Iilonga yetungo lyewalanda lyokupulumuthila ya tameke

ILENI NANDJATOONANDJOKWEIilonga mbyoka ya kala ya tegelelwa koyendji moshipangelo shaNandjakwe oya tameke ishewe. Shoka osha landula eidhopo mo lyominista yuundjolowele Kalumbi Shangula, oshowo omunambelewa omukuluntu muuministeli mboka, Ben Nangombe, muFebruali nuumvo.Mwene gwehangano lyomatungo lyAmupolo Building Construction, Erasmus Amupolo okwa lombwele oNamibian Sun kutya otaya ka longulula ofulula yetungo ndyoka, ndjoka ya kankamekitha iilonga yopoloyeka ndjoka oomvula ne dha piti. Opoloyeka yewalanda ndyoka, yongushu yoomiliyona 59, oya li yi na okukala ya pwa okutungwa momvula yo 2016, ihe iilonga oya katekwa kuupyakadhi wu na sha nankene ofulula ndjoka ya longwa.Omunambelelwa omukomeho goshipangelo shoka, Omundohotola Akutu Munyika, okwa popi kutya ngashiingeyi kape na esiku lyahugunina lyiilonga. “Omutungi okuli kehala lyiilonga sho tatu popi ngashiingeyi, na okuli omutungi ngoka omukulu, otwa pumbwa okuninga omitumba pehala lyetungo opo tu mone kutya iilonga otayi manithwa uunake,” Munyika a popi.Opoloyeka ndjoka olya li ya yiwa moshipala nokukankamekwa kuuministeli wiilonga, omanga omutungi a li ta tulapo ofulula. Amupolo okwa popi kutya Shangula naNangombe oya ningi omutumba naye nokuuva ombinga ye yehokololo na oya tokola opo a tsikile nopoloyeka.“Pethimbo lyomutumba omunambelewa omukuluntu oshowo minista oya popi kutya oya nyanyukilwa iilonga mbyoka nda longo ihe otandi longo kashona omanga yahala opoloyeka ndjoka yipwe. Onde ya lombwele kutya ondi na uupyakadhi niitungithi nongele oya hala opoloyeka yipwe mbala naya landelendje iitungithi. Oya landa iitungithi ayihe, mbyoka yimwe ya tumwa nale pehala lyiilonga omanga yimwe yi li mondjila okuza koSouth Afrika.”Amupolo okwa popi kutya ngashiingeyi okwa tegelela uuministeli wiilonga wu zimine omukanda gwe gwiilonga yofulula molwaashoka kaya li oshitopolwa shokondalaka.“Otwa kutha po ofulula ayihe nokuyi pingenapo nofulula ompe ndjoka ya tulwa iitenda, naambyoka iilonga iipe na otayi futilwa sha yooloka.”Shoka osha li okwaahauvathana pokati komutungi nomwiindjinia gwopoloyeka ndjoka.

Iilonga yetungo lyewalanda lyokupulumuthila ya tameke

Comments

Namibian Sun 2026-06-03

Please login to leave a comment

Iilonga yetungo lyewalanda lyokupulumuthila ya tameke

Comments

Namibian Sun 2026-06-03

Please login to leave a comment

Subscription Required to Access Content ×

Login

Subscription Required to Access Content