Iiyamakuti tayi tula moshiponga oomwenyo dhaantu nodhiimuna
Uuministeli womidhingoloko owa lopota kutya iiyamakuti oyindji mbyoka ya li ya zi moshikunino shiinamwenyo mEtosha National Park uule woomwedhi dha piti, oya shunamo kakele koompanda mbali ndhoka dha li dha hupithwa kaanambelewa yuuministeli oshowo onkoshi ndjoka ya dhipagwa pUulungawakolondo.
Uuministeli owa holola woo kutya, Fillemon Shuumbwa Nangolo, gumwe gwomwaamboka ya ulikwa onga Omukwaniilwa gwaNdonga, okwa pula uuministeli wu kuthemo Ongalangombe, ndjoka ya kala tayi napa niimuna ye mombala ye pOnambango popepi nOndangwa, konyala oshinano shookilometa 100 okuza mEtosha.
Uuministeli owa popi kutya osha nika oshiponga noonkondo ketaandelo lyomikithi unene koongombe. Oongalangombe odho unene hadhi kala nombuto yocatarrhal fever, ombuto ndjoka hayi taandele mbala moongombe nokudhipaga oongombe muule woshiwike shimwe konima ya holola omadhidhiliko gombuto ndjoka.
Ombuto ndjoka otayi vulu okutaandela koongombe okuza kongalangombe yi li popepi oshinano shoometa 100, onkene oongombe odha pumbwa okukala kokule noongalangombe konyala oshinano shokilometa yimwe.
Ofaalama yoongalangombe otayi uthwa paveta opo yi kale noodhalate oombali. Uule woomwedhi dha piti, iiyamakuti oyindji oya zi mo mEtosha na oya kala owala tayi ende ya manguluka. Osha landula eponokelo konkoshi lyomunahambo Elia Usiku gwoomvula 49, momasiku 23 gaMaalitsa popepi nokamba yaakwiita pUulungawakolondo.
Okuza mpoka, oongolo, oosino oshowo oongalangombe odha tameke tadhi monika monooli yoshilongo.
Momasiku ga 3 gaApilili opwali iikulumanene mUukwiyu-Uushona moshitopolwa shaShana oshowo Omuntele mOshikoto, moka aakwashigwana ya talelwa po koompanda mbali oonduudhe.
Omupopiliko guuministeli mboka, Romeo Muyunda okwa koleke koNamibian Sun kutya iinamwenyo oyindji oya shunamo kuyoyene kakele owala kwaamboka ya kala kondje ihe iishona yowala.
Okwa popi kutya ope na ongolo ndjoka tayi adhika oshinano shookilometa 20 okuza mOshakati.
Omuleli gwopamuthigululwakalo mOnambango, Kashona Malulu okwa popi kutya pethimbo lyoosa dhOmukwaniilwa nale gwaNdonga, Immanuel Kauluma Elifas omwedhi gwa piti, ongalangombe oya yi moongombe dhanangolo, pegumbo lye pOnambango omanga inayi ya moongombe dhe.
“Esiku limwe omutenya, ongalangombe oya nhuka odhalate yaNangolo nokuya yuukilila koshigunda she ihe kamwa li oongombe pethimbo ndyoka. Oya kala moshigunda nomutenya sho iimuna ya galuka oya zi mo. Sho iimuna ya yi koshigunda nayo oya yi nokuza kesiku ndyoka oya kala tayi napa pamwe niimuna ye,” Malulu a popi.
Muyunda okwa popi kutya ongalangombe ndjoka oya li ya shunithwa kEtosha, keindilo lyaningwa kuShuumbwa.
Omunambelewa ngoka okwa popi kutya otaya konene kutya iiyamakuti oya taukamo mEtosha sho tayi kongo uunapelo oshowo omeya omolwa onkalo yakukuta moshikunino shoka shiinamwenyo.
Uuministeli womidhingoloko owa pumbwa konyala oshimaliwa sha thika poomiliyona 500 opo wu longe odhalate yoshikunino shoka, ko ku vule okuyandwa iiyamakuti mbyoka tayi iyaka mo moshikunino.
ILENI NANDJATO
Uuministeli owa holola woo kutya, Fillemon Shuumbwa Nangolo, gumwe gwomwaamboka ya ulikwa onga Omukwaniilwa gwaNdonga, okwa pula uuministeli wu kuthemo Ongalangombe, ndjoka ya kala tayi napa niimuna ye mombala ye pOnambango popepi nOndangwa, konyala oshinano shookilometa 100 okuza mEtosha.
Uuministeli owa popi kutya osha nika oshiponga noonkondo ketaandelo lyomikithi unene koongombe. Oongalangombe odho unene hadhi kala nombuto yocatarrhal fever, ombuto ndjoka hayi taandele mbala moongombe nokudhipaga oongombe muule woshiwike shimwe konima ya holola omadhidhiliko gombuto ndjoka.
Ombuto ndjoka otayi vulu okutaandela koongombe okuza kongalangombe yi li popepi oshinano shoometa 100, onkene oongombe odha pumbwa okukala kokule noongalangombe konyala oshinano shokilometa yimwe.
Ofaalama yoongalangombe otayi uthwa paveta opo yi kale noodhalate oombali. Uule woomwedhi dha piti, iiyamakuti oyindji oya zi mo mEtosha na oya kala owala tayi ende ya manguluka. Osha landula eponokelo konkoshi lyomunahambo Elia Usiku gwoomvula 49, momasiku 23 gaMaalitsa popepi nokamba yaakwiita pUulungawakolondo.
Okuza mpoka, oongolo, oosino oshowo oongalangombe odha tameke tadhi monika monooli yoshilongo.
Momasiku ga 3 gaApilili opwali iikulumanene mUukwiyu-Uushona moshitopolwa shaShana oshowo Omuntele mOshikoto, moka aakwashigwana ya talelwa po koompanda mbali oonduudhe.
Omupopiliko guuministeli mboka, Romeo Muyunda okwa koleke koNamibian Sun kutya iinamwenyo oyindji oya shunamo kuyoyene kakele owala kwaamboka ya kala kondje ihe iishona yowala.
Okwa popi kutya ope na ongolo ndjoka tayi adhika oshinano shookilometa 20 okuza mOshakati.
Omuleli gwopamuthigululwakalo mOnambango, Kashona Malulu okwa popi kutya pethimbo lyoosa dhOmukwaniilwa nale gwaNdonga, Immanuel Kauluma Elifas omwedhi gwa piti, ongalangombe oya yi moongombe dhanangolo, pegumbo lye pOnambango omanga inayi ya moongombe dhe.
“Esiku limwe omutenya, ongalangombe oya nhuka odhalate yaNangolo nokuya yuukilila koshigunda she ihe kamwa li oongombe pethimbo ndyoka. Oya kala moshigunda nomutenya sho iimuna ya galuka oya zi mo. Sho iimuna ya yi koshigunda nayo oya yi nokuza kesiku ndyoka oya kala tayi napa pamwe niimuna ye,” Malulu a popi.
Muyunda okwa popi kutya ongalangombe ndjoka oya li ya shunithwa kEtosha, keindilo lyaningwa kuShuumbwa.
Omunambelewa ngoka okwa popi kutya otaya konene kutya iiyamakuti oya taukamo mEtosha sho tayi kongo uunapelo oshowo omeya omolwa onkalo yakukuta moshikunino shoka shiinamwenyo.
Uuministeli womidhingoloko owa pumbwa konyala oshimaliwa sha thika poomiliyona 500 opo wu longe odhalate yoshikunino shoka, ko ku vule okuyandwa iiyamakuti mbyoka tayi iyaka mo moshikunino.
ILENI NANDJATO
Comments
Namibian Sun
No comments have been left on this article