Itula ta fala ECN kompangu
Ompangu yOmahogololo otayi ka pulakena oshipotha shi li ompinge nelongitho lyomashina gokuhogolola goelectronic voting machines (EVMs) pwaahena uumbangi wopambaapila.
JEMIMA BEUKES
Omuhogololwa presidende iithikamena, Dr Panduleni Itula, Okakomisi kOmahogololo oElectoral Commission of Namibia (ECN) oshowo ongundu yoSwapo otaya yi kompangu mEtiyali lyomasiku 19 gaNovemba nuumvo omolwa oshipotha shelongitho lyomashina gokuhogolola goEVMS, pwaahena uumbangi wopambaapila.
Oohahende dhaItula odha gandja koECN sigo onena opo ya kwashilipaleke omuyakulwa gwawo kutya otaku ka ulikwa aapangeli ya pyokoka yiithikamena mboka taya ka kala pehala kehe lyokuhogololela nokukonaakona omashina ngoka taga ka longithwa momasiku 27 gaNovemba pethimbo lyomahogololo gopashigwana guupresidende niilyo yomutumba gwopashigwana, ngoka taga ningwa moNamibia.
Natango Omundohotola Itula okwa hala uumbangi wopambaapila wovoter-verified paper audit trail (VVPAT) wu longithwe neshina kehe lyokuhogolola ndyoka tali ka longithwa.
Ngele shoka itashi ningwa okwa hala kulongithwe oombaapila momahogololo. Itula natango okwa hala omunashipundi gwoECN, Notemba Tjipueja e muulikile kutya omolwashike ite mu pele uusama omolwa uuhasha wepungulo lyomashina gokuhogolola, shoka osha landula omapopyo kutya omashina gokuhogolola oga gu kokatemba momvula yo 2017, pethimbo ga li ga hehelwa kominista nale yuuyuki, Sacky Shanghala opo ga kalongithwe pethimbo lyokongresa yoSwapo Party Elders Council (SPEC) mOutapi.
Endopo lyaECN okuyamukula komaindilo gOmundohotola Itula olya etitha Itula a ye kompangu yomahogololo.
Hahende yaItula, Henry Shimutwikeni Legal Practitioners oya koleke kutya oya gandja etseyitho lyokuholoka mompangu kongundu yoSwapo, nonando ongaaka aaniilonga yongundu yoSwpao poombelela oonene dhongundu mOvenduka, oya tindi okuyakula etseyitho ndyoka na okwa landula iinyandwa mbyoka ya etitha aanambelewa yaShimutwikei ya ye ontuku okuza mombelewa ndjoka.
Onzo yimwe oya holola kutya omunambelewa ngoka omukiintu okwa tondoka uuka kosasiyona yomahooli tayi adhika mondjila yoB1 naanambelewa yaali yoSwapo oye mu landula na okwa dhengele opolisi, opo ihe ya kankama. Ohauto ndjoka a li ta hingi oya mangululwa.
Omunambelewa omukomeho gwelelo lyoSwapo, Austin Samupwa ina vula okumonika opo a tye sha.
Uuhasha
Itula okwa popi kutya ECN ota longitha uuhasha, okwaahena oshili, okwaahena elandulathano megameno lyomashina gokuhogolola goEVM.
Itula ngoka a li a longekidha eningo lyehololomadhilaadhilo kombelewa yoECN, li li ompinge nelongitho lyomashina goEVMs, okwa popi natango kutya Omunambelewa Omukuluntu gwOmahogololo, Theo Mujoro, okwa tindi okutaamba omukandanyenyeto gu li ompinge nelongitho lyomashina gokuhogololoa pethimbo lyomahogoolo ngoka taga ningwa moshilongo nuumvo.
Omatilitho gaItula oga holoka konima yetseyitho ndyoka lya ningwa kutya omashina gamwe oga kana omanga geli miikaha yongundu yoSwapo.
Nonando ECN okwa popi kutya opolisi otayi konaakona oshinima shoka, kape na oshipotha sha patululwa nopolisi omanga oshikondo shemona sha holola kutya inashi gandja epitiko koECN yi gandje omashina ngoka kuSwapo a vule okuga longitha mokongresa ye.
Mujoro okwa popi kutya ina tseyithilwa kutya Itula okwa hala okugandja kuye omukandanyenyeto ngoka guli ompinge nelongitho lyomashina gokuhogolola.
Okwa gwedha po kutya otaya ka konaakona omikanda dhopaveta ndhoka ya pewa, opo ya vule okuyamukula nawa
[email protected]
Omuhogololwa presidende iithikamena, Dr Panduleni Itula, Okakomisi kOmahogololo oElectoral Commission of Namibia (ECN) oshowo ongundu yoSwapo otaya yi kompangu mEtiyali lyomasiku 19 gaNovemba nuumvo omolwa oshipotha shelongitho lyomashina gokuhogolola goEVMS, pwaahena uumbangi wopambaapila.
Oohahende dhaItula odha gandja koECN sigo onena opo ya kwashilipaleke omuyakulwa gwawo kutya otaku ka ulikwa aapangeli ya pyokoka yiithikamena mboka taya ka kala pehala kehe lyokuhogololela nokukonaakona omashina ngoka taga ka longithwa momasiku 27 gaNovemba pethimbo lyomahogololo gopashigwana guupresidende niilyo yomutumba gwopashigwana, ngoka taga ningwa moNamibia.
Natango Omundohotola Itula okwa hala uumbangi wopambaapila wovoter-verified paper audit trail (VVPAT) wu longithwe neshina kehe lyokuhogolola ndyoka tali ka longithwa.
Ngele shoka itashi ningwa okwa hala kulongithwe oombaapila momahogololo. Itula natango okwa hala omunashipundi gwoECN, Notemba Tjipueja e muulikile kutya omolwashike ite mu pele uusama omolwa uuhasha wepungulo lyomashina gokuhogolola, shoka osha landula omapopyo kutya omashina gokuhogolola oga gu kokatemba momvula yo 2017, pethimbo ga li ga hehelwa kominista nale yuuyuki, Sacky Shanghala opo ga kalongithwe pethimbo lyokongresa yoSwapo Party Elders Council (SPEC) mOutapi.
Endopo lyaECN okuyamukula komaindilo gOmundohotola Itula olya etitha Itula a ye kompangu yomahogololo.
Hahende yaItula, Henry Shimutwikeni Legal Practitioners oya koleke kutya oya gandja etseyitho lyokuholoka mompangu kongundu yoSwapo, nonando ongaaka aaniilonga yongundu yoSwpao poombelela oonene dhongundu mOvenduka, oya tindi okuyakula etseyitho ndyoka na okwa landula iinyandwa mbyoka ya etitha aanambelewa yaShimutwikei ya ye ontuku okuza mombelewa ndjoka.
Onzo yimwe oya holola kutya omunambelewa ngoka omukiintu okwa tondoka uuka kosasiyona yomahooli tayi adhika mondjila yoB1 naanambelewa yaali yoSwapo oye mu landula na okwa dhengele opolisi, opo ihe ya kankama. Ohauto ndjoka a li ta hingi oya mangululwa.
Omunambelewa omukomeho gwelelo lyoSwapo, Austin Samupwa ina vula okumonika opo a tye sha.
Uuhasha
Itula okwa popi kutya ECN ota longitha uuhasha, okwaahena oshili, okwaahena elandulathano megameno lyomashina gokuhogolola goEVM.
Itula ngoka a li a longekidha eningo lyehololomadhilaadhilo kombelewa yoECN, li li ompinge nelongitho lyomashina goEVMs, okwa popi natango kutya Omunambelewa Omukuluntu gwOmahogololo, Theo Mujoro, okwa tindi okutaamba omukandanyenyeto gu li ompinge nelongitho lyomashina gokuhogololoa pethimbo lyomahogoolo ngoka taga ningwa moshilongo nuumvo.
Omatilitho gaItula oga holoka konima yetseyitho ndyoka lya ningwa kutya omashina gamwe oga kana omanga geli miikaha yongundu yoSwapo.
Nonando ECN okwa popi kutya opolisi otayi konaakona oshinima shoka, kape na oshipotha sha patululwa nopolisi omanga oshikondo shemona sha holola kutya inashi gandja epitiko koECN yi gandje omashina ngoka kuSwapo a vule okuga longitha mokongresa ye.
Mujoro okwa popi kutya ina tseyithilwa kutya Itula okwa hala okugandja kuye omukandanyenyeto ngoka guli ompinge nelongitho lyomashina gokuhogolola.
Okwa gwedha po kutya otaya ka konaakona omikanda dhopaveta ndhoka ya pewa, opo ya vule okuyamukula nawa
[email protected]
Comments
Namibian Sun
No comments have been left on this article