Ina ku ningwa natango etokolo moshiningwanima shomoRundu
Omunambelelwa omukuluntu gopolisi yaNamibia,
Sebastian Ndeitunga okwa tindi kutya Komanda gwopolisi yaRundu okwa tulwa ponkatu yopevi omolwa edhipago lyaantu yatano ndyoka lya ningwa moRundu omasiku ga piti.
Pankundana ndjoka ya li ya pitithwa kushimwe shomiikundaneki, Haingura okwa pewa ompito yiilonga yopevi moombelewa oonene dhopolisi mOvenduka, moka a ningi omukomeho omutonateli gwoompungulilo.
Ndeitunga okwa tindi ehokololo ndyoka ta popi kutya, ndyoka elundululo owala lya ningwa na kali na sha naashoka sha holoka moRundu.
“Olye a popi kutya okwa tulwa pevi? oompungulilo otadhi vulu okukaalelwa nokomunambelewa e na ombandi yochief inspector.
Otayi nompito ye yiilonga ndjoka a kala nayo moRundu, nelundululo ndyoka olya adhika li li po nale kali na sha naashoka sha holoka poo manga a li omukomeho gwosasiyona yopolisi moRundu.”
Ndeitunga okwa popi kutya inaku ningwa natango etokolo mwaashoka sha hokoka moRundu, molwaashoka otaku ningwa natango omakonaakono, nongele opolisi oya monika ondjo kutya oya longa nuuhasha nena po nduno taku ka ningwa omatokolo.
Omukomeho gwopolisi oshiwike sha piti okwa kunkilile aanambelewa ye kutya itaka idhidhimikila mboka itaya gwanitha po iilonga oshowo elongo lyuulingilingi.
Pethimbo ndyoka, Ndeitunga okwa popi kutya shoka sha holoka moRundu otashi yemateke na oshili oshiyolitha oshinene, sho omukwashigwana li a ka konga ekwatho ihe okwa lombwelwa kopolisi kutya kape na iihauto, na inaku shangwa nomembo lyawo lyolopota oshinima shoka.
Okwa popi kutya otashi yolitha sho ka pwali iihauto yokuka kwatha opo ku yandwe oshiningwanima shoka, ihe konima yoshiningwwanima iihauto yopolisi ya thika po 12 oya yi kehala lyoshiningwanima.
JEMIMA BEUKES
Sebastian Ndeitunga okwa tindi kutya Komanda gwopolisi yaRundu okwa tulwa ponkatu yopevi omolwa edhipago lyaantu yatano ndyoka lya ningwa moRundu omasiku ga piti.
Pankundana ndjoka ya li ya pitithwa kushimwe shomiikundaneki, Haingura okwa pewa ompito yiilonga yopevi moombelewa oonene dhopolisi mOvenduka, moka a ningi omukomeho omutonateli gwoompungulilo.
Ndeitunga okwa tindi ehokololo ndyoka ta popi kutya, ndyoka elundululo owala lya ningwa na kali na sha naashoka sha holoka moRundu.
“Olye a popi kutya okwa tulwa pevi? oompungulilo otadhi vulu okukaalelwa nokomunambelewa e na ombandi yochief inspector.
Otayi nompito ye yiilonga ndjoka a kala nayo moRundu, nelundululo ndyoka olya adhika li li po nale kali na sha naashoka sha holoka poo manga a li omukomeho gwosasiyona yopolisi moRundu.”
Ndeitunga okwa popi kutya inaku ningwa natango etokolo mwaashoka sha hokoka moRundu, molwaashoka otaku ningwa natango omakonaakono, nongele opolisi oya monika ondjo kutya oya longa nuuhasha nena po nduno taku ka ningwa omatokolo.
Omukomeho gwopolisi oshiwike sha piti okwa kunkilile aanambelewa ye kutya itaka idhidhimikila mboka itaya gwanitha po iilonga oshowo elongo lyuulingilingi.
Pethimbo ndyoka, Ndeitunga okwa popi kutya shoka sha holoka moRundu otashi yemateke na oshili oshiyolitha oshinene, sho omukwashigwana li a ka konga ekwatho ihe okwa lombwelwa kopolisi kutya kape na iihauto, na inaku shangwa nomembo lyawo lyolopota oshinima shoka.
Okwa popi kutya otashi yolitha sho ka pwali iihauto yokuka kwatha opo ku yandwe oshiningwanima shoka, ihe konima yoshiningwwanima iihauto yopolisi ya thika po 12 oya yi kehala lyoshiningwanima.
JEMIMA BEUKES
Comments
Namibian Sun
No comments have been left on this article