Hydraform ya galuka ishewe
Opolisi moshitopolwa shaShana oya yi moshpala iilonga yombelewa yoHydraform Interlocking Solution mondoolopa yaShakati na oya kunkilile aakwashigwana opo yiikaleke kokule niilonga yehangano ndyoka lyoskema yomatungo.
TUYEIMO HAIDULA
OSHAKATI
Opolisi oya kunkilile woo aakwashigwana kaya fute iimaliwa yawo kehangano ndyoka.
Shoka osha ningwa shalandula sho elelo lyondoolopa yaShakati lyiikaleke kokule nehangano ndyoka tali shangitha aantu mopoloyeka yokutunga omagumbo gaamboka ye na iiyemo yili pevi.
Mboka ya shangithwa oya lombwelwa kutya elelo lyondoolpa olya gandja evi kehangano ndyoka opo li tameke okutunga omagumbo momahala ngaashi Ekuku, Ehenye, Extension 16 oshowo mondoolopa yaNgwediva nOndangwa. Ehangano olya ningi omauvaneko okutunga omagumbo geli po 16 000.
Shika kashi shi oshikando shotango ehangano ndyoka tali ningi omauvaneko okugandja omagumbo gombiliha kAanamibia. Momvula yo 2013 ehangano olyo tuundyoka olya longitha omukalo ngoka nokushangitha aantu ya thika po 4 000 moRehoboth, Groot Aub, oshowo mondoolopa yaGobabis.
Konima yomvula yimwe omagumbo inaga tungwa natango.
Omwaalu gwafaathana ogwa futithwa aakwashigwana mOshakati, Ongwediva nOndangwa.
Mboka yiishangitha oya futu oshimaliwa shili pokati koN$250 no N$500, shiikwatelela kutya oya hogolola omagumbo geli ngiini.
Omunambelewa omupopiliko gwoHydraform Interlocking Solution Namibia, Daniel Isaaks, okwa popi kutya omagumbo oga tungwa ta gwedha po kutya aantu naya kale ye shishi kutya omukalo gwegandjo lyevi moNamibia otagu ende kashona, naashoka osho sha etitha ehangano li vule okukala inali gwanitha po omauvaneko galyo.
Shoka inashi vula okukolekwa molwaashoka aanambelewa yelelo lyoRehoboth inaya vula okumonika.
Isaaks okwa ulike ombaapila ya shangwa momvula yo 2017, tayi holola kutya elelo lyondoolopa olya gandja epitiko kehangano li tunge omagumbo gokuulika okuthika momwedhi Maalitsa 2019.
Omupopiliko gwelelo lyaShakati, Katarina Kamari okwa popi kutya elelo inali gandja evi kaatungi noshikando shahugunina lya li lyeshiningi omomvula yo 2017. Okwa kunkilile aakalimo yiikaleke kokule naayugi mboka taya popi kutya oyeli aatungi.
Kamari okwa pititha omukanda moka a popi kutya elelo lyaShakati inali gandja evi kehangano lyoHydraform opo li tunge omagumbo moongamba yondoolopa yaShakati.
Okwa pula aakwashigwana ya ningile aluhe oombelewa dhawo omapulapulo ngele oye na omalimbililo. Ngoloneya gwoshitopolwa shaShana, Elia Irimari, okwa lombwele oNamibian Sun kutya elelo lyoshitopolwa nalyo inali gandja evi kehangano lyoHydraform.
Ombelewa yangoloneya oya gandja omukanda tagu popi kutya inaya gandja evi kehangano lyoHydraform Interlocking Solution mondoolopa yaNdangwa, Ongwediva oshowo Oshakati nenge mEheke mUukwangula.
Okwa popi kutya oofoloma dhokuninga omaindilo gomagumbo ohadhi gandja oshali.
Isaaks okwa holola okuuva nayi kwe sho elelo lyoshitopolwa tali ikaleke kokule nongeshefa yawo ta popi kutya oya zimine konkalo yongeshefa ndjoka. Okwa popi kutya elelo lyondoolopa olya li lya hiwa keuliko lyongeshefa yawo ihe inali thika.
Isaaks okwa popi kutya inaya ninga omaindilo melelo lyondoolopa yaShakati natango molwaashoka oyiipyakidhila natango negongelo lyomauyelele okupitila koWhatsApp neishangitho pamalungula.
Okwa popi kutya ngashiingeyi otaya tala kaakwashigwana mboka ya landa omavi gawo ihe otaya nyengwa okutunga ihe sho oshifokundaneki shika sha yi pamwe naakwashigwana opo ya kiishangithe omagumbo, aakiintu mboka taya shangitha oye ya uvanekele woo ooplota.
Isaaks okwa popi kutya ina ninga omauvaneko gomagumbo geli po 16 000, ta popi kutya onkundana yiifundja.
Okwa tsikie kutya ehangano lyawo itali landula elombwelo lyopolisi okukaleka eshangitho molwaashoka inaya tulilwamo oshipotha.
“Otwa shangithwa paveta na ohatu futu iishoshela yepangelo onkene kandi wete kutya omolwashike tu na okukaleka iilonga yetu.”
[email protected]
OSHAKATI
Opolisi oya kunkilile woo aakwashigwana kaya fute iimaliwa yawo kehangano ndyoka.
Shoka osha ningwa shalandula sho elelo lyondoolopa yaShakati lyiikaleke kokule nehangano ndyoka tali shangitha aantu mopoloyeka yokutunga omagumbo gaamboka ye na iiyemo yili pevi.
Mboka ya shangithwa oya lombwelwa kutya elelo lyondoolpa olya gandja evi kehangano ndyoka opo li tameke okutunga omagumbo momahala ngaashi Ekuku, Ehenye, Extension 16 oshowo mondoolopa yaNgwediva nOndangwa. Ehangano olya ningi omauvaneko okutunga omagumbo geli po 16 000.
Shika kashi shi oshikando shotango ehangano ndyoka tali ningi omauvaneko okugandja omagumbo gombiliha kAanamibia. Momvula yo 2013 ehangano olyo tuundyoka olya longitha omukalo ngoka nokushangitha aantu ya thika po 4 000 moRehoboth, Groot Aub, oshowo mondoolopa yaGobabis.
Konima yomvula yimwe omagumbo inaga tungwa natango.
Omwaalu gwafaathana ogwa futithwa aakwashigwana mOshakati, Ongwediva nOndangwa.
Mboka yiishangitha oya futu oshimaliwa shili pokati koN$250 no N$500, shiikwatelela kutya oya hogolola omagumbo geli ngiini.
Omunambelewa omupopiliko gwoHydraform Interlocking Solution Namibia, Daniel Isaaks, okwa popi kutya omagumbo oga tungwa ta gwedha po kutya aantu naya kale ye shishi kutya omukalo gwegandjo lyevi moNamibia otagu ende kashona, naashoka osho sha etitha ehangano li vule okukala inali gwanitha po omauvaneko galyo.
Shoka inashi vula okukolekwa molwaashoka aanambelewa yelelo lyoRehoboth inaya vula okumonika.
Isaaks okwa ulike ombaapila ya shangwa momvula yo 2017, tayi holola kutya elelo lyondoolopa olya gandja epitiko kehangano li tunge omagumbo gokuulika okuthika momwedhi Maalitsa 2019.
Omupopiliko gwelelo lyaShakati, Katarina Kamari okwa popi kutya elelo inali gandja evi kaatungi noshikando shahugunina lya li lyeshiningi omomvula yo 2017. Okwa kunkilile aakalimo yiikaleke kokule naayugi mboka taya popi kutya oyeli aatungi.
Kamari okwa pititha omukanda moka a popi kutya elelo lyaShakati inali gandja evi kehangano lyoHydraform opo li tunge omagumbo moongamba yondoolopa yaShakati.
Okwa pula aakwashigwana ya ningile aluhe oombelewa dhawo omapulapulo ngele oye na omalimbililo. Ngoloneya gwoshitopolwa shaShana, Elia Irimari, okwa lombwele oNamibian Sun kutya elelo lyoshitopolwa nalyo inali gandja evi kehangano lyoHydraform.
Ombelewa yangoloneya oya gandja omukanda tagu popi kutya inaya gandja evi kehangano lyoHydraform Interlocking Solution mondoolopa yaNdangwa, Ongwediva oshowo Oshakati nenge mEheke mUukwangula.
Okwa popi kutya oofoloma dhokuninga omaindilo gomagumbo ohadhi gandja oshali.
Isaaks okwa holola okuuva nayi kwe sho elelo lyoshitopolwa tali ikaleke kokule nongeshefa yawo ta popi kutya oya zimine konkalo yongeshefa ndjoka. Okwa popi kutya elelo lyondoolopa olya li lya hiwa keuliko lyongeshefa yawo ihe inali thika.
Isaaks okwa popi kutya inaya ninga omaindilo melelo lyondoolopa yaShakati natango molwaashoka oyiipyakidhila natango negongelo lyomauyelele okupitila koWhatsApp neishangitho pamalungula.
Okwa popi kutya ngashiingeyi otaya tala kaakwashigwana mboka ya landa omavi gawo ihe otaya nyengwa okutunga ihe sho oshifokundaneki shika sha yi pamwe naakwashigwana opo ya kiishangithe omagumbo, aakiintu mboka taya shangitha oye ya uvanekele woo ooplota.
Isaaks okwa popi kutya ina ninga omauvaneko gomagumbo geli po 16 000, ta popi kutya onkundana yiifundja.
Okwa tsikie kutya ehangano lyawo itali landula elombwelo lyopolisi okukaleka eshangitho molwaashoka inaya tulilwamo oshipotha.
“Otwa shangithwa paveta na ohatu futu iishoshela yepangelo onkene kandi wete kutya omolwashike tu na okukaleka iilonga yetu.”
[email protected]
Comments
Namibian Sun
No comments have been left on this article