'Inatu ya momuthitu molwa uulingilingi'

Omunambelewa omugandjimayele gopaveta kepangelo na oku li ta longo pehala lyominista yoohi noonzo dhomomeya, Albert Kawana okwa popi kutya ekondjelomanguluko kalya li li na sha neiyambapaleko, omanga a nyana mboka taya iyambapaleke konima sho oshilongo sha manguluka.Sho a pulwa ngele AaNamibia oya mona tuu uuwanawa okuza moshikondo shoohi, Kawana okwa popi kutya shoka ita vulu oku shi yamukula. Shoka osha landula uuyelele wu nasha nuulingilingi wiifuta yoombumbo dha thika poomiliyona 150, dha pewa aanapolitika oshowo aanambelewa moNamibia, wa etitha eikutho miilonga lyominista yoohi Bernhardt Esau oshowo ominista yuuyuki Sacky Shanghala. Oonzo dhimwe odha holoa kutya omwaalu ngoka otashi vulika gu Ii poobiliyoan 2.5.Jóhannes Stefánsson, okwa popi kutya okwa kwatele komeho egandjo lyeembumbo mepingakanitho lyookota dhokukwata oohi maanapolitika yaNamibia, ta popi kutya okwa tokola okugandja uuyelele mboka molwaashoka kuuviteko kutya aantu mboka ya kutha ombinga muulingilingi mboka ohaya kotha ngiini uusiku.Pauyelele wa pitithwa miikundaneki yopondje yoshilongo, aanapolotika naanambelewa yaNamibia mboka ya pewa oombumbo kehangano lyoSamherji, moka Stefánsson a li omukalelipo gwaNamibia ongaashi minista ale Esau, Tamson 'Fitty' Hatuikulipi, ngoka a longo onga omupokati ka Samherji na okuli oshitenya shaEsau, James Hatuikulipi, omunashipundi gwoFishcor, Shanghala oshowo Mike Nghipunya, omunambelewa omukuluntu gwoFishcor. Kawana sho a pulwa omaiyuvo ge kombinga yaanambelewa yepangelo mbyoka taya longitha pambambo oonzo dhepangelo mokwiiyambapaleka, okwa yamukula kutya yo yamwe oya za momuthitu. Sho a pulwa ngele ezo lyawo momuthitu olye ya pa uuthemba woonzo dhepangelo, Kawana okwa yamukula kutya ngaaka omutoolinkundana ote mu tula mokana iitya.Kawana okwa ningilwa omapulo ngoka pOmpangulilo yaMangestrata gwaKatutura, moka mwa pulakenwa oshipotha shomuulikwa presidende iithikamena, Panduleni Itula, ngoka a fala kompangu Okomisi yOmahogololo oshowo Swapo, omolwa elongitho lyomashina gokuhogolola pwaahena uumbangi wopambaapila pethimbo lyomahogoloo gopashigwana ngoka taga ningwa moshilongo moshiwike twa taalela.Stefánsson okwa popi kutya oku na einekelo kutya monakuyiwa, oshikondo shoohi moNamibia otashi ka gandjwa uuwanawa kaakwashigwana pehala lyokugandja uuwanawa kaakwashigana yiilongo yilwe. Stefánsson okwe ya moNamibia momvula yo 2011 opo a ninge ekwatathano lyopopepi naanapolotika moshikondo shoohi. “Shoka oshimbuluma. Oshimbuluma sha longekidhwa, otaya iyambapaleke noonzo dhoshilongo, nokukutha o iimaliwa moshilongo nokuyi pungula palwe moEuropa nenge moUnited States.” Kawana okwa popi kutya omuntu ngoka ta taamba oombumbo naangoka ta gandja oombumbo ayehe oya pumbwa okupangulwa. Sho a pulwa ngele Okomisi yokukondjitha uulingilingi, ndjoka ya totwapo metulo miilonga lyompango yokukondjitha uulingilingi, Kawana okwa popi kutya uulingilingi itawu vulu owala okukonditha koshiputudhilo shimwe, ihe oshinakugwanithwa shiiputudhilo oyindji mwakwatelwa aatoolinkundana mboka taya kundaneke nokweeta polweela uulingilingi mboka. Sho a pulwa kombinga yomapopyo ga ningwa kominista yiipindi Tjekero Tweya omasiku gapiti, kutya aatoolinkundana oya fa oodhi, Kawana okwa yamukula kutya epulo ndyoka otali mu thiminike a ponokele omuniilonga pamwe naye.OMUTOOLINKUNDANA GWOMENI

'Inatu ya momuthitu molwa uulingilingi'

Comments

Namibian Sun 2025-05-05

Please login to leave a comment

'Inatu ya momuthitu molwa uulingilingi'

Comments

Namibian Sun 2025-05-05

Please login to leave a comment

Login