Ka tu li ompinge nAawambo – LPM

Ongundu yoLandless People's Movement (LPM) oya holola kutya yo itayi yelekwa noongundu dhilwe dhompilameno ngaashi Congress of Democrats (CoD) oshowo Rally for Democracy and Progress (RDP), ndhoka dhiitopola koSwapo omolwa uufukedhi neisimaneko lyawo yene.Shoka soha popiwa komuleli gwaanysha mongundu ndjoka Duminga Ndala, ngoka a popi kutya yo itaya mbandamekwa kaayambidhidhi yoSwapo, mboka taya popi kutya ongundu yawo oyi li ompinge naantu yomuhoko gwAawambo.“Itandi zimine omanyano ngoka taga ningwa kutya LMP ongundu yAaNama nenge AaDamara. Otu na omihoko adhihe. Ngame ngoka tandi popi ondi omupopi gwelaka lyOshiwambo naashoka otashi holola nale sha.”Okwa tsikile kutya omapopyo ngoka omambandameko owala taga longithwa kuSwapo ta gandjwa oshiholelwa shetotepo lyongundu yoSwapo kuAndimba Toivo Ya Toivo; ngoka a li e yi ithana petameko kutya Ovamboland People's Organisation (OPO), nonando okushi shi kutya moNamibia omu na aantu yalwe yomihoko dhilwe, ihe okwe yi luku owala OPO nomonena otayi ithanwa kutya aniwa ongundu yaantu ayehe.Ndala okwa popi kutya ongundu yawo oya totwa sha landula shoBernadus Swartbooi a tidhwa miilonga onga omupeha minista gwomavi, kOmupresidende Hage Geingob, oshowo eikutho mo lye mongundu yoSwapo, nomapulo ge kombinga yevi lyuuthiga.Ndala okwa popi kutya otaya ka ninga okongresa yawo muApilili nenge Mei gwomvula twa taalela moka tamu ka hogololwa aaleli naakalelipo yongundu momahogololo. Okongresa ndjoka otayi ka kala oshituthi shuule womasiku gatano moka tamu ka kundathanwa woo iinima yilwe ngaashi uunamapya. Oshizemo shomutumba ngoka unene kiikundathanwa otashi ka longithwa mokutunga po ekotampango lyongundu yawo. Ekandulepo lyomikunduLPM ota pangele okukagandja evi kaakwashigwana muule womasiku 100 mombelewa nokushunitha pevi omwaalu gwiimaliwa yepangelo tayi longithwa moondjambi dhaaniilonga yepangelo.Otaya ka tula woo miilonga opo aaniilonga ya kale taya yi moopenzela moomvula 55, uuna ya hogololwa nokusindana po omahogololo gaayehe ngoka taga ningwa momvula yo 2019.“Omukalo ngoka opo nale guli, epangelo olyo owala itali longitha omukalo ngoka. Nandi tye kutya kansela gwoLPM okwa yi mombelewa she okugandja owala ombaapila yuumwene wevi. Evi opo nale Ii li lya metwa na otali ka wapalekwa owala nale. Osha pumbwa owala omadhilaadhilo omawanawa,” Ndala a popi.Omunyasha ngoka okwa popi kutya ewawa lyaanyasha mongundu yawo otali pangele mokukondjela uuthemba waanaskola momusindalongo gwoosekundoskola, nokuhulitha po elongitho lyomambo gaazaizai noondjokonona dhawo nokutula miilonga omambo gAafrika.Okwa tsikile kutya ngashiingeyi otaya ngongo po ekotampango lyawo ndyoka tali ka kala lya pwa moshiwike twa taalela na otali ka kondjela uuwanawa nuuthemba waanaskolaNdala okwa tsu omuthindo kutya oyiinekela mehololo lyomaiyuvo lyamanguluka, konima sho a pulwa kombinga yoshilyo shawo Hennie Seibeb ngoka a li a shanga epulakata lya shangwa “Voetsek Hage” na okwa tula ethano ndyoka komapandja gomakwatathano gopamalungula.Nonando ongaaka okwa popi kutya moshilongo ngaashi Namibia, omalaka geli ngaaka otaga e ta omalimbililo.“Otu li moshilongo molwa aantu ye wete kutya omupresidende nasimanekwe nonando ota ningi oshinima shi li mondjila nenge sha puka. Ihe oshili ooshoka kutya otu na iinima yimwe twa pumbwa okutala kuyo. Epangelo lyetu otali tukwata koonkondo kehe esiku omolwa elelo lyankundipala nuulingilingi.”Omalimbililo omanene gaNdala ongaaka kutya Seibeb ota pangulilwa omapopyo ge ngoka nomalaka, ihe oluhepo nokwaahena iilonga taku popiwa.“Shotango otu na okuyoolola pokati kaHennie nehwahwameko. Hennie oku na uuthemba wemwene nonando aantu yamwe itaye shi popile, ekotampango lyaNamibia olya gandja uuthemba wokuholola omaiyuvo getu twa manguluka. Kehe gumwe oku na uuthemba okupopya shoka a hala okupopya.”LPM okwa ninga eindilo muSepetemba noElectoral Commission of Namibia (ECN) opo a vule okuninga ongundu yopolotika. Omukomeho gwomahogololo moECN, Theo Mujoro okwa koleke kutya eindilo ndyoka otali talika.JEMIMA BEUKES

Ka tu li ompinge nAawambo – LPM

Comments

Namibian Sun 2026-01-12

Please login to leave a comment

Ka tu li ompinge nAawambo – LPM

Comments

Namibian Sun 2026-01-12

Please login to leave a comment

Subscription Required to Access Content ×

Login

Subscription Required to Access Content