Kaaronda a toto ongundu yopolotika
FESTUS NAKATANA
Omukalelipo gwaaniilonga, Evilastus Kaaronda okwa popi kombinga yohokwe ye okukutha ombinga methigathano lyuupresidende, pethimbo lyomahogololo ngoka taga kalako muNovemba nuumvo.
Pahapu dhaKaaronda elelo lyoshilongo ndyoka li li miilonga ngashiingeyi oli na ko owala nokuyambapaleka oondjato dhawo na kali na ko nokulongela oshigwana.
Okwa popi kutya onkalo yuulingilingi mepangelo oyo ya etitha onkalo yeliko ndjoka oshilongo sha taalela na otayi thiminike epangelo li pule aanashilonga ya gandje oopresenda 2 dhiiyemo yawo komvula.
Pethimbo a popitha aatoolinkundana moKatutura Youth Complex omutenya gwOsoondaha, Kaaronda ngoka ngashiingeyi e li omukomeho gwoNamibia National Labour Organisation (Nanlo), okwa popi kutya epangelo lyaSwapo olya ndopa okukandulapo omaupyakadhi ngoka ga taalela oshigwana, ngaashi okwaahena iilonga nuupyakadhi wevi.
Pahapu dhaKaaronda, aanangeshefa yaNamibia ya taalela onkalo yanayipala mongeshefa nokweetitha epato lyoongeshefa dhawo omolwa aanangeshefa yaChina oshowo yaSouth Afrika mboka ya kwatako eliko lyoshilongo.
“Muule owala woomwedhi 12 nenge oomwedhi odhindji komeho, ngele omiyalu ndhoka dha gandjwa koEmployment Equity Commission odhili mondjila otwa kanitha oompito dhiilonga dhi li po 37 000 nomahangano ngoka ga pata ogAaNamibia kutya omatungo nenge oongeshefa.”
Okwa popi kutya epangelo li li koshipundi itali ningi sha mokukandula po omikundu dhoka molwaashoka olyo lya eta omikundu ndhoka.
“Pehulilo oshili owala mondjila ngele kwa totwa ongundu yopolotika ompe ndjoka tayi kwatelwa komeho kaanashilonga oshowo aanyasha mboka kaye na iilonga moshilongo. Onkalo yopapolotika oyo owala tayi ka popya oshili kombinga yomaiyuvo gaantu,” Kaaronda a popi.
Kaaronda okwa popi kutya ongundu ye tayi ka kala ya pyakudhukwa okukutha ombinga momahogololo ngoka taga ningwa momasiku 27 gaNovemba nuumvo.
Pampango yOmahogololo yomomvula yo 2014, ongundu oya pumbwa okukala yi na iilyo ya thika po 500 moshitopolwa kehe.
Kaaronda ngoka a kala ita popile omahangano gaaniilonga ga kwtaakanithwa noongundu dhopolotika konima nkene a tidhwa moSwapo, okwa popi kutya okwa tidhwa kwaamboka ya mono uuwanawa okupitila muulingilingi wiimaliwa yoomiliyona 660 yoshiputudhilo shoGovernment Institutions Pension Fund (GIPF).
Kaaronda okwa totopo ehangano lyoNanlo konima sho a tidhwa mo mehangano lya kwatakanithwa noSwapo lyoNational Union of Namibian Workers (NUNW),s ho a pula opo mboka ya li po iimaliwa yoGIFP ya tumbulwe komadhina nokusithwa ohoni. Lwanima NUNW okwa lundile Kaaronda kutya ita gwanitha po iinakugwanithwa ye na ota e ta etopoko mehangano.
Sho a kuthwa miilonga Kaaronda okwa fala ehangano kompangu na olya pulwa kompangu opo li fute amushanga gwalyo ngoka oshimaliwa shooN$31 000, oomwedhi adhihe 24 dha thigalako kokondalaka ye.
Omukalelipo gwaaniilonga, Evilastus Kaaronda okwa popi kombinga yohokwe ye okukutha ombinga methigathano lyuupresidende, pethimbo lyomahogololo ngoka taga kalako muNovemba nuumvo.
Pahapu dhaKaaronda elelo lyoshilongo ndyoka li li miilonga ngashiingeyi oli na ko owala nokuyambapaleka oondjato dhawo na kali na ko nokulongela oshigwana.
Okwa popi kutya onkalo yuulingilingi mepangelo oyo ya etitha onkalo yeliko ndjoka oshilongo sha taalela na otayi thiminike epangelo li pule aanashilonga ya gandje oopresenda 2 dhiiyemo yawo komvula.
Pethimbo a popitha aatoolinkundana moKatutura Youth Complex omutenya gwOsoondaha, Kaaronda ngoka ngashiingeyi e li omukomeho gwoNamibia National Labour Organisation (Nanlo), okwa popi kutya epangelo lyaSwapo olya ndopa okukandulapo omaupyakadhi ngoka ga taalela oshigwana, ngaashi okwaahena iilonga nuupyakadhi wevi.
Pahapu dhaKaaronda, aanangeshefa yaNamibia ya taalela onkalo yanayipala mongeshefa nokweetitha epato lyoongeshefa dhawo omolwa aanangeshefa yaChina oshowo yaSouth Afrika mboka ya kwatako eliko lyoshilongo.
“Muule owala woomwedhi 12 nenge oomwedhi odhindji komeho, ngele omiyalu ndhoka dha gandjwa koEmployment Equity Commission odhili mondjila otwa kanitha oompito dhiilonga dhi li po 37 000 nomahangano ngoka ga pata ogAaNamibia kutya omatungo nenge oongeshefa.”
Okwa popi kutya epangelo li li koshipundi itali ningi sha mokukandula po omikundu dhoka molwaashoka olyo lya eta omikundu ndhoka.
“Pehulilo oshili owala mondjila ngele kwa totwa ongundu yopolotika ompe ndjoka tayi kwatelwa komeho kaanashilonga oshowo aanyasha mboka kaye na iilonga moshilongo. Onkalo yopapolotika oyo owala tayi ka popya oshili kombinga yomaiyuvo gaantu,” Kaaronda a popi.
Kaaronda okwa popi kutya ongundu ye tayi ka kala ya pyakudhukwa okukutha ombinga momahogololo ngoka taga ningwa momasiku 27 gaNovemba nuumvo.
Pampango yOmahogololo yomomvula yo 2014, ongundu oya pumbwa okukala yi na iilyo ya thika po 500 moshitopolwa kehe.
Kaaronda ngoka a kala ita popile omahangano gaaniilonga ga kwtaakanithwa noongundu dhopolotika konima nkene a tidhwa moSwapo, okwa popi kutya okwa tidhwa kwaamboka ya mono uuwanawa okupitila muulingilingi wiimaliwa yoomiliyona 660 yoshiputudhilo shoGovernment Institutions Pension Fund (GIPF).
Kaaronda okwa totopo ehangano lyoNanlo konima sho a tidhwa mo mehangano lya kwatakanithwa noSwapo lyoNational Union of Namibian Workers (NUNW),s ho a pula opo mboka ya li po iimaliwa yoGIFP ya tumbulwe komadhina nokusithwa ohoni. Lwanima NUNW okwa lundile Kaaronda kutya ita gwanitha po iinakugwanithwa ye na ota e ta etopoko mehangano.
Sho a kuthwa miilonga Kaaronda okwa fala ehangano kompangu na olya pulwa kompangu opo li fute amushanga gwalyo ngoka oshimaliwa shooN$31 000, oomwedhi adhihe 24 dha thigalako kokondalaka ye.
Comments
Namibian Sun
No comments have been left on this article