Iikengelela yomahala gokuhiila
Opolisi yaVenduka oya kunkilile oshigwana opo shi kala sha kotoka uuna tashi ungaunga naalandithi oshowo aahiilithi yomahala, sho omwaalu gwaantu oyendji ya ningi iihakanwa yiikengelela.
Omukomeho gwopolisi yaVenduka, Abraham Kanime, okwa popi kutya pethimbo ndika aakengeleli otaya longitha ompito yokukengelela unene mboka taya tembukile moshilandopangelo omolwa omailongo gawo miiputudhilo yopombanda.
“Ndika olyo unene ethimbo hatu yakula iipotha yili pombanda yuulunga nekengelelo noyendji mboka taya ningi iihakanwa aailongi mboka taya kongo omahala gokuza oshowo iinima ngaashi oolaptop.” Kanime a popi.
Sho gumwe gwomoonakuninga oshihakanwa a ningwa naye oonkundathana koshifokundneki shoNamibian Sun, Irene Higgs ngoka a za moKatima Mulilo, okwa popi kutya okwa kanitha oshimaliwa she shooN$3 000 konima sho a deposita iimaliwa ye opo a ndola a kongele okamona ehala lyokuza.
Higgs okwa yamukula ketseyitho ndyoka lya ningwa koFacebook lyolukalwa talu hiilwa momudhingoloko gwaSuiderhof ndyoka lya ningwa komuntu gwedhina Michelle Venaani na okwali e wete kutya ehala ndyoka otali opalele okamonakadhona ke, hoka taka yi koUnam.
“Onda dhengele ongodhi ndjoka, nomulumentu gwedhina (Gerson) okwa lombwelendje kutya ope na omuntu ngoka a hala ehala ndyoka, ihe ngele onda tumu iimaliwa tango nena ota pendje ehala.
Okwa tuminendje onomola ye yokamutse, uuyelele we womayalulo gombaanga ye oshowo onomola yeshangitho lyongeshefa ye.
Onda li ndiipyakidhila noonkondo esiku ndyoka, na onda nyanyukwa sho nda monene okanona kandje ehala na onda ka deposita oshimaliwa shoka shooN$3 000,” Higgs a popi.
Higgs okwa lombwele oNamibian Sun kutya okwa dhidhilike kutya ope na uupyakadhi sho ina mona okondalaka yokuhiila naasho a kambadhala okudhengela ongodhi ndjoka oya dhima.
Lwanima okwa tseyithilwa kombaanga kutya onomola ndjoka yombaanga oya kwatakanithwa niipotha yuukengeleli oyindji noakaunda ndjoka oya totwa omanga mwene gwawo e li modholongo.
“Onda tseyithilwa kutya okwa mangululwa modholongo omasiku 10 ga piti, na ondi wete kutya shoka otashi tsu kumwe. Ondiinekela kutya okwa toto epandja lyiifundja koFacebook na oheli longitha mokukengelela aantu.
Okwa li ta popi nawa na osho sha etitha ndi gwile mekengelelo lye. Omuntu nguka natango ota tsikile nokukengelela oshigwana na osho nda hala okukunkilila oshigwana.”
Kanime okwa kunkilile oshigwana opo shi hulithepo okulanda iinima okuza koFacebook, molwaashoka iipotha yoludhi ndoka iidhigu okulandula.
“Tsakanena nomuntu omanga ino gandja iimaliwa nenge ino shaina sha. Ngele oto fekele ekengelelo dhengela onomola yo 302302 na otatu tumu omunambelewa. Momukalo ngoka omo owala tatu vulu okukwathela.”
JUNE SHIMUOSHILI
“Ndika olyo unene ethimbo hatu yakula iipotha yili pombanda yuulunga nekengelelo noyendji mboka taya ningi iihakanwa aailongi mboka taya kongo omahala gokuza oshowo iinima ngaashi oolaptop.” Kanime a popi.
Sho gumwe gwomoonakuninga oshihakanwa a ningwa naye oonkundathana koshifokundneki shoNamibian Sun, Irene Higgs ngoka a za moKatima Mulilo, okwa popi kutya okwa kanitha oshimaliwa she shooN$3 000 konima sho a deposita iimaliwa ye opo a ndola a kongele okamona ehala lyokuza.
Higgs okwa yamukula ketseyitho ndyoka lya ningwa koFacebook lyolukalwa talu hiilwa momudhingoloko gwaSuiderhof ndyoka lya ningwa komuntu gwedhina Michelle Venaani na okwali e wete kutya ehala ndyoka otali opalele okamonakadhona ke, hoka taka yi koUnam.
“Onda dhengele ongodhi ndjoka, nomulumentu gwedhina (Gerson) okwa lombwelendje kutya ope na omuntu ngoka a hala ehala ndyoka, ihe ngele onda tumu iimaliwa tango nena ota pendje ehala.
Okwa tuminendje onomola ye yokamutse, uuyelele we womayalulo gombaanga ye oshowo onomola yeshangitho lyongeshefa ye.
Onda li ndiipyakidhila noonkondo esiku ndyoka, na onda nyanyukwa sho nda monene okanona kandje ehala na onda ka deposita oshimaliwa shoka shooN$3 000,” Higgs a popi.
Higgs okwa lombwele oNamibian Sun kutya okwa dhidhilike kutya ope na uupyakadhi sho ina mona okondalaka yokuhiila naasho a kambadhala okudhengela ongodhi ndjoka oya dhima.
Lwanima okwa tseyithilwa kombaanga kutya onomola ndjoka yombaanga oya kwatakanithwa niipotha yuukengeleli oyindji noakaunda ndjoka oya totwa omanga mwene gwawo e li modholongo.
“Onda tseyithilwa kutya okwa mangululwa modholongo omasiku 10 ga piti, na ondi wete kutya shoka otashi tsu kumwe. Ondiinekela kutya okwa toto epandja lyiifundja koFacebook na oheli longitha mokukengelela aantu.
Okwa li ta popi nawa na osho sha etitha ndi gwile mekengelelo lye. Omuntu nguka natango ota tsikile nokukengelela oshigwana na osho nda hala okukunkilila oshigwana.”
Kanime okwa kunkilile oshigwana opo shi hulithepo okulanda iinima okuza koFacebook, molwaashoka iipotha yoludhi ndoka iidhigu okulandula.
“Tsakanena nomuntu omanga ino gandja iimaliwa nenge ino shaina sha. Ngele oto fekele ekengelelo dhengela onomola yo 302302 na otatu tumu omunambelewa. Momukalo ngoka omo owala tatu vulu okukwathela.”
JUNE SHIMUOSHILI
Comments
Namibian Sun
No comments have been left on this article