Iimaliwa yoSME Bank otashi vulika yi kanenene
Eindilo lyompangu lyomeendelelo lya ningwa kwaamboka taya kwatele komeho oshikumungu shekano lyiimaliwa yombaanga yoSME Bank, olya holola polweela kutya iimaliwa mbyoka ya kana mombaanga ndjoka kayi wetike kutya oya uka peni moSouth Afrika.
Ompangu yopombanda yaVenduka oya gandja omulilo omuzizi kuDavid Bruni naIan McLaren opo ya vule okulandula omakonaakono agehe ngaashi tashi uthwa koompangu dhopombanda dhaSouth Afrika oshowo dhaZimbambwe molukongo lwoomiliyona dhombaanga yoSME Bank ndhoka dha kana.
Sha landula eindilo lyomeendelelo ndyoka lya ningwa mEtitano, Omupeha Omupanguli Hosea Angula okwa tseyitha kutya aanambelewa mboka yaali oye na uuthemba okulandula kehe omakonaakono ga kwatelamo ngoka gokukutha ko omaliko ngaashi tashi pumbiwa mepatitho lyombanga ndjoka.
Momikanda dhe dhopampangu, Bruni okwa lombwele ompangu kutya ope na okwaahatsakumwe momapopyo gongaamba kutya oya pungula iimaliwa iingapi na oya pungulwa peni.
Bruni okwa popi kutya oomiliyona 196 odha pungulwa moMamepe Capital, noomiliyona 150 odha li dha kuthwa mo momapungulo moka nokupungulwa ishewe moVBS Mutual Bank, moSouth Africa. Nonando ongaaka uuyelele mboka wa gandjwa koVBS owa holola kutya okwa ningwa omapungulo patatu goomiliyona 185, nomwaalu ngoka oguli pombanda gwa pitilila omwaalu gwiimaliwa ngoka gwa uthwa okupitikwa komunambelewa omukuluntu gwombaanga ndjoka Tawanda Mumvuma, namenindjera giimaliwa mombaanga ndjoka ina vula okugandja uumbangi ngele omalundululo giimaliwa mbyoka oga ningwa nepitiko lyelelo lyombaanga.
“Momasiku 30 gaSepetemba 2016, oomiliyona 50 odha li dha tegelelwa okuza ko VBS ihe okwa zi owala oomiliyona 37 momasiku 14 gaKotomba omvula oyo tuu ndjoka,” Bruni a popi.
MuDesemba gwo 2016, ina ku monika uuyelele washa kombinga yomapungulo ngoka ga ningwa kombaanga ndjoka moMamepe nenge moVBS.
Omiyalu dhoVBS odha ulike kutya pokati kesiku lyotango lyaJanuari mo 2014 sigo omwedhi Malitsa momasiku 22 momvula yo 2017, oomiliyona owala 10 dha tulwa momapungulo ngoka okuza moSME Bank momasiku 11 gaAguste 2016, ihe iimaliwa mbyoka oyali ya kuthwa ko komapungulo ngoka konima yomasiku gahamano, ano momasiku 17 gaAguste.
Bruni okwa popi kutya kape na omiyalu dha yela pokati komayalulo ngoka ga gandjwa koSME Bank kaayaluli yoBDO. Omukanda gwomomasiku ga 8 Sepetemba mo 2016 otagu ulike oomiliyona 185.3 ihe omukanda omukwawo gwomwedhi ndatu komeho otagu ulike oomiliyona 153.8.
Okuya momasiku 23 gaMaalitsa mo 2017, iimaliwa yombaanga yi li momapungulo goVBS oya li owala ooN$459 000.
Okwa tsikile kutya iimaliwa mbyoka ya pungulwa moSouth Afrika oyoomiliyona 207.6 okuya momasiku 28 gaFebruali 2017 oomiliyona 52.4 moMamepe oshowo oomiliyona 55.2 moVBS.
Ombaanga Onene moshilongo yoBank of Namibia, oya mono kutya iimaliwa mbyoka ya pungulwa moSouth Afrika oyoomiliyona 199.7 noomiliyona 32.7 odha li moMamepe omanga oomiliyona 167 dha futwa momayalulo goombanga dha yooloka ga tumbulwa kutya Asset Movement Financial Services, DMA Consultants, Moody Blue oshowo Transparency.com.
Bruni okwa popi kutya omwaalu gwiimaliwa ya pungulwa moVBS ogwa kolekwa kutya ogu li ponola. Omukomeho gwoMamepe, Mauwane Kotane, okwa lombwele aakonaakoni kutya iimaliwa yoSME Bank yoomiliyona 175 oya pungulwa koMamepe Capital mehangano lyokulonga uuhoho lyaRawfert Offshore Sal, moLebanon ihe sigo okesiku lyonena inaku za sha kehangano ndyoka. Kwiikwatelelwa woo komakonaakono ngoka ga ningwa koBank of Namibia, Bruni okwa holola kutya ope na omaipulo ngele iimaliwa mbyoka otayi ka vula tuu okumonika.Okwa tsikile kutya ombaanga itayi gandja uuyelele womondjila kutya iimaliwa mbyoka oya falwa peni.
Ombaanga onene oya mono kutya oshimaliwa shoomiliyona 167 osha gandjwa koohandimwe mboka kaye shi iiputudhilo yomapungulo, nuuyelele mboka inawu hololwa. Bruni okwa popi kutya iimaliwa ya gandja koohandimwe mboka itayi ulike moolopota dhopashimaliwa dhombaanga ndjoka molwaashoka kape na ekwatathano noonakupewa iimaliwa.
VBS okwa koleke kutya oshimaliwa owala shooN$459 000 sha pungulwa noomiliyona 154.7 odha kana.
Omunambaanga gumwe a popi meholamo noNamibian Sun, okwa hololwa kutya mekano lyiimaliwa yombaanga ndjoka okwa longithwa omukalo gwo 'cut flying' . Momukalo ngoka gele mwene gwomayalulo gombaanga a longitha omukalo ngoka nena ota tumu oshimaliwa ta ihe omanga oshimaliwa inashi thika komayalulo gombaanga hoka sha nuninwa, iimaliwa nenge oshitopolwa shiimaliwa shimwe ohashi lundululilwa komayalu gamwe.
Ombaanga yoSME Bank oya li ya patwa momasiku 29 gaNovemba mo 2017.
YANNA SMITH
Sha landula eindilo lyomeendelelo ndyoka lya ningwa mEtitano, Omupeha Omupanguli Hosea Angula okwa tseyitha kutya aanambelewa mboka yaali oye na uuthemba okulandula kehe omakonaakono ga kwatelamo ngoka gokukutha ko omaliko ngaashi tashi pumbiwa mepatitho lyombanga ndjoka.
Momikanda dhe dhopampangu, Bruni okwa lombwele ompangu kutya ope na okwaahatsakumwe momapopyo gongaamba kutya oya pungula iimaliwa iingapi na oya pungulwa peni.
Bruni okwa popi kutya oomiliyona 196 odha pungulwa moMamepe Capital, noomiliyona 150 odha li dha kuthwa mo momapungulo moka nokupungulwa ishewe moVBS Mutual Bank, moSouth Africa. Nonando ongaaka uuyelele mboka wa gandjwa koVBS owa holola kutya okwa ningwa omapungulo patatu goomiliyona 185, nomwaalu ngoka oguli pombanda gwa pitilila omwaalu gwiimaliwa ngoka gwa uthwa okupitikwa komunambelewa omukuluntu gwombaanga ndjoka Tawanda Mumvuma, namenindjera giimaliwa mombaanga ndjoka ina vula okugandja uumbangi ngele omalundululo giimaliwa mbyoka oga ningwa nepitiko lyelelo lyombaanga.
“Momasiku 30 gaSepetemba 2016, oomiliyona 50 odha li dha tegelelwa okuza ko VBS ihe okwa zi owala oomiliyona 37 momasiku 14 gaKotomba omvula oyo tuu ndjoka,” Bruni a popi.
MuDesemba gwo 2016, ina ku monika uuyelele washa kombinga yomapungulo ngoka ga ningwa kombaanga ndjoka moMamepe nenge moVBS.
Omiyalu dhoVBS odha ulike kutya pokati kesiku lyotango lyaJanuari mo 2014 sigo omwedhi Malitsa momasiku 22 momvula yo 2017, oomiliyona owala 10 dha tulwa momapungulo ngoka okuza moSME Bank momasiku 11 gaAguste 2016, ihe iimaliwa mbyoka oyali ya kuthwa ko komapungulo ngoka konima yomasiku gahamano, ano momasiku 17 gaAguste.
Bruni okwa popi kutya kape na omiyalu dha yela pokati komayalulo ngoka ga gandjwa koSME Bank kaayaluli yoBDO. Omukanda gwomomasiku ga 8 Sepetemba mo 2016 otagu ulike oomiliyona 185.3 ihe omukanda omukwawo gwomwedhi ndatu komeho otagu ulike oomiliyona 153.8.
Okuya momasiku 23 gaMaalitsa mo 2017, iimaliwa yombaanga yi li momapungulo goVBS oya li owala ooN$459 000.
Okwa tsikile kutya iimaliwa mbyoka ya pungulwa moSouth Afrika oyoomiliyona 207.6 okuya momasiku 28 gaFebruali 2017 oomiliyona 52.4 moMamepe oshowo oomiliyona 55.2 moVBS.
Ombaanga Onene moshilongo yoBank of Namibia, oya mono kutya iimaliwa mbyoka ya pungulwa moSouth Afrika oyoomiliyona 199.7 noomiliyona 32.7 odha li moMamepe omanga oomiliyona 167 dha futwa momayalulo goombanga dha yooloka ga tumbulwa kutya Asset Movement Financial Services, DMA Consultants, Moody Blue oshowo Transparency.com.
Bruni okwa popi kutya omwaalu gwiimaliwa ya pungulwa moVBS ogwa kolekwa kutya ogu li ponola. Omukomeho gwoMamepe, Mauwane Kotane, okwa lombwele aakonaakoni kutya iimaliwa yoSME Bank yoomiliyona 175 oya pungulwa koMamepe Capital mehangano lyokulonga uuhoho lyaRawfert Offshore Sal, moLebanon ihe sigo okesiku lyonena inaku za sha kehangano ndyoka. Kwiikwatelelwa woo komakonaakono ngoka ga ningwa koBank of Namibia, Bruni okwa holola kutya ope na omaipulo ngele iimaliwa mbyoka otayi ka vula tuu okumonika.Okwa tsikile kutya ombaanga itayi gandja uuyelele womondjila kutya iimaliwa mbyoka oya falwa peni.
Ombaanga onene oya mono kutya oshimaliwa shoomiliyona 167 osha gandjwa koohandimwe mboka kaye shi iiputudhilo yomapungulo, nuuyelele mboka inawu hololwa. Bruni okwa popi kutya iimaliwa ya gandja koohandimwe mboka itayi ulike moolopota dhopashimaliwa dhombaanga ndjoka molwaashoka kape na ekwatathano noonakupewa iimaliwa.
VBS okwa koleke kutya oshimaliwa owala shooN$459 000 sha pungulwa noomiliyona 154.7 odha kana.
Omunambaanga gumwe a popi meholamo noNamibian Sun, okwa hololwa kutya mekano lyiimaliwa yombaanga ndjoka okwa longithwa omukalo gwo 'cut flying' . Momukalo ngoka gele mwene gwomayalulo gombaanga a longitha omukalo ngoka nena ota tumu oshimaliwa ta ihe omanga oshimaliwa inashi thika komayalulo gombaanga hoka sha nuninwa, iimaliwa nenge oshitopolwa shiimaliwa shimwe ohashi lundululilwa komayalu gamwe.
Ombaanga yoSME Bank oya li ya patwa momasiku 29 gaNovemba mo 2017.
YANNA SMITH
Comments
Namibian Sun
No comments have been left on this article