Iitopolwa yomonooli yiimanga kumwe
Iitopolwa itatu yomonooli yoshilongo oya tokola okulongela kumwe opo yi vule okuyambulapo oonkalamwenyo dhaakalimo yomiitopolwa mbyoka.
Iitopolwa shaHangwena, Oshikoto oshowo Kavango West oya yi metsokumwe lyelongelokumwe lya nuninwa okutopola omauyelele oshowo oonzo dhomayambulepo.
Ekwatathano ndyoka otali ka tala unene komayakulo guundjolowele, oopate, eyandjakaneko lyolusheno miitopolwa yomuushayi, elongo, evi, oonzo dhopaushitwe, omagumbo oshowo omauyelele nomakwatathano gopautekinika.
Ngoloneya gwoshitopolwa shaHangwena, Usko Nghaamwa okwa popi kutya etsokumwe ndyoka otali ulike kutya epangelo itali kotha na otali dhilaadhila omausiku agehe nkene li na okutula miilonga oompangela dhokuyambulapo aakwashigwana ya vule okutyapula iiyimati yemanguluko lyoshilongo.
Nghaamwa okwa popi kutya aakwashigwana oye li ya tegelela epangelo li ya faalele omayakulo popepi unene mboka yeli koongamba dhiitopolwa.
Etsokumwe lyelongelokumwe ndyoka olya shainwa mEtitatu mOkongo moshitopolwa shaHangwena.
Oshituthi shoka osha kaliwa kaanambelewa yepangelo miikondo ya yooloka oshowo aanapolotika.
Omunambelewa omukomeho moshitopolwa shaHangwena, Fillipus Shilongo okwa lombwele aakuthimbinga ayehe kutya opo etsokumwe ndyoka li tulwe miilonga nokwaadha omalalakano galyo noonakukutha ombinga ayehe oya pumbwa okutula miilonga ooprograma nokuninga omapekaapeko.
Oya lombwelwa opo ya tothemo ooprograma dhopaufupi oshowo ndhoka dhuulethimbo noopoloyeka, yo taya topola omauyelele gomayambulepo naakwashigwana yiitopolwa mbyoka, mokunkondopeka omayambulepo.
Iitopolwa mboka itatu oyimwe yomiitopolwa mbyoka yi na aakwashigwana yomwaalu guli pombanda na oya taalela unene oluhepo.
Ngoloneya Nghaamwa okwa popi kutya oshi li oshinakugwantihwa shawo okukwashilipaleka kutya ha omukwashigwana gwaNamibia ta patelwa pondje onkene ota yambidhidha noonkondo oshiyetwapo shoka sha nuninwa okukondopeka omayambulepo.
Okwa gwedha po kutya okwa nyanyukwa sho etsokumwe ndyoka tali ka yambulapo oshikondo shuundjolowele, omakwatathano, oonzo dhopaushitwe, elongo oshowo omauyelele nomakwatathano oshowo omayambulepo gamwe giitopolwa.
Omunashipundi gwelelo lyoshitopolwa shaShikoto, Samuel Shivute okwa popi kutya etsokumwe ndyoka otali gandja ompito ombwaanawa yelongelokumwe miikumungu yomayambulepo nokutula miilonga oopoloyeka dhomayambulepo moshitopolwa she.
“Etsokumwe ndika otali ka hwahwameka elongelokumwe ewanawa netopolo lyomauyelele kombinga yomayambulepo goshigwana mokati kiitopolwa mbika itatu, okupitila mekwatathano ewanawa pokati kiitopolwa noompangela dha nuninwa oopoloyeka dhegandjo lyomayakulo.”
Omunashipundi gwelelo lyoshitopolwa shaKavango West, Joseph Sivaku Sikongo okwa indile aanambelewa ya kwashilipaleke kutya etsokumwe ndyoka, ondokumende ndjoka tayi gandja ongushu koonkalamwenyo dhaakalimo.
ILENI NANDJATO
Ekwatathano ndyoka otali ka tala unene komayakulo guundjolowele, oopate, eyandjakaneko lyolusheno miitopolwa yomuushayi, elongo, evi, oonzo dhopaushitwe, omagumbo oshowo omauyelele nomakwatathano gopautekinika.
Ngoloneya gwoshitopolwa shaHangwena, Usko Nghaamwa okwa popi kutya etsokumwe ndyoka otali ulike kutya epangelo itali kotha na otali dhilaadhila omausiku agehe nkene li na okutula miilonga oompangela dhokuyambulapo aakwashigwana ya vule okutyapula iiyimati yemanguluko lyoshilongo.
Nghaamwa okwa popi kutya aakwashigwana oye li ya tegelela epangelo li ya faalele omayakulo popepi unene mboka yeli koongamba dhiitopolwa.
Etsokumwe lyelongelokumwe ndyoka olya shainwa mEtitatu mOkongo moshitopolwa shaHangwena.
Oshituthi shoka osha kaliwa kaanambelewa yepangelo miikondo ya yooloka oshowo aanapolotika.
Omunambelewa omukomeho moshitopolwa shaHangwena, Fillipus Shilongo okwa lombwele aakuthimbinga ayehe kutya opo etsokumwe ndyoka li tulwe miilonga nokwaadha omalalakano galyo noonakukutha ombinga ayehe oya pumbwa okutula miilonga ooprograma nokuninga omapekaapeko.
Oya lombwelwa opo ya tothemo ooprograma dhopaufupi oshowo ndhoka dhuulethimbo noopoloyeka, yo taya topola omauyelele gomayambulepo naakwashigwana yiitopolwa mbyoka, mokunkondopeka omayambulepo.
Iitopolwa mboka itatu oyimwe yomiitopolwa mbyoka yi na aakwashigwana yomwaalu guli pombanda na oya taalela unene oluhepo.
Ngoloneya Nghaamwa okwa popi kutya oshi li oshinakugwantihwa shawo okukwashilipaleka kutya ha omukwashigwana gwaNamibia ta patelwa pondje onkene ota yambidhidha noonkondo oshiyetwapo shoka sha nuninwa okukondopeka omayambulepo.
Okwa gwedha po kutya okwa nyanyukwa sho etsokumwe ndyoka tali ka yambulapo oshikondo shuundjolowele, omakwatathano, oonzo dhopaushitwe, elongo oshowo omauyelele nomakwatathano oshowo omayambulepo gamwe giitopolwa.
Omunashipundi gwelelo lyoshitopolwa shaShikoto, Samuel Shivute okwa popi kutya etsokumwe ndyoka otali gandja ompito ombwaanawa yelongelokumwe miikumungu yomayambulepo nokutula miilonga oopoloyeka dhomayambulepo moshitopolwa she.
“Etsokumwe ndika otali ka hwahwameka elongelokumwe ewanawa netopolo lyomauyelele kombinga yomayambulepo goshigwana mokati kiitopolwa mbika itatu, okupitila mekwatathano ewanawa pokati kiitopolwa noompangela dha nuninwa oopoloyeka dhegandjo lyomayakulo.”
Omunashipundi gwelelo lyoshitopolwa shaKavango West, Joseph Sivaku Sikongo okwa indile aanambelewa ya kwashilipaleke kutya etsokumwe ndyoka, ondokumende ndjoka tayi gandja ongushu koonkalamwenyo dhaakalimo.
ILENI NANDJATO
Comments
Namibian Sun
No comments have been left on this article