‘Inatu gama kAaChina’
Olutu lwoCentral Procurement Board of Namibia olwa tindi kutya olwa gama ombinga komahangano gAaChina, ihe olwa zimine kutya olwa taalela omikundu sha yooloka.
CATHERINE SASMAN
Olutu lwoCentral Procurement Board of Namibia (CPBN) olwa tindi oolopota dhiikundaneki shoka ndhoka tadhi popi kutya olutu ndoka otalu gandja owala omauwanawa molupe lwootendela komahanano gaChina nokupatea pondje omahangano gaakwashigwana yaNamibia, uuna taku gwandjwa ootendela.
Olutu lwoCPBN omasiku ngaka olwa gandjwa ootendela mbali dhokutunga iiputudhilo yopaungomba shoValombola oshowo Nakayale kongushu yoomiliyona 27.7 oshowo 37.8.
Okondalaka yelongelo kumwe lyomuhanga ndyoka olya pewa ehangano lyoAfrica Civil Engineering CC oshowo China State Construction Engineering Corporation.
Shoka osha e ta omanyenyeto okuza komahangano gaatungi moshilongo, ngoka taga popi kutya oge wete okondalaka ndjoka ya li ya pumbwa okupewa omahangano gomoshilongo.
CPBN oya popi kutya oya gandja ootendela ndhoka, sha landula omagwedhelepo ga ningwa kookomitiye dhopaali dhiithikamena.
Olutu ndoka olwa ekelehi woo omapopyo kutya olu na ompumbwe yaanongo nelelo lyankundipala.
Oya popi kutya otaya manitha ekuto miilonga lyaatseyinawa yopautekinika, nokuzimina kutya oya taalela omashongo ogendji unene sho Ompango yoPublic Procurement natango ompe ku kehe gumwe.
Kombinga yomanyano gelelo lyawo, CPBN okwa popi kutya kaye shi olutu ndoka halu tsakanene owala iikando ine nenge ihamano komvula ihe ohaya tsakanene konyala iikando ine nenge yi vule po kehe omwedhi.
CPBN okwa tindi woo oolopota kutya endopo lyawo otali etitha eshunitho monima nemanitho lyegandjo lyootendela.
Oya yamukula kutya ekateko ndyoka otali etithwa komaupyakadhi galwe mwakwatelwa ompumbwe yaaniilonga ya gwana.
Iikumungu yaaniilonga
CPBN okwa popi kutya oya yakula elombwelo okuza kOminista yEmona, Calle Schlettwein muJuli gwomvula ya zi ko kutya omukalo gwetongololo lyaaniilonga ogwa pumbwa okuningilwa omuniilonga kehe ngoka ta pewa ompito yiilonga tayi kalelele.
Sigo okunena, oompito dhiilonga molutu moka odha tseyithwa, uukonaakono wopamapulaapulo owa ningwa na okwa tegelelwa owala iizemo yomakonaakono getongololo opo ku manithwe omakuto miilonga ngoka.
Natango elelepeko lyookondalaka dhiilonga dhaaniilonga yopakathimbo ndhoka dha hulu muMaalista nuumvo, inali talika.
Olutu ndoka natango olwa elekehi omapopyo gomananathano nomakondjo mokati kaakomeho yolutu ndoka, tali popi kutya nonando aaleli molutu oye na omayele ga yooloka pailonga shoka itashi ti kutya otaya kondjithathana.
Nuumvo olutu ndoka olwa zimina ootendela dhi li po 43.
Olutu lwoCentral Procurement Board of Namibia (CPBN) olwa tindi oolopota dhiikundaneki shoka ndhoka tadhi popi kutya olutu ndoka otalu gandja owala omauwanawa molupe lwootendela komahanano gaChina nokupatea pondje omahangano gaakwashigwana yaNamibia, uuna taku gwandjwa ootendela.
Olutu lwoCPBN omasiku ngaka olwa gandjwa ootendela mbali dhokutunga iiputudhilo yopaungomba shoValombola oshowo Nakayale kongushu yoomiliyona 27.7 oshowo 37.8.
Okondalaka yelongelo kumwe lyomuhanga ndyoka olya pewa ehangano lyoAfrica Civil Engineering CC oshowo China State Construction Engineering Corporation.
Shoka osha e ta omanyenyeto okuza komahangano gaatungi moshilongo, ngoka taga popi kutya oge wete okondalaka ndjoka ya li ya pumbwa okupewa omahangano gomoshilongo.
CPBN oya popi kutya oya gandja ootendela ndhoka, sha landula omagwedhelepo ga ningwa kookomitiye dhopaali dhiithikamena.
Olutu ndoka olwa ekelehi woo omapopyo kutya olu na ompumbwe yaanongo nelelo lyankundipala.
Oya popi kutya otaya manitha ekuto miilonga lyaatseyinawa yopautekinika, nokuzimina kutya oya taalela omashongo ogendji unene sho Ompango yoPublic Procurement natango ompe ku kehe gumwe.
Kombinga yomanyano gelelo lyawo, CPBN okwa popi kutya kaye shi olutu ndoka halu tsakanene owala iikando ine nenge ihamano komvula ihe ohaya tsakanene konyala iikando ine nenge yi vule po kehe omwedhi.
CPBN okwa tindi woo oolopota kutya endopo lyawo otali etitha eshunitho monima nemanitho lyegandjo lyootendela.
Oya yamukula kutya ekateko ndyoka otali etithwa komaupyakadhi galwe mwakwatelwa ompumbwe yaaniilonga ya gwana.
Iikumungu yaaniilonga
CPBN okwa popi kutya oya yakula elombwelo okuza kOminista yEmona, Calle Schlettwein muJuli gwomvula ya zi ko kutya omukalo gwetongololo lyaaniilonga ogwa pumbwa okuningilwa omuniilonga kehe ngoka ta pewa ompito yiilonga tayi kalelele.
Sigo okunena, oompito dhiilonga molutu moka odha tseyithwa, uukonaakono wopamapulaapulo owa ningwa na okwa tegelelwa owala iizemo yomakonaakono getongololo opo ku manithwe omakuto miilonga ngoka.
Natango elelepeko lyookondalaka dhiilonga dhaaniilonga yopakathimbo ndhoka dha hulu muMaalista nuumvo, inali talika.
Olutu ndoka natango olwa elekehi omapopyo gomananathano nomakondjo mokati kaakomeho yolutu ndoka, tali popi kutya nonando aaleli molutu oye na omayele ga yooloka pailonga shoka itashi ti kutya otaya kondjithathana.
Nuumvo olutu ndoka olwa zimina ootendela dhi li po 43.
Comments
Namibian Sun
No comments have been left on this article