Itaya popile ekonaakono ndyoka ya ningilwa

JANA-MARI SMITHShoka osha landula eindilo lyomeendelelo ndyoka lya ningwa momwedhi Januari.Oongundu ndhoka odha tsu kumwe kutya aailongi mboka itaya ka ningilwa ekonaakono etiyali omwedhi nguka, sigo oshizemo sheindilo ndyoka lya ningwa sha gandjwa muApilili.Uupyakadhi wekonaakono ndyoka lya ndopwa kaailongi 205 yomaiilongi 207 mboka ya shanga ekonaakono ndyoka muNovemba owa hololwa pethimbo lyehololomadhilaadhilo ndyoka lya ningilwa mOvenduka, naailongi oya pula Ombelewa yOmuprima opo yiidhope moshikumungu shoka.Aailongi mboka oya popi kutya ekonaakno ndyoka kalya li pauyuuki na olya li tali tongola na inaya pewa ethimbo lya gwana opo yiilongekidhe.Oya pula kutya ekonakono ndyoka lya ningwa kwiikwatelewa koshike na olya ningwa po koolye.Oya popi kutya natango ekonaakono ndyoka otali tongola sho aailongi yuunamiti mboka ya dheulwa moshilongo itaya pumbiwa okushanga otutsa ndjoka. Ekonaakono ndyoka olya tulwa miilonga momvula yo 2016 koHealth Professions Council of Namibia opo kukwashilipaleke kutya aailongi mboka ya dheulwa pondje yoshilongo oyaadha iipumbiwa omolwa omalimbililo ga hololwa ombinga yongushu yomadheulo okuzilila piilongo yopondje.Mondokomende yompangu ndjoka ya gandjwa pehala lyoHealth Professions Council of Namibia, Dr Cornelius Vatileni Weyulu, okwa yelitha kutya omakonaakono ngoka ohaga ningwa okututsa uunongo nongushu yomadheulo gaailongi mboka ya dheulwa pondje yoshilongo.Okwa popi kutya omakonaakono ga ningwa oga holola kutya aailongi 200 mboka ya mono oonzapo dhawo dhuulongelwe moshikondo shuunamiti miilongo ngaashi Russia, China oshowo Ukraine, oopresenda 99 dhaiilongi mboka inaya mona iitsa yokuya taambulitha moskola yuunamiti yoshiputudhilo shoUniversity of Namibia.Okwa popi kutya kwiikwatelelwa kondjokonona yonakuziwa aailongi oyendji mboka ya dheulwa miilongo yimwe yo yaEuropa oshowo moChina okwa nongelwa ya pewa elongo lyongushu yopevi, nolundji ohaya kala ya pumbiwa opo ya longe moshikondo shuunamiti.Ondokumende ndjoka oya holola kutya nonando aadheulwa mboka oha ya mono ondjambi yi thike pondjambi yayakwawo, omolwa ongushu yomadheulo ngoka ya mono ihaya vulu okulonga iilonga iinene molwaashoka inaya dheulwa opo ya vule okulonga iilonga yopombanda moshikondo.Ohashi etitha yakwawo yamwe ya longe iilonga oyindji opo ya thitike omwaka ngoka gu li po.Kombinga yomanyenyeto kutya aadheulwa yomoNamibia ihaya ningilwa omakonaakono ngoka, okwa yamukula kutya aadheulwa moshilongo ihaya shanga ekonaakono ndyoka molwaashoka omusindalongo ngoka hagu longitha miiputudhilo yomoshilongo ogwa ziminwa koMedical and Dental Council.”Weyulu okwa tsikile kutya ndyoka olyo eyooloko pokati kaailongi yuunamiti ya dheulwa moshilongo naamboka ya dheulwa pondje yoshilongo. Weyulu okwa lombwele ompangu kutya ekonaakono ndyoka lya shangwa kaiilongi mboka olyo woo lya li lya pewa aaiilongi mboka ya dheulwa moUnam noyendji oyeli piti.Okwa tsu omuthindo kutya ekonaakono ndyoka oli li omulandu ngoka gu na okupitwa kaailongi ayehe moshikondo shuunamiti.MuNovemba gwomvula ya piti, aadheulwa moshikondo shuunamiti pondje yoshilongo ye li 207 oya shanga ekonaakono lyuule womasiku gaali, na olya pitwa owala kaantu yaali. Mokati kaailongi 205 mboka ya ndopa, 42 oya li taya vulu kushangulula.Yane yomaiilongi mboka ya ndopa, Natalia Iileka, Elizabeth Kambonde, Ndeshi Shatona oshowo Kolin Kazeundja, muJanuari oya ningi eindilo noMedical and Dental Council, taya pataneke iizemo oshowo aataleli yiizemo mbyoka taya pula opo yi kuthwe oonkondo.Mboka oya pula opo ekonaakono ndyoka lya li li na okuningwa muJanuari li kalekwe manga na oya ka konga ekwatho lyompangu.Metsokumwe ndyoka lya adhika koombinga adhihe ndhoka olya totha mo kutya okwa totwa okomitiye koHealth Professions Council of Namibia, opo yi tale komanyenyeto ngoka.Natango oonakunyenyeta mboka itaya ka kutha ombinga mekonaakono etiyali ndyoka tali ningwa momwedhi nguka.Mboka yahala okukutha ombinga mekonaakono ndoka tali ningwa momasiku 21 sigo 22 gomwedhi nguka, otaya vulu okushininga ngele yo inaya hala okutegelela oshizemo shompangu.

Itaya popile ekonaakono ndyoka ya ningilwa

Comments

Namibian Sun 2026-10-20

Please login to leave a comment

Itaya popile ekonaakono ndyoka ya ningilwa

Comments

Namibian Sun 2026-10-20

Please login to leave a comment

Subscription Required to Access Content ×

Login

Subscription Required to Access Content