Iitopolwa yomonooli tayi dhengwa kompumbwe yomeya
Ehangano lyoNamwater olya taalela ompumbwe yomeya mondama yawo yomondoolopa yaShakati, omolwa iilonga mbyoka tayi longwa mondama yaCalueque.
Omahala ogendji ngoka haga mono omeya okuzilila mOshakati ngaashi Ambende, Omuntele, Otatashe, Akazulu, Oshakati, Ondangwa nOndwediva otaga dhengwa konkalo ndjoka.
Omupopiliko gwehangano lyoNamWater, Johannes Shigwedha okwa lombwele oNamibian Sun kutya muJuli gwonuumvo, ehangano lyoNamWater olya tameke iilonga yopoloyeka yokulonga omunino ngoka hagu nana omeya okuza momulonga guukitha mokanala kaCalueque.
“Opo tu longe iilonga yetu yopoloyeka ndjoka, nena opomba yimwe yomoopomba mbali dhomondama ndjoka oyi na omupatwa opo iilonga yi tameke. Shoka osha li tashi ende nawa poomwedhi dhuutalala muJuli naAguste sho elongitho lyomeya lya li pevi noondama dhomevi odha li natango dhuudha omeya ihe elongitho lyomeya ngashiingeyi olya londa pombanda momwedhi Sepetemba naKotomba nopomba yimwe ndjoka tayi longo itayi vulu okukandula po ompumbwe yomeya ndjoka,” Shigwedha a popi.
Shigwedha okwa tsikile kutya oompungulilo dhomeya monooli odhina omeya omashona na itadhi vulu natango okukandula po ompumbwe yomeya.
“Otatu topola omeya moominino dhetu adhihe omutenya, kakele komunino gwaSouth Feeder nAmbende okuza mOmuthiya. Kongulohi ohatu topolele omunino gwoompungulilo dhaNgwediva opo tu vule woo okugandja omeya kOndangwa oshowo Oshali, Okatope nOmuthiya moshitopolwa shaShikoto. Okwa popi kutya oopomba dhaShakati ohadhi patwa potundi onti-22 nopomba ontitatu ohayi gandja omeya mOmakango. Moshikoto, omudhingoloko gwAmbende ohagu pewa omeya taga zilile mopomba yaMuntele mOndangwa na kakushi kOmuthiya ngaashi shito. Opomba yaSouth Feeder oya kala ya pwatwa omutenya na oya patululwa ohela potundi 19h00 opo yi gandje omeya mOtatashe , Akazulu oshowo Eengodi. Ondjele yomeya mOgongo, Oshakati, Ongwediva nOkatope itayi yi pombanda naashoka osho sha e ta ompumbwe yomeya mEtitano nOlyomakaya.”
Okwa popi kutya omeya mokanala otaga kondololwa nondjele yomeya mOgongo oya ya pombanda omolwa omeya ngoka taga zilile ombululu yaShakati okupita mOshikuku. Okwa popi kutya ota gandja ombili omolwa olopota ye yesiku lya piti kutya omeya ngoka ogeli pokati kaShikuku nOshakati ihe Ombalantu nOgongo.
Oshipangelo shaShakati osha lopota sha taalela ompumbwe yomeya, ihe Shigwedha okwa popi kutya uupyakadhi womoshipangelo shoka itawu kwatakanithwa niilonga yopoloyeka yawo, nompumbwe ndjoka inayi kwatathana nompumbwe ndjoka yeetwa po kiilonga mbyoka ya tameke.
Omupopiliko gwondoolopa yaNgwediva, Jackson Muma okwa popi kutya oya kala taya topolele aakalimo yawo omeya okuza moompungulilo dhawo mOsoondaha omolwa ompumbwe yomeya.
MuMei nuumvo, pokati kOgongo moshitopolwa shaMusati nOshakati moshitopolwa shaShana, okanala okali ka yonuka nokuya evi sha etithwa kefundja nomeya okuza kondama yaCalueque ka gali taga thiki mondama yaShakati.
Ehangano lyaNamWater olya manitha woo etungo lyoompungulilo dhomeya mOshakati dhongushu yoomiliyona 33, opo ku vule okukandulwa ompumbwe yomeya momidhingoloko dhoka dhiikolelela momeya gaShakati.
Omidhingoloko dhanooli olundji ohadhi kala dha taalela ompumbwe yomeya sho omvula ya piti muAguste kwa li kwa holoka uupyakadhi wompumbwe yomeya moshitopolwa shaHangwena, Oshikoto nOshana oya kala owala tayi mono omeya omashona.
Shigwedha okwa popi kutya ompumbwe yomeya monooli oya londo pombanda noopresenda 300 konima nkene oshilongo sha manguluka noompungulilo dhomeya mOshakati itadhi vulu okukandulapo ompumbwe ndjoka, omolwa omwaalu omunene gwaakwashigwana mboka taya longitha omeya ngashiingeyi.
Eenhana nandho odha li hadhi kala mompumbwe yomeya sho dhali hadhi mono omeya okuza mOshakati okupitila mOndangwa, Iindangungu , Oshigambo, Onambutu, Ondobe ihe ngashiingeyi ondoolopa ndjoka otayi mono omeya okuza moomboola dhomomudhingoloko ngoka.
ILENI NANDJATO
Omahala ogendji ngoka haga mono omeya okuzilila mOshakati ngaashi Ambende, Omuntele, Otatashe, Akazulu, Oshakati, Ondangwa nOndwediva otaga dhengwa konkalo ndjoka.
Omupopiliko gwehangano lyoNamWater, Johannes Shigwedha okwa lombwele oNamibian Sun kutya muJuli gwonuumvo, ehangano lyoNamWater olya tameke iilonga yopoloyeka yokulonga omunino ngoka hagu nana omeya okuza momulonga guukitha mokanala kaCalueque.
“Opo tu longe iilonga yetu yopoloyeka ndjoka, nena opomba yimwe yomoopomba mbali dhomondama ndjoka oyi na omupatwa opo iilonga yi tameke. Shoka osha li tashi ende nawa poomwedhi dhuutalala muJuli naAguste sho elongitho lyomeya lya li pevi noondama dhomevi odha li natango dhuudha omeya ihe elongitho lyomeya ngashiingeyi olya londa pombanda momwedhi Sepetemba naKotomba nopomba yimwe ndjoka tayi longo itayi vulu okukandula po ompumbwe yomeya ndjoka,” Shigwedha a popi.
Shigwedha okwa tsikile kutya oompungulilo dhomeya monooli odhina omeya omashona na itadhi vulu natango okukandula po ompumbwe yomeya.
“Otatu topola omeya moominino dhetu adhihe omutenya, kakele komunino gwaSouth Feeder nAmbende okuza mOmuthiya. Kongulohi ohatu topolele omunino gwoompungulilo dhaNgwediva opo tu vule woo okugandja omeya kOndangwa oshowo Oshali, Okatope nOmuthiya moshitopolwa shaShikoto. Okwa popi kutya oopomba dhaShakati ohadhi patwa potundi onti-22 nopomba ontitatu ohayi gandja omeya mOmakango. Moshikoto, omudhingoloko gwAmbende ohagu pewa omeya taga zilile mopomba yaMuntele mOndangwa na kakushi kOmuthiya ngaashi shito. Opomba yaSouth Feeder oya kala ya pwatwa omutenya na oya patululwa ohela potundi 19h00 opo yi gandje omeya mOtatashe , Akazulu oshowo Eengodi. Ondjele yomeya mOgongo, Oshakati, Ongwediva nOkatope itayi yi pombanda naashoka osho sha e ta ompumbwe yomeya mEtitano nOlyomakaya.”
Okwa popi kutya omeya mokanala otaga kondololwa nondjele yomeya mOgongo oya ya pombanda omolwa omeya ngoka taga zilile ombululu yaShakati okupita mOshikuku. Okwa popi kutya ota gandja ombili omolwa olopota ye yesiku lya piti kutya omeya ngoka ogeli pokati kaShikuku nOshakati ihe Ombalantu nOgongo.
Oshipangelo shaShakati osha lopota sha taalela ompumbwe yomeya, ihe Shigwedha okwa popi kutya uupyakadhi womoshipangelo shoka itawu kwatakanithwa niilonga yopoloyeka yawo, nompumbwe ndjoka inayi kwatathana nompumbwe ndjoka yeetwa po kiilonga mbyoka ya tameke.
Omupopiliko gwondoolopa yaNgwediva, Jackson Muma okwa popi kutya oya kala taya topolele aakalimo yawo omeya okuza moompungulilo dhawo mOsoondaha omolwa ompumbwe yomeya.
MuMei nuumvo, pokati kOgongo moshitopolwa shaMusati nOshakati moshitopolwa shaShana, okanala okali ka yonuka nokuya evi sha etithwa kefundja nomeya okuza kondama yaCalueque ka gali taga thiki mondama yaShakati.
Ehangano lyaNamWater olya manitha woo etungo lyoompungulilo dhomeya mOshakati dhongushu yoomiliyona 33, opo ku vule okukandulwa ompumbwe yomeya momidhingoloko dhoka dhiikolelela momeya gaShakati.
Omidhingoloko dhanooli olundji ohadhi kala dha taalela ompumbwe yomeya sho omvula ya piti muAguste kwa li kwa holoka uupyakadhi wompumbwe yomeya moshitopolwa shaHangwena, Oshikoto nOshana oya kala owala tayi mono omeya omashona.
Shigwedha okwa popi kutya ompumbwe yomeya monooli oya londo pombanda noopresenda 300 konima nkene oshilongo sha manguluka noompungulilo dhomeya mOshakati itadhi vulu okukandulapo ompumbwe ndjoka, omolwa omwaalu omunene gwaakwashigwana mboka taya longitha omeya ngashiingeyi.
Eenhana nandho odha li hadhi kala mompumbwe yomeya sho dhali hadhi mono omeya okuza mOshakati okupitila mOndangwa, Iindangungu , Oshigambo, Onambutu, Ondobe ihe ngashiingeyi ondoolopa ndjoka otayi mono omeya okuza moomboola dhomomudhingoloko ngoka.
ILENI NANDJATO
Comments
Namibian Sun
No comments have been left on this article