Iilyo yoNCIS ya talelepo Okolo
Aakwashigwana mboka ya li ya pewa elombwelo opo ya dhigepo omudhingoloko tagu ithanwa Okolo moshitopolwa shaShikoto, oya popi kutya aanambelewa yegameno lyomonanguwi oye ya ningile omapulo kombinga yelombwelo ndyoka yali ya pewa.
Okwa lopotwa kutya iilyo yoNamibia Central Intelligence Service otayi kondolola onkalo yaashoka tashi ningwa mOkolo moshikandjohogololo Onalusheshete melelo lyaNdonga, shalandula sho oshifokundaneki shoNamibian Sun sha lopota kutya aanenentu yaali monooli oya pula elelo lyevi moshikoto, opo li tule paumwene oshitopolwa shevi tashi adhika momudhingoloko Okolo, taya popi kutya evi ndyoka olyawo.
Aantu mboka ya gumwa ketokolo ndyoka oye thike po 200.
Okwa lopotwa kutya aanambelewa yegameno lyepangelo yomonanguwi oya talelepo ehala ndyoka opo ya ninge omakonaakono komapopyo kutya aakwashigwana mboka otaya ka tidhwa po pehala ndyoka, ngele elelo lyevi olya zimine okugandja omukanda gwokuhiila evi ndyoka, komunangeshefa Samuel Namwele oshowo kansela nale gwoshikandjohogolo Okaku, Joseph Endjala, mboka ya ningi eindilo omvula ya piti, opo yapewe uuthemba wokuhiila oshitopolwa shoka shevi shuunene woohecta 2 593.
France Casita (77), ngoka a popi kutya okwa ningi omukalimo gwomOkolo okutameka omvula yo 1991, okwa popi kutya aanambelewa yegameno ya za mOmuthiya oya talele po omudhingoloko gwawo, omwedhi gwa piti, oshowo omwedhi nguka.
“Oye tu pula omapulo ngaashi kutya otwe ya ko ngiini huka naantu yangapi ye li aakalimo yomomudhingoloko nguka ngashiingeyi. Aanambelewa mboka oye ya ko omwedhi gwa piti oshowo petameko lyomwedhi nguka,” Casita a popi.
Casita, ngoka e li omukalimo gwomOkolo, pamwe nomukulukadhi gwe, oyana niimuna yawo okwa popi kutya okwa haluka sho a nongele kutya otaya tidhwa pehala mpoka ya kala uule womimvo odhindji.
Oshikondo shoCentral Intelligence Service mOmuthiya osha tindi okutya sha komapopyo ngoka gaakwashigwana.
Konima yomakonaakono, oNamibian Sun oya nongele kutya Okolo oya totwapo onga ofaalama mo 1985, nomunangeshefa nale Mathew Elago, ihe ina kala pevi ndyoka sigo osho a hulitha mo 2008. Mo 2014, mwene gwoshikandjo Onalusheshete, Eino Shondili Amutenya okwa topola evi ndyoka miitopolwa iyali, naEndjala okwa popi kutya oshitopolwa she oshuunene woohecta 1 235 omanga Namwele ta popi kutya she oshuunene woohecta 1 358. Elelo lyaNdonga olya gandja omikanda mbali dhepitiko lyuulithilo kwaamboka yaali momasiku 30 gaSepetemba mo 2014.
Momasiku gatatu gaJuli okwa tulwa moshifokundaneiki etseyitho lyomadhina gaamboka ya ningi omaindilo gokuhiila evi ndyoka.
Sho ya mono etseyitho ndyoka aakalimo oya shangele omukanda kelelo lyevi taya pula opo omukanda gwokuhiila evi ngoka kagu ziminwe.
Momasiku 12 gaKotomba omvula ya piti, omunashipundi gwokomitiye yelelo lyevi lyaayehe, moshitopolwa shaShikoto, Sointu Angula-Mupopiwa, okwa gandja omayele kaakwashigwana mboka ya ninge omapulo kElelo lyaNdonga, kombinga yuumwene wevi ndyoka nokugandja omikanda ghomondjila kokomitiye ndjoka omanga omasiku 30 gaNovemba inaga thikana. Aakwashigwana mboka oya pe okomitiye ndjoka sigo Etitatu lyoshiwike shika opo ya kale ya yelitha oshikumungu shoka.
Angula-Mupopiwa ina vula okumonika a popye sha ihe oshikundaneki shoNamibian Sun oshuuvite kutya elelo lyevi inali kundathana natango oshikumungu shoka. Aakalimo pehala mpoka otaya popi kutya oya hala ehala ndyoka li ningwe omukunda, omanga Namwele na Endjala yahala aakwashigwana ya thigepo ehala ndyoka.
Sho ya ningilwa omapulo, Namwele okwa popi kutya yo naEndjala oya landa ofaalama ndjoka kuElago mo 2006, na oyali ya dha po owala aantu ya thika puyaheyali pethimbo ndyoka. Oya popi kutya aakwashigwana oya yonagula woo omboola ndhoka dhi li mehala ndyoka.
ILENI NANDJATO
Aantu mboka ya gumwa ketokolo ndyoka oye thike po 200.
Okwa lopotwa kutya aanambelewa yegameno lyepangelo yomonanguwi oya talelepo ehala ndyoka opo ya ninge omakonaakono komapopyo kutya aakwashigwana mboka otaya ka tidhwa po pehala ndyoka, ngele elelo lyevi olya zimine okugandja omukanda gwokuhiila evi ndyoka, komunangeshefa Samuel Namwele oshowo kansela nale gwoshikandjohogolo Okaku, Joseph Endjala, mboka ya ningi eindilo omvula ya piti, opo yapewe uuthemba wokuhiila oshitopolwa shoka shevi shuunene woohecta 2 593.
France Casita (77), ngoka a popi kutya okwa ningi omukalimo gwomOkolo okutameka omvula yo 1991, okwa popi kutya aanambelewa yegameno ya za mOmuthiya oya talele po omudhingoloko gwawo, omwedhi gwa piti, oshowo omwedhi nguka.
“Oye tu pula omapulo ngaashi kutya otwe ya ko ngiini huka naantu yangapi ye li aakalimo yomomudhingoloko nguka ngashiingeyi. Aanambelewa mboka oye ya ko omwedhi gwa piti oshowo petameko lyomwedhi nguka,” Casita a popi.
Casita, ngoka e li omukalimo gwomOkolo, pamwe nomukulukadhi gwe, oyana niimuna yawo okwa popi kutya okwa haluka sho a nongele kutya otaya tidhwa pehala mpoka ya kala uule womimvo odhindji.
Oshikondo shoCentral Intelligence Service mOmuthiya osha tindi okutya sha komapopyo ngoka gaakwashigwana.
Konima yomakonaakono, oNamibian Sun oya nongele kutya Okolo oya totwapo onga ofaalama mo 1985, nomunangeshefa nale Mathew Elago, ihe ina kala pevi ndyoka sigo osho a hulitha mo 2008. Mo 2014, mwene gwoshikandjo Onalusheshete, Eino Shondili Amutenya okwa topola evi ndyoka miitopolwa iyali, naEndjala okwa popi kutya oshitopolwa she oshuunene woohecta 1 235 omanga Namwele ta popi kutya she oshuunene woohecta 1 358. Elelo lyaNdonga olya gandja omikanda mbali dhepitiko lyuulithilo kwaamboka yaali momasiku 30 gaSepetemba mo 2014.
Momasiku gatatu gaJuli okwa tulwa moshifokundaneiki etseyitho lyomadhina gaamboka ya ningi omaindilo gokuhiila evi ndyoka.
Sho ya mono etseyitho ndyoka aakalimo oya shangele omukanda kelelo lyevi taya pula opo omukanda gwokuhiila evi ngoka kagu ziminwe.
Momasiku 12 gaKotomba omvula ya piti, omunashipundi gwokomitiye yelelo lyevi lyaayehe, moshitopolwa shaShikoto, Sointu Angula-Mupopiwa, okwa gandja omayele kaakwashigwana mboka ya ninge omapulo kElelo lyaNdonga, kombinga yuumwene wevi ndyoka nokugandja omikanda ghomondjila kokomitiye ndjoka omanga omasiku 30 gaNovemba inaga thikana. Aakwashigwana mboka oya pe okomitiye ndjoka sigo Etitatu lyoshiwike shika opo ya kale ya yelitha oshikumungu shoka.
Angula-Mupopiwa ina vula okumonika a popye sha ihe oshikundaneki shoNamibian Sun oshuuvite kutya elelo lyevi inali kundathana natango oshikumungu shoka. Aakalimo pehala mpoka otaya popi kutya oya hala ehala ndyoka li ningwe omukunda, omanga Namwele na Endjala yahala aakwashigwana ya thigepo ehala ndyoka.
Sho ya ningilwa omapulo, Namwele okwa popi kutya yo naEndjala oya landa ofaalama ndjoka kuElago mo 2006, na oyali ya dha po owala aantu ya thika puyaheyali pethimbo ndyoka. Oya popi kutya aakwashigwana oya yonagula woo omboola ndhoka dhi li mehala ndyoka.
ILENI NANDJATO
Comments
Namibian Sun
No comments have been left on this article