Iipongolo yaShomwele ya fumvikwa pOndjadjaxwi
Oomvula 51 sho ali a dhipagwa
Otakufekelwa kutya Pastoli Shomwele okwali a dhipagwa kOmakakunya pethimbo lyiita mo-1968.
ILENI NANDJATO
Iipongolo yaSimon Haufiku Shomwele, ngoka a hulitha oomvula 51 dha piti, oya fumbululwa mo mEtitano lya piti nokufumvikwa pOndjadjaxwi moshitopolwa shaHangwena mOlyomakaya.
Shoka osha ningwa konima sho Ompangu yoPashitopolwa shaHangwena ya gandjwa epitiko opo iipongolo mbyoka yi fumbululwemo yo yi fumbikwe ishewe nelalakano okugandja efumbiko lyopauntu kunakusa ngoka kwa hololwa a li a fumbikwa miihwa.
Ofamili yanakusa oya fumbulamo iipongolo mEtitano nokuyigandja kehangano lyokulongekidha omafumbiko na oya fumbikwa mOlyomakaya.
Shomwele, ngoka a li omusita pOndjadjaxwi, okwa dhipagwa omanga a Ii molweendo okuya kegumbo okuza koshinagoga shomomudhingoloko ngoka na okwa fumbikwa miihwa momvula yomo 1968. Kakele kiipongolo mbyoka ya adhika mombila moka a li a fumbikwa, omwa adhika woo ongaku dhoka a li a zala esiku ndyoka a dhipagwa.
Pahapu dhaHendrina Nabot, gumwe gwomaanona yaShomwele,ofamili oya kala yahala okugandja efumbiko lyopauntu kuye, nangashiingeyi oye na ombili sho ya tungile woo he emanya kombila ye.
Ofamili oya popi kutya, Shomwele, okwa valwa momvula yo 1915, na okwa dhipagwa mOsoondaha yomasiku 15 gaApilili momvula yo 1968 konima sho a li a ningi elongelokalunga mOhalushu.
Ofamili oya pula epitiko okuza komalelo opo yi vule okufumbululamo iipongolo ye yo yi vule oku mu fumbika pasimaneko. Eindilo lyawo olya yambidhidhwa kElelo lyoPamuthigululwakalo lyUukwanyama oshowo aakwashigwana yomOhangwena.
Mombapila ndjoka a shanga momasiku gatatu gaDecemba 2019, Mangestrata mOmpangulilo yoPashitopolwa yaHangwena, Leopold Hangalo okwa gandja ezimino opo ofamili yi pule komeho nomalongekidho ngoka.
“Sho nda lesha omukanda ngoka gwa shangwa kElelo lyoPamuthigululwakalo lyUukwanyama momasiku 17 gaJuli 2019, ezimino otali gandjwa mpaka kwiikwatelelwa kontopolwa ontiyali yOmpango yoBurial Place Ordinance 27 yomo 1966, opo ku vule okufumbululwamo iipongolo yanakusa Shomwele yi vule okufumbikwa,” Hangalo a shanga.
caption
A PEWA EFUMBIKO LYOPAUNTU: Iipongolo yaSimon Haufiku Shomwele, ngoka a hulitha momvula yo1968, oya fumbululwamo na oya fumbikwa mehuliloshiwike lya piti pOndjadjaxwi.
ETHANO: ILENI NANDJATO
Otakufekelwa kutya Pastoli Shomwele okwali a dhipagwa kOmakakunya pethimbo lyiita mo-1968.
ILENI NANDJATO
Iipongolo yaSimon Haufiku Shomwele, ngoka a hulitha oomvula 51 dha piti, oya fumbululwa mo mEtitano lya piti nokufumvikwa pOndjadjaxwi moshitopolwa shaHangwena mOlyomakaya.
Shoka osha ningwa konima sho Ompangu yoPashitopolwa shaHangwena ya gandjwa epitiko opo iipongolo mbyoka yi fumbululwemo yo yi fumbikwe ishewe nelalakano okugandja efumbiko lyopauntu kunakusa ngoka kwa hololwa a li a fumbikwa miihwa.
Ofamili yanakusa oya fumbulamo iipongolo mEtitano nokuyigandja kehangano lyokulongekidha omafumbiko na oya fumbikwa mOlyomakaya.
Shomwele, ngoka a li omusita pOndjadjaxwi, okwa dhipagwa omanga a Ii molweendo okuya kegumbo okuza koshinagoga shomomudhingoloko ngoka na okwa fumbikwa miihwa momvula yomo 1968. Kakele kiipongolo mbyoka ya adhika mombila moka a li a fumbikwa, omwa adhika woo ongaku dhoka a li a zala esiku ndyoka a dhipagwa.
Pahapu dhaHendrina Nabot, gumwe gwomaanona yaShomwele,ofamili oya kala yahala okugandja efumbiko lyopauntu kuye, nangashiingeyi oye na ombili sho ya tungile woo he emanya kombila ye.
Ofamili oya popi kutya, Shomwele, okwa valwa momvula yo 1915, na okwa dhipagwa mOsoondaha yomasiku 15 gaApilili momvula yo 1968 konima sho a li a ningi elongelokalunga mOhalushu.
Ofamili oya pula epitiko okuza komalelo opo yi vule okufumbululamo iipongolo ye yo yi vule oku mu fumbika pasimaneko. Eindilo lyawo olya yambidhidhwa kElelo lyoPamuthigululwakalo lyUukwanyama oshowo aakwashigwana yomOhangwena.
Mombapila ndjoka a shanga momasiku gatatu gaDecemba 2019, Mangestrata mOmpangulilo yoPashitopolwa yaHangwena, Leopold Hangalo okwa gandja ezimino opo ofamili yi pule komeho nomalongekidho ngoka.
“Sho nda lesha omukanda ngoka gwa shangwa kElelo lyoPamuthigululwakalo lyUukwanyama momasiku 17 gaJuli 2019, ezimino otali gandjwa mpaka kwiikwatelelwa kontopolwa ontiyali yOmpango yoBurial Place Ordinance 27 yomo 1966, opo ku vule okufumbululwamo iipongolo yanakusa Shomwele yi vule okufumbikwa,” Hangalo a shanga.
caption
A PEWA EFUMBIKO LYOPAUNTU: Iipongolo yaSimon Haufiku Shomwele, ngoka a hulitha momvula yo1968, oya fumbululwamo na oya fumbikwa mehuliloshiwike lya piti pOndjadjaxwi.
ETHANO: ILENI NANDJATO
Comments
Namibian Sun
No comments have been left on this article