'Indeni koheli otashi ti nyanyukweni’- Nandi-Ndaitwah
Nonando omupopiliko gwomupresidende okwa popi kutya omatumbulo gaGeingob kutya “Indeni koheli” inaga nuninwa iilyo yelelo lyongundu, omupeha gwe okwa popi kutya omatumbulo ngoka oga hala okutya iilyo yelelo nayi nyanyukwe.
OGONE TLHAGE
OVENDUKA
Omupeha omupresidende gwoSwapo, Netumbo Nandi-Ndaitwah okwa gamene omuleli gwongundu ndjoka Dr Hage Geingob, ta popi kutya omatumbulo ge tuula iilyo yocentral committee kutya “indeni koheli” oga nuninwa owala okunyanyudha iilyo.
Geingob pethimbo lyepatululo lyomutumba ngoka okwa uvika ta popi kutya: “Imbeni nenge inamu imba, shika kashi shi oSwapo, ope na sha shapuka. Mmmmh mem, naaye koheli,” a popi omanga ta popi naNandi-Ndaitwah.
Nandi-Ndaitwah okwa popi kutya shoka oshinima owala sha nuninwa okunyanyudha aantu na osha kuthwako momukalo gwa puka.
Sho a ningilwa omapulo kombinga yoshikumungu shoka, amushanga gwoSwapo, Sophia Shaningwa okwa pula oshikundaneki shoNamibian Sun, shi ka konge omayamukulo kuGeingob.
Geingob okwa thigi aantu taya popi mOlyomakaya, sho opo owala a thiki moshilongo ongulohi yEtitano, okuza koUnited States hoka a li a yi metalelepo lyuule wiiwike iyali.
Geingob okwa popi uuvithwa nayi konkalo moka sho aniwa iilyo yongundu momutumba gwopaliamende tayi pitika iilyo yoongundu dhompilameno yikale komeho moonkundathana dhomopaliamende.
Okwa uvithwa woonayi komaapopyo gomunashipundi nale gwoElectoral Commission of Namibia, Notemba Tjipueja, ngoka a li a popi kutya oya tseyitha papuko kutya Swapo okwa sindana omahogololo gomo 2020 moNdonga Linena momukalo tagu limbilike.
Amushanga gwoSwapo Party Elders Council, Mukwaita Shanyengana okwa tindi okutya sha ta popi kutya ke na ethimbo niikundaneki.
Amushanga gwoSwapo Party Women’s Council, Eunice Ipinge naye okwa tindi okutya sha ta popi kutya, kali po.
Omupopiliko gwomupresidende, Alfredo Hengari okwa popi Geingob ina ula iilyo yelelo ihe okwali ta popi koshinima shilwe pethimbo a popi omatumbulo ngoka.
Geingob okwa pula iilyo yi hulithepo okukala ya sa ohoni yongundu, tayi dhilaadhila kutya oya tekapo.
OVENDUKA
Omupeha omupresidende gwoSwapo, Netumbo Nandi-Ndaitwah okwa gamene omuleli gwongundu ndjoka Dr Hage Geingob, ta popi kutya omatumbulo ge tuula iilyo yocentral committee kutya “indeni koheli” oga nuninwa owala okunyanyudha iilyo.
Geingob pethimbo lyepatululo lyomutumba ngoka okwa uvika ta popi kutya: “Imbeni nenge inamu imba, shika kashi shi oSwapo, ope na sha shapuka. Mmmmh mem, naaye koheli,” a popi omanga ta popi naNandi-Ndaitwah.
Nandi-Ndaitwah okwa popi kutya shoka oshinima owala sha nuninwa okunyanyudha aantu na osha kuthwako momukalo gwa puka.
Sho a ningilwa omapulo kombinga yoshikumungu shoka, amushanga gwoSwapo, Sophia Shaningwa okwa pula oshikundaneki shoNamibian Sun, shi ka konge omayamukulo kuGeingob.
Geingob okwa thigi aantu taya popi mOlyomakaya, sho opo owala a thiki moshilongo ongulohi yEtitano, okuza koUnited States hoka a li a yi metalelepo lyuule wiiwike iyali.
Geingob okwa popi uuvithwa nayi konkalo moka sho aniwa iilyo yongundu momutumba gwopaliamende tayi pitika iilyo yoongundu dhompilameno yikale komeho moonkundathana dhomopaliamende.
Okwa uvithwa woonayi komaapopyo gomunashipundi nale gwoElectoral Commission of Namibia, Notemba Tjipueja, ngoka a li a popi kutya oya tseyitha papuko kutya Swapo okwa sindana omahogololo gomo 2020 moNdonga Linena momukalo tagu limbilike.
Amushanga gwoSwapo Party Elders Council, Mukwaita Shanyengana okwa tindi okutya sha ta popi kutya ke na ethimbo niikundaneki.
Amushanga gwoSwapo Party Women’s Council, Eunice Ipinge naye okwa tindi okutya sha ta popi kutya, kali po.
Omupopiliko gwomupresidende, Alfredo Hengari okwa popi Geingob ina ula iilyo yelelo ihe okwali ta popi koshinima shilwe pethimbo a popi omatumbulo ngoka.
Geingob okwa pula iilyo yi hulithepo okukala ya sa ohoni yongundu, tayi dhilaadhila kutya oya tekapo.
Comments
Namibian Sun
No comments have been left on this article