Iilonga yetungo lyewalanda lyokupulumuthila mOnandjokwe ya katekwa
Osha holoka polweela kutya iilonga yetungo lyewalanda yokupulumuthila mOshipangelo shaNandjokwe oya kelekwa manga omolwa okwaahauvathana pokati komutungi oshowo omwiindjinia metungo ndyoka omolwa ofulula yetungo ndjoka ya longwa inaku tulwa iitenda.
Ewalanda ndyoka olya lopotwa kutya olya simana noonkondo moshipangelo moka molwaashoka aanona oyendji monooli ohaya pulumuthilwa moshipangelo shoka, omolwa ethano ewanawa lyegandjo lyomayakulo moshipangelo shoka ngele tashi ya kokupulumuthila.
Oshifokundaneki shoNamibian Sun, osha nongele kutya omolwa iilonga ya nkundipala mbyoka ya nongelwa metungo lyofulula yewalanda ndyoka, aakonaakoni yetungo okuza kuuministeli wiilonga nomalweendo oya kaleke opoloyeka ndjoka yongushu yoomiliyona 59, na oya pula ofulula yetungo ndyoka yi longululwe.
Sho a ningilwa omapulo, omutungi Amupolo Building Construction ota gandja uusama komwiindjinia, Steinbach Associate Consulting Engineering ngoka a tindi okutya sha.
Mwene gwehangano lyoAmupolo Building Construction, Erasmus Amupolo okwa popi kutya oya li yiipyakidhila nale nokutula ko oombuli sho aanambelewa yomakonaakono gomatungo okuza kuuministeli ye ya pula ya kankameke iilonga molwaashoka inaya nyanyukilwa iilonga yofulula yetungo ndyoka.
“Otwa longo iilonga ayihe shiikolelela kompangela yetungo ndjoka twa pewa komwiindjinia. Pampangela ndjoka twa pewa inatu pulwa tu tulemo iitenda mofulula yetungo. Konima sho twa mana otwa ithana aanambelewa yomakonaakono gomatungo na oya holola kutya inaya nyanyukilwa iilonga na oya pula tu kaleke iilonga.”
“Katu na shoka twa ningi sha puka molwaashoka iilonga ayihe olya longwa twiikwatelela kompangela yetungo ndjoka twa pewa. Otwa tegelela ngashiingeyi elombwelo okuza kuuministeli wiilonga. Shoka shi li po okutya iilonga oya pumbwa okulongululwa naashoka otashi tu pe iilonga ya gwedhwa po na katu shi kutya olye teke yi futila.”
Sho ya ningilwa omapulo, ehangano lyooindjinia lyoSteinbach Associate Consulting Engineering olya tindi okutya sha.
Uuministeli wiilonga inawu yamukula komapulo ngoka wa ningilwa kutya oshike tashi ningwa po ngashiingeyi.
Nale ngoka ta longo pehala lyomunambelewa omukomeho guundjolowele mOshikoto, Dr Helena Nkandi-Shiimi, okwa lombwele oNamibian Sun kutya inaya nyanyukilwa iilonga yehangano lyomatungo lyoAmupolo, molwaashoka olya ndopa okumanitha opoloyeka ndjoka muule woomvula mbali ngaashi sha li pauvathano.
Epangelo olya kutha ko oshinakugwanithwa shoshipangelo okuza kongeleka yoEvangelical Lutheran Church in Namibia (Elcin) momvula yo 2015 nehangano lyoAmupolo olya pewa otendela yokutunga ewalanda lyokupulumuthila moshipangelo shoka.
“Omutungi okwa pewa okondalaka na okwa li a tegelelwa a mane iilonga muAguste gwomvula ya piti ihe ina mana na okwa pula a pewe ishewe oomwedhi 12. Sho tatu popi ngashiingeyi oomwedhi ndhoka odha piti ihe natango etungo inali manithwa.”
ILENI NANDJATO
Oshifokundaneki shoNamibian Sun, osha nongele kutya omolwa iilonga ya nkundipala mbyoka ya nongelwa metungo lyofulula yewalanda ndyoka, aakonaakoni yetungo okuza kuuministeli wiilonga nomalweendo oya kaleke opoloyeka ndjoka yongushu yoomiliyona 59, na oya pula ofulula yetungo ndyoka yi longululwe.
Sho a ningilwa omapulo, omutungi Amupolo Building Construction ota gandja uusama komwiindjinia, Steinbach Associate Consulting Engineering ngoka a tindi okutya sha.
Mwene gwehangano lyoAmupolo Building Construction, Erasmus Amupolo okwa popi kutya oya li yiipyakidhila nale nokutula ko oombuli sho aanambelewa yomakonaakono gomatungo okuza kuuministeli ye ya pula ya kankameke iilonga molwaashoka inaya nyanyukilwa iilonga yofulula yetungo ndyoka.
“Otwa longo iilonga ayihe shiikolelela kompangela yetungo ndjoka twa pewa komwiindjinia. Pampangela ndjoka twa pewa inatu pulwa tu tulemo iitenda mofulula yetungo. Konima sho twa mana otwa ithana aanambelewa yomakonaakono gomatungo na oya holola kutya inaya nyanyukilwa iilonga na oya pula tu kaleke iilonga.”
“Katu na shoka twa ningi sha puka molwaashoka iilonga ayihe olya longwa twiikwatelela kompangela yetungo ndjoka twa pewa. Otwa tegelela ngashiingeyi elombwelo okuza kuuministeli wiilonga. Shoka shi li po okutya iilonga oya pumbwa okulongululwa naashoka otashi tu pe iilonga ya gwedhwa po na katu shi kutya olye teke yi futila.”
Sho ya ningilwa omapulo, ehangano lyooindjinia lyoSteinbach Associate Consulting Engineering olya tindi okutya sha.
Uuministeli wiilonga inawu yamukula komapulo ngoka wa ningilwa kutya oshike tashi ningwa po ngashiingeyi.
Nale ngoka ta longo pehala lyomunambelewa omukomeho guundjolowele mOshikoto, Dr Helena Nkandi-Shiimi, okwa lombwele oNamibian Sun kutya inaya nyanyukilwa iilonga yehangano lyomatungo lyoAmupolo, molwaashoka olya ndopa okumanitha opoloyeka ndjoka muule woomvula mbali ngaashi sha li pauvathano.
Epangelo olya kutha ko oshinakugwanithwa shoshipangelo okuza kongeleka yoEvangelical Lutheran Church in Namibia (Elcin) momvula yo 2015 nehangano lyoAmupolo olya pewa otendela yokutunga ewalanda lyokupulumuthila moshipangelo shoka.
“Omutungi okwa pewa okondalaka na okwa li a tegelelwa a mane iilonga muAguste gwomvula ya piti ihe ina mana na okwa pula a pewe ishewe oomwedhi 12. Sho tatu popi ngashiingeyi oomwedhi ndhoka odha piti ihe natango etungo inali manithwa.”
ILENI NANDJATO
Comments
Namibian Sun
No comments have been left on this article