Iilonga yomomapya ya tameke

Oshifokundaneki shoNamibia Sun oshiwike shika osha endaenda niitopolwa yomonooli nokutala nkene aanafaalama ya tameke nale okupulula omapya, sho oshikako shomuloka sha tameke, omanga yamwe otaya tutu uuhoho okuza miigunda nokugunda momapya gawo.Oshikundaneki osha yi moonkundathana naanafaalama yamwe po mboka yali yiipyakidhila momapya gawo mboka ya popi kutya kape na ompito yokuhepitha ethimbo molwaashoka omvula ihayi tengenekwa onkene otaya longitha ompito kehe taya mono.Maria Simon okwa adhika ta longo mepya lye, ndyoka tali adhika mondjila yaShakati-Okahao, opamwe naakwanegumbo lye.Okwa popi kutya iilya ye oya mena nale, konima sho a tameke okupulula momasiku 20 gaDesemba omvula ya piti, na olyo ngaa esiku a kunu iilya ye.“Inandi tegelela molwaashoka onda tsuwa omukumo komvula ndjoka ya loko omasiku ngoka. Ngaashi mu wete epya lyandje olya ziza nawa Omahangu, omakunde oshowo omanyangwa ngoka nda kunu iiwike iyali ya piti,” Maria a popi.“Aantu yamwe inaya tameka natango na otaya ka teya kwa lata molwaashoka tse mboka twa tameke tango otatu ka teya mbala.”Maria ngoka epya lye li li popepi noshana okwa popi kutya uuna kwa lokwa unene ombinga yegumbo lye ohayi kala kohi yomeya, ihe kuye shoka shi na oshilonga osho kutya iilya ye ohayi koko nawa.Omunafaalama ngoka okwa popi kutya iilya ye oya mene pethimbo ewanawa, sho aakwanegumbo lye mboka haya kala koombinga dha yooloka, yeli pegumbo opo ye mu kwathele mokulima.“Owu wete aanona mboka otaya ka shuna komagumbo gaavali yawo oshowo kooyinakulu noohekulu moondoolopa dha yooloka hoka haya hiti oskola. Ondi na elago molwaashoka iilya yandje oya mena, ngashingeyi otatu limi.”Maria okwa popi kutya shoka a hala ngashiingeyi omvula yi loke nawa opo iilya ye yi koke.Oshiwike shika, oshi li woo omvula yimwe, konima nkene Omupresidede Hage Geingob a tula miilonga opoloyeka yo 'Operation Tulongeni' moshitopolwa shaMusati, ndjoka ya nuninwa okutsa omukumo aanamapya ya longe omapya gawo neitulemo.Pahapu dhaNgoloneya gwaMusati, Erginus Endjala oshitopolwa shawo natango otashi ka tula miilonga opoloyeka ndjoka, momwedhi nguka.Endjala okwa yelitha kutya nuumvo otaku ka kala ehogololo miikandjohogololo 11, mbyoka tayi ka pewa oshinakugwanithwa shokutula miilonga opoloyeka ndjoka.Okwa popi kutya omolwa omvula ndjoka ihaayi tengenekwa, aanamapya yamwe oya tegelela manga opo ku lokwe nawa komuloka ngoka gwa tegelelwa moshiwike oshitiyali noshititatu shomwedhi.“Ngaashi wu shishi kutya Januari omweedhi gwa kukuta. Otatu tegelele miiwike twa taalela, na otu na einekelo kutya omuloka omwaanawa otagu ka loka, opo aantu yatameke okupulula omapya gawo.”KENYA KAMBOWE

Iilonga yomomapya ya tameke

Comments

Namibian Sun 2025-05-02

Please login to leave a comment

Iilonga yomomapya ya tameke

Comments

Namibian Sun 2025-05-02

Please login to leave a comment

Login