekidhile omutumba gwevi omutiyali ngoka tagu kaningwa moshilongo ihe inaya pukithwa kwaamboka taya kwatele komeho omahwahwameko ngaka.
Mutrifa okwa pula woo iilyo yawo yi yambidhidhe omupresidende Hage Geingob.
Paul Thomas gwoLPM okwa popi kutya omapopyo gaMutrifa otaga holola kutya LPM ongundu yopolotika ihe yo kaye shi ongundu yopolotika.
“Tse ehwahwameko owala lya kwatelamo aantu ayehe mboka yahala okukondjitha onkalo yokwaahena evi moshilongo,” Thomas ta ti.
Omuleli nale gwoUnited Democratic Front (UDF) Justus Garoëb oye ta ka kala omupopi a simana poshigongi shoLPM shoka tashi ningilwa ngula moKhorixas nomupevi minista nale gwOmavi, Bernadus Swartbooi, otaka popya poshigongi shoka.
CATHERINE SASMAN
Elelo lyaanyasha yoSwapo moshitopolwa shaKunene olya kunkilile iilyo yawo opo kayi kuthe ombinga momutumba gwoLandless People’s Movement (LPM) ngoka tagu ningilwa moKhorixas ongula.
Amushanga gwewawa ndyoka moshitopolwa shoka, Ronnie Mutrifa okwa popi kutya ekotampango lyaSwapo lya gandja uuthemba kiilyo opo yi kuthe ombinga momitumba dha yooloka dhongundu yawo nokukundathana omaupyakadhi kehe.
“Pehala lyelelo lyongundu yetu onda hala okutseyithilwa iilyo yetu opo kayi kuthe ombinga nokukala pomutumba ngoka tagu ningwa koLPM, molwaashoka ekotampango lyetu otali utha oompito odhindji ndhoka iilyo tayi vulu okulongitha mokukundathana iinina yonkalathano, eliko nopolotika mokati koshigwana shetu,” Mutrifa ta ti.
Okwa popi kutya nonando omahwahwameko gamwe ngoka oge na iilyo yoSwapo, okwa popi kutya kape na limwe lyomohwahwameko ngoka ngaashi LPM nenge Affirmative Repositioning (AR) taga kwatakanithwa nongundu tayi pangele.
Mutrifa okwa popi kutya aaleli yomahwahwameko ngaka mboka taya ipopi kutya oyeli iilyo yoSwapo oya pumbwa okwiikutha mo mongundu nenge ya tidhwemo molwaashoka itaya tsu kumwe nekotampango lyongundu.
Okwa tsikile kutya epangelo lyoSwapo, oli na ontseyo kombinga yomukundu gwevi moshilongo na otali kondjo nuudhiginini okukandulapo omukundu nguka.
Okwa gwedha po opo iilyo yoSwapo yiilongekidhile omutumba gwevi omutiyali ngoka tagu kaningwa moshilongo ihe inaya pukithwa kwaamboka taya kwatele komeho omahwahwameko ngaka.
Mutrifa okwa pula woo iilyo yawo yi yambidhidhe omupresidende Hage Geingob.
Paul Thomas gwoLPM okwa popi kutya omapopyo gaMutrifa otaga holola kutya LPM ongundu yopolotika ihe yo kaye shi ongundu yopolotika.
“Tse ehwahwameko owala lya kwatelamo aantu ayehe mboka yahala okukondjitha onkalo yokwaahena evi moshilongo,” Thomas ta ti.
Omuleli nale gwoUnited Democratic Front (UDF) Justus Garoëb oye ta ka kala omupopi a simana poshigongi shoLPM shoka tashi ningilwa ngula moKhorixas nomupevi minista nale gwOmavi, Bernadus Swartbooi, otaka popya poshigongi shoka.
CATHERINE SASMAN
Comments
Namibian Sun
No comments have been left on this article