Itula a tindi omapopyo uukwamuhoko
Omuhogololwa presidende iithikamena, Panduleni Itula okwa ekelehi omapopyo ga ningwa kwaamboka ye li ompinge naye kutya omahwahwameko ge otaga kwatelwa komeho kuukwamuhoko na ha kukuthamo shili Namibia melyenge lyoluhepo, uulingilingi nepangelo lyankundipala.
Omapopyo taga ningwa komapandja gomakwatathano gopamalungula, unene kwaamboka taya yambidhidha Hage Geingob, oga holola kutya etompelo shoItula a pitikwa a kuthe ombinga medhigathano ndyoka omanga e na natango uukwashilyo wongundu yoSwapo omolwaashoka kutya okwa za konooli yoshilongo na okuli Omuwambo komuhoko.
Sho a ningilwa omapulaapulo koshikundnaeki shoNampa pondje yompangulilo yaMangestrata gwaKatutura mEtiyali, Itula okwa ekelehi omapopyo ngoka.
Itula okwa yamukula kutya: “Onda kokela mOvenduka, moKatutura na ondiitalako kutya kandili ombinga yongundu yomuhoko gwontumba, moAugustineum, moka ndayi kenongelo lyoondondo dhopombanda onda li mongundu naantu oyendji ngaashi Tjama Tjivikua, Gerson Kaapehi oshowo yakwawo ihe inandi kala nda tala aamati mboka onga Aaherero nenge Aadamara.” Itula okwa popi kutya okuthikama nokukatuka ookantu dhi li ompinge nuulingilingi, elongitho nayi lyomaliko gepangelo niikwawo, inashi talika ko kutya uukwamuhoko.
Okwa popi kutya ye ke na uukwamuhoko. Okwa hokolola kutya sho a yi modholongo okwa kalamo naantu oyendji ya za moshilongo ashihe.
Oya Ii ye li 86 naasho ya yi mekanka lyondjala inaye shi ninga molwaashoka oya li Aawambo, Aaherero nenge Aadamara ihe oye shi ningi omolwa eitaalo limwe ndyoka ye na.
Omundohotola gwomayego, hahende na oku li omunapolitika ngashiingeyi okwa popi kutya ye okwa thikama komakankameno guuyuki, emanguluko neyo komeho, omakankameno gafaathana naangoka ga etitha po etotepo lyaSwapo. Itula okwa popi kutya Swapo ke na epuko ihe aaleli yoSwapo otaya pukitha ongundu oshowo oshilongo. Itula okwa pula aayambidhidhi ye yiikaleke kokule nomiyonena pethimbo lyomahwahwameko gomahogololo. “Ngele gumwe okwa si medhina lyomahwahwameko gaDr Itula otandi ikutha mo methigathano lyomahogololo. Inandi hala omuntu ta si molwandje.”
Omahogololo guupresidende oshowo omutumba gwopashigwana otaga ningwa mEtitatu twa taalela.
NAMPA
Omapopyo taga ningwa komapandja gomakwatathano gopamalungula, unene kwaamboka taya yambidhidha Hage Geingob, oga holola kutya etompelo shoItula a pitikwa a kuthe ombinga medhigathano ndyoka omanga e na natango uukwashilyo wongundu yoSwapo omolwaashoka kutya okwa za konooli yoshilongo na okuli Omuwambo komuhoko.
Sho a ningilwa omapulaapulo koshikundnaeki shoNampa pondje yompangulilo yaMangestrata gwaKatutura mEtiyali, Itula okwa ekelehi omapopyo ngoka.
Itula okwa yamukula kutya: “Onda kokela mOvenduka, moKatutura na ondiitalako kutya kandili ombinga yongundu yomuhoko gwontumba, moAugustineum, moka ndayi kenongelo lyoondondo dhopombanda onda li mongundu naantu oyendji ngaashi Tjama Tjivikua, Gerson Kaapehi oshowo yakwawo ihe inandi kala nda tala aamati mboka onga Aaherero nenge Aadamara.” Itula okwa popi kutya okuthikama nokukatuka ookantu dhi li ompinge nuulingilingi, elongitho nayi lyomaliko gepangelo niikwawo, inashi talika ko kutya uukwamuhoko.
Okwa popi kutya ye ke na uukwamuhoko. Okwa hokolola kutya sho a yi modholongo okwa kalamo naantu oyendji ya za moshilongo ashihe.
Oya Ii ye li 86 naasho ya yi mekanka lyondjala inaye shi ninga molwaashoka oya li Aawambo, Aaherero nenge Aadamara ihe oye shi ningi omolwa eitaalo limwe ndyoka ye na.
Omundohotola gwomayego, hahende na oku li omunapolitika ngashiingeyi okwa popi kutya ye okwa thikama komakankameno guuyuki, emanguluko neyo komeho, omakankameno gafaathana naangoka ga etitha po etotepo lyaSwapo. Itula okwa popi kutya Swapo ke na epuko ihe aaleli yoSwapo otaya pukitha ongundu oshowo oshilongo. Itula okwa pula aayambidhidhi ye yiikaleke kokule nomiyonena pethimbo lyomahwahwameko gomahogololo. “Ngele gumwe okwa si medhina lyomahwahwameko gaDr Itula otandi ikutha mo methigathano lyomahogololo. Inandi hala omuntu ta si molwandje.”
Omahogololo guupresidende oshowo omutumba gwopashigwana otaga ningwa mEtitatu twa taalela.
NAMPA
Comments
Namibian Sun
No comments have been left on this article