Itula taka ungaungiwa naye koSwapo
Amushanga gwoSwapo Sophia Shaningwa okwa popi kutya ongundu oyi na okomitye yomitumba dhomautho yi li miilonga, naNamibia otaka tegelela nokutala sho tayi ka ungaunga nOmundohotola Panduleni Itula.
JEMIMA BEUKES
Aanongononi yopolitika yamwe po oya popi kutya itashi kwatha sha shOmundohotola Itula a hala okukutha ombinga momahogololo guupresidende onga omuhogololwa iithikamena ihe ina hala okuhulitha po uukwashilyo we nongundu yoSwapo.
Omunongononi gwekotampango, Nico Horn okwa popi kutya itashi gandja omwiityo gwasha.
“Itandi hala okwiitaala kutya omulumentu omunandunge ota vulu okudhilaadhila ngaaka.”
Horn okwa popi kutya kape na ongundu yiisimaneka tayi ka pitika ethigathano okuza kaahogololwa yiithikamena meni lyongundu.
Okwa popi kutya oshi li owala mondjila iilyo yi ninge ethigathano pethimbo lyomitumba dhokuhogolola aaleli yongundu.
“Otashi kala owala mondjila ngele oshilyo shongundu tashi kondjitha elelo lyongundu okupitila momilandu dhongundu. Ngele okwiithikamena na okwa hala aantu ye mu taleko shili, nena nakale owala iithikamena.”
Itula ngoka a tindi okupopya manga niikundaneki, okwa li a popi nale noshifokundaneki shoThe Namibian, moka a popi kutya kape na oshilyo shoSwapo, shi na uuthemba kwiikwatelelwa kekotampango lyoSwapo, tashi vulu okuthiminika mukwawo a ze mo mongundu molwaashoka ehangano lyokwiiyamba moka aantu taya vulu okuza yoyene shaaheli pamathiminiko.”
Sho oshifokundaneki shoNamibian Sun sha ningi ekwatathano naye, okwa popi kutya kashi na oshilonga kwaashoka Swapo ta popi, ye ita ti sha.
MuMaalitsa gwonuumvo, ongundu yoSwapo oya popi kutya kehe oshilyo shongundu shoka tashi kutha ombinga momahogololo onga omuhogololwa iithikamena, otashi yi pondje ekotampango lyongundu nomilandu dhongundu.
Oshiwike shika amushanga gwoSwapo, okwa popi kutya okomitiye yomautho moSwapo otayi ka ungaunga naItula.
Henning Melber okwa popi kutya Itula pamwe naalanduli ye kombinga yuundemokoli otashi ulike kutya uundemokoli kawu uviteweko kutya oshike.
Melber okwa tsu omuthindo kutya omuntu ota kala oshilyo shongundu nokutsa kumwe nomilandu dhongundu ihe ngele itasu kumwe nena okwa pumbwa okuthigapo ongundu.
“Ito vulu okpopya kutya owiithikamena omanga wu li oshilyo shongundu. Kashi li mondjila. Sho wuli methigathano naahogololwa mboka yuulikwa kongundu na otaya kalelepo ongundu, oshike tashi holoka po ngele owa sindana?” Melber a popi.
Omukwatakanithi gwoSwapo Party School, Charles Mubita okwa zimine kutya ope na okwaahauvako kombinga yoshikumungu shomuhogololwa iithikamena.
Okwa popi kutya kashi li mondjila omuntu a kale iithikamena mehangano lyontumba.
“Tala ngame kandi li ompinge nomuntu iithikamena muuyuni, ihe kashi li mondjila omuntu a kale iithikamena mongundu yontumba, itashi gandja omwiityo gwa sha.”
Okwa tsu omuthindo kutya okukala omwiithikameni otashi ti ina gama ombinga nongundu nenge nehangano lyontumba.
“Ngaaka otashi ti ito tsukumwe nenge ito popile omilandu dhontumba mongundu. Oopresenda 90 nenge 100 ito tsu kumwe nayo na owa pumbwa ondjila ompe yokugandja omaiyuvo goye.”
Pampango yOmahogololo yomomvula yo 2014, omuhogololwa iithikamena okwa pumbwa okuyambidhidhwa kaahogololi ye li po 500 miitopolwa 14 moshilongo.
Aanongononi yopolitika yamwe po oya popi kutya itashi kwatha sha shOmundohotola Itula a hala okukutha ombinga momahogololo guupresidende onga omuhogololwa iithikamena ihe ina hala okuhulitha po uukwashilyo we nongundu yoSwapo.
Omunongononi gwekotampango, Nico Horn okwa popi kutya itashi gandja omwiityo gwasha.
“Itandi hala okwiitaala kutya omulumentu omunandunge ota vulu okudhilaadhila ngaaka.”
Horn okwa popi kutya kape na ongundu yiisimaneka tayi ka pitika ethigathano okuza kaahogololwa yiithikamena meni lyongundu.
Okwa popi kutya oshi li owala mondjila iilyo yi ninge ethigathano pethimbo lyomitumba dhokuhogolola aaleli yongundu.
“Otashi kala owala mondjila ngele oshilyo shongundu tashi kondjitha elelo lyongundu okupitila momilandu dhongundu. Ngele okwiithikamena na okwa hala aantu ye mu taleko shili, nena nakale owala iithikamena.”
Itula ngoka a tindi okupopya manga niikundaneki, okwa li a popi nale noshifokundaneki shoThe Namibian, moka a popi kutya kape na oshilyo shoSwapo, shi na uuthemba kwiikwatelelwa kekotampango lyoSwapo, tashi vulu okuthiminika mukwawo a ze mo mongundu molwaashoka ehangano lyokwiiyamba moka aantu taya vulu okuza yoyene shaaheli pamathiminiko.”
Sho oshifokundaneki shoNamibian Sun sha ningi ekwatathano naye, okwa popi kutya kashi na oshilonga kwaashoka Swapo ta popi, ye ita ti sha.
MuMaalitsa gwonuumvo, ongundu yoSwapo oya popi kutya kehe oshilyo shongundu shoka tashi kutha ombinga momahogololo onga omuhogololwa iithikamena, otashi yi pondje ekotampango lyongundu nomilandu dhongundu.
Oshiwike shika amushanga gwoSwapo, okwa popi kutya okomitiye yomautho moSwapo otayi ka ungaunga naItula.
Henning Melber okwa popi kutya Itula pamwe naalanduli ye kombinga yuundemokoli otashi ulike kutya uundemokoli kawu uviteweko kutya oshike.
Melber okwa tsu omuthindo kutya omuntu ota kala oshilyo shongundu nokutsa kumwe nomilandu dhongundu ihe ngele itasu kumwe nena okwa pumbwa okuthigapo ongundu.
“Ito vulu okpopya kutya owiithikamena omanga wu li oshilyo shongundu. Kashi li mondjila. Sho wuli methigathano naahogololwa mboka yuulikwa kongundu na otaya kalelepo ongundu, oshike tashi holoka po ngele owa sindana?” Melber a popi.
Omukwatakanithi gwoSwapo Party School, Charles Mubita okwa zimine kutya ope na okwaahauvako kombinga yoshikumungu shomuhogololwa iithikamena.
Okwa popi kutya kashi li mondjila omuntu a kale iithikamena mehangano lyontumba.
“Tala ngame kandi li ompinge nomuntu iithikamena muuyuni, ihe kashi li mondjila omuntu a kale iithikamena mongundu yontumba, itashi gandja omwiityo gwa sha.”
Okwa tsu omuthindo kutya okukala omwiithikameni otashi ti ina gama ombinga nongundu nenge nehangano lyontumba.
“Ngaaka otashi ti ito tsukumwe nenge ito popile omilandu dhontumba mongundu. Oopresenda 90 nenge 100 ito tsu kumwe nayo na owa pumbwa ondjila ompe yokugandja omaiyuvo goye.”
Pampango yOmahogololo yomomvula yo 2014, omuhogololwa iithikamena okwa pumbwa okuyambidhidhwa kaahogololi ye li po 500 miitopolwa 14 moshilongo.
Comments
Namibian Sun
No comments have been left on this article