Ihaya mono aniwa oondya dhoshikukuta
Aakalimo yomomukunda Omena moshitopolwa shaShikoto oya popi kutya oya kala itaya mono iikulya yoshikukuta okutameka momvula yo2015, na otaya gandja uusama kukansela gwoshikandjohogololo Okankalo.
Aakwashigwana oya popi kutya oyali haya mono iikulya okuza kombelewa yakansela gwoshikandjohogololo Okankolo ihe omukalo ngoka ogwa hulu uule woomvula mbali monena na inaya pewa omatompelo gasha.
Omanga kansela gwoshikandjohogololo Eengodi, Walde Sheyavali ina hulitha muAguste, Omena oyali yili kohi yelelo lyoshikandjohogololo Okankolo, na osha monika mo owala sho kwa ningwa omahogololo ngashiingeyi kutya omukunda ngoka oguli kohi yoshikandjohogololo Eengodi. “Aantu yomomikunda dhilwe ohaya mono iikulya yawo yoshikukuta ihe tse mOmena ihatu mono. Otwa li hatu mono nale ihe okutameka mo 2015 ihatu mono we, na otwiikolelela owala momahangu ngoka hatu mono momapya getu,” omunamukunda gumwe a lombwele oNamibian Sun. Aakwashigwana mboka otaya lundile kansela gwoshikandjohogololo Okankolo, Hans Hambodi, kutya oye a hulithapo egandjo lyiikulya yoshikukuta kaakwashigwana mboka. Hambodi okwa tindi omalundilo ngoka ta popi kutya aakwashigwana yomomukunda ngoka oya mona iikulya yoshikukuta nuumvo, okuza mombelewa ye momasiku 23 gaFebruali oshowo momasiku 26 gaJuni. Kansela okwa tsikile kutya ombelewa ye oya mona elombwelo okuza kUuministeli wEyambulepo lyOondoolopa nIitopolwa kutya inaya gandja we iikulya kaanamukunda ngoka, molwaashoka oyeli kohi yelelo lyoshikandjohogololo Eengodi. “Aantu mboka wa popi nayo kaye na oshili. Oya kala taya mono iikulya okuza kombelewa yandje na otwa hulitha po owala okuya pa iikulya konima sho twa mono elombwelo okuza kuuministeli,” Hambodi ta ti.
Pahapu dhakansela omupe gwoshikandjohogololo Eengodi, Protasius Neshuku, ombelewa ye inayi tambulwa ko natango pashigwana kutya omukunda Omena oguli koshi yelelo lyombelewa ndjoka, naashoka osho tayi yelitha kutya omolwashike ina yakula natango omanyenyeto goshigwana shomomukunda ngoka, kombinga yoondya dhoshikukuta.
Neshuku okwa holola kutya ombelewa ye monena kayi na oondya dhoshikukuta.
KENYA KAMBOWE
Aakwashigwana oya popi kutya oyali haya mono iikulya okuza kombelewa yakansela gwoshikandjohogololo Okankolo ihe omukalo ngoka ogwa hulu uule woomvula mbali monena na inaya pewa omatompelo gasha.
Omanga kansela gwoshikandjohogololo Eengodi, Walde Sheyavali ina hulitha muAguste, Omena oyali yili kohi yelelo lyoshikandjohogololo Okankolo, na osha monika mo owala sho kwa ningwa omahogololo ngashiingeyi kutya omukunda ngoka oguli kohi yoshikandjohogololo Eengodi. “Aantu yomomikunda dhilwe ohaya mono iikulya yawo yoshikukuta ihe tse mOmena ihatu mono. Otwa li hatu mono nale ihe okutameka mo 2015 ihatu mono we, na otwiikolelela owala momahangu ngoka hatu mono momapya getu,” omunamukunda gumwe a lombwele oNamibian Sun. Aakwashigwana mboka otaya lundile kansela gwoshikandjohogololo Okankolo, Hans Hambodi, kutya oye a hulithapo egandjo lyiikulya yoshikukuta kaakwashigwana mboka. Hambodi okwa tindi omalundilo ngoka ta popi kutya aakwashigwana yomomukunda ngoka oya mona iikulya yoshikukuta nuumvo, okuza mombelewa ye momasiku 23 gaFebruali oshowo momasiku 26 gaJuni. Kansela okwa tsikile kutya ombelewa ye oya mona elombwelo okuza kUuministeli wEyambulepo lyOondoolopa nIitopolwa kutya inaya gandja we iikulya kaanamukunda ngoka, molwaashoka oyeli kohi yelelo lyoshikandjohogololo Eengodi. “Aantu mboka wa popi nayo kaye na oshili. Oya kala taya mono iikulya okuza kombelewa yandje na otwa hulitha po owala okuya pa iikulya konima sho twa mono elombwelo okuza kuuministeli,” Hambodi ta ti.
Pahapu dhakansela omupe gwoshikandjohogololo Eengodi, Protasius Neshuku, ombelewa ye inayi tambulwa ko natango pashigwana kutya omukunda Omena oguli koshi yelelo lyombelewa ndjoka, naashoka osho tayi yelitha kutya omolwashike ina yakula natango omanyenyeto goshigwana shomomukunda ngoka, kombinga yoondya dhoshikukuta.
Neshuku okwa holola kutya ombelewa ye monena kayi na oondya dhoshikukuta.
KENYA KAMBOWE
Comments
Namibian Sun
No comments have been left on this article