Iilonga a tumbalekwa
Ependa mekondjelo manguluko lyaNamibia ngoka a li a tulwa woo mondjeedhililo yaRobben Island pethimbo lyuukoloni omolwa ekuthombinga lye mekondjo, okwa hulitha mepupi lyoomvula 71.
Oshigwana otashi lili limwe lyomomapendafule gaNamibia Petrus Iilonga ngka a hulitha ongulohi yEtiyali.
Iilonga okwa li nale omuhwahwameki gwiikumungu yaaniilonga oshowo onkwatwa yiita koRobben Island na okwa li a kala mondjeedhililo ndyoka uule woomvula heyali pokati komvula yo 1978 no 1985.
Omupresidende Hage Geingob okwa shanga ohela kulimwe lyomapandja ge gomakwatathano gopamalungula kutya okuuvu nokuhodhi olunene eso lya Iilonga.
“Komrade Iilonga okwa longa oshilonga oshinene meeto lyombili moNamibia. Oshilonga she onga oshilyo shelelo lyoshilongo otashi simanekwa. Omahekeleko gandje oguuka kofamili ye, kookomarade ayehe oshowo ookuume. Omwenyo gwe nagu vululukwe nombili,” Geingob a shanga.
Omunapolotika gumwe ngoka a li naye okwatwa yiita koRobben Island, Ben Ulenga okwa popi kutya Iilonga okwa li kuume ke omunene.
“Itandi itaala kutya okwa hulitha. Ondi shi shi kutya okwa li kuuvite nawa ihe onda li nduuvu kutya otati po hwepo, onkene onda haluka okuuva ongula yonena kutya okwa hulitha,” Ulenga a popi.
Okwa popi kutya oya longela pamwe pethimbo lyekondjelomanguluko oshowo sho oshilongo sha manguluka.
Omunashipundi gwoNational Council, Margaret Mensah-Williams naye okwa holola omahekeleko ge kepandja lyomakwatathano gopamalungula.
“Noluhodhi olunene onduuvu onkundana yeso lyaKomrade Petrus Iilonga. Okwa li ependefalu nomukondjelimaguluko. Omwenyo gwe nagu vululukwe nombili.”
Omutoolinkundana Gwen Lister okwa shanga koTwitter kutya Iilonga okwa li kuume ke omukulu.
Iilonga okwa longa onga omupeha minista miikondo ya yooloka yepangelo konima sho oshilongo sha mangulunga omanga ina pewa olupandu lyOngulumbashe Medal for bravery mo1996.
Pokati komvula yo 2000 oshowo 2005 okwa longa onga omupeha minista gwomidhingoloko oshowo omupeha minista gwaaniilonga pokati ko 2005 no 2010.
Momvula yo 2012 okwa ulikwa onga omupeha minista gwoshikondo shegameno.
JEMIMA BEUKES
Iilonga okwa li nale omuhwahwameki gwiikumungu yaaniilonga oshowo onkwatwa yiita koRobben Island na okwa li a kala mondjeedhililo ndyoka uule woomvula heyali pokati komvula yo 1978 no 1985.
Omupresidende Hage Geingob okwa shanga ohela kulimwe lyomapandja ge gomakwatathano gopamalungula kutya okuuvu nokuhodhi olunene eso lya Iilonga.
“Komrade Iilonga okwa longa oshilonga oshinene meeto lyombili moNamibia. Oshilonga she onga oshilyo shelelo lyoshilongo otashi simanekwa. Omahekeleko gandje oguuka kofamili ye, kookomarade ayehe oshowo ookuume. Omwenyo gwe nagu vululukwe nombili,” Geingob a shanga.
Omunapolotika gumwe ngoka a li naye okwatwa yiita koRobben Island, Ben Ulenga okwa popi kutya Iilonga okwa li kuume ke omunene.
“Itandi itaala kutya okwa hulitha. Ondi shi shi kutya okwa li kuuvite nawa ihe onda li nduuvu kutya otati po hwepo, onkene onda haluka okuuva ongula yonena kutya okwa hulitha,” Ulenga a popi.
Okwa popi kutya oya longela pamwe pethimbo lyekondjelomanguluko oshowo sho oshilongo sha manguluka.
Omunashipundi gwoNational Council, Margaret Mensah-Williams naye okwa holola omahekeleko ge kepandja lyomakwatathano gopamalungula.
“Noluhodhi olunene onduuvu onkundana yeso lyaKomrade Petrus Iilonga. Okwa li ependefalu nomukondjelimaguluko. Omwenyo gwe nagu vululukwe nombili.”
Omutoolinkundana Gwen Lister okwa shanga koTwitter kutya Iilonga okwa li kuume ke omukulu.
Iilonga okwa longa onga omupeha minista miikondo ya yooloka yepangelo konima sho oshilongo sha mangulunga omanga ina pewa olupandu lyOngulumbashe Medal for bravery mo1996.
Pokati komvula yo 2000 oshowo 2005 okwa longa onga omupeha minista gwomidhingoloko oshowo omupeha minista gwaaniilonga pokati ko 2005 no 2010.
Momvula yo 2012 okwa ulikwa onga omupeha minista gwoshikondo shegameno.
JEMIMA BEUKES
Comments
Namibian Sun
No comments have been left on this article